រឿងរ៉ាវ​មួយចំនួន​អំពី​ប្រដាប់​ភេទបុរស

, , Leave a comment

​សុខភាព : ដូចដែល​លោកអ្នក​បានដឹង​ស្រាប់​ហើយ​ថា ប្រដាប់​ភេទបុរស​បំពេញ​នាទី​ពីរ​យ៉ាងសំខាន់ៗ​នៃ​ដំណើរការ​ជីវិត ៖ ទីមួយ​គឺជា​ផ្លូវ​នោម និង​ទី​ពីរ​គឺជា​ផ្លូវ​បញ្ជូន​មេជី​វិត​។ អ្នកខ្លះ​ឲ្យ​ឈ្មោះ​សរីរាង្គ​នោះ​ថា​ជា “​ចលករ​ស្នេហា​”​។ ជា​ការពិត​មិនអាច​ប្រកែក​បានការ​ស្វែងយល់​ពី​ប្រដាប់ភេទ គឺជា​ផ្នែក​មួយ​នៃ​ការអប់រំ​សុខភាព​ផ្លូវភេទ ហើយក៏​ជា​ធាតុ​ផ្សំ​ដ៏​ពិ​សេសមួយ​ដែល​ធ្វើ​ឲ្យ​ចំណងស្នេហា​របស់ អ្នក​សិ្ថ​ត​ថេរ​គង់វង្ស​បានយូរ​អង្វែង​។​

 

​តើ​ផ្នែក​ណា​នៃ​លិង្គ​ដែល​ទទួល​សម្រើប​ខ្លាំងជាងគេ​?
​លិង្គ​ត្រូវបាន​បែងចែក​ជា​បី​ផ្នែក​៖ គល់ តួរ និង​ក្បាល ដែល​គ្រប​ដោយ​គម្រប​ស្បែក​។ នៅពេល​ផ្នែក​ទាំងបី​ឡើង​រឹង និង​រីក​ធំ ក្បាល​លិង្គ និង​ចង្អូរ​ជុំវិញ​ផ្នែក​គល់​របស់​វា គឺជា​ផ្នែក​ដែល​ទទួល​អារម្មណ៍​ស្រើបស្រាល​ខ្លាំងជាងគេ​។​

 

​តើ​លិង្គ​មាន​ប៉ុន្មាន​ប្រភេទ​?

 

១.​លិង្គ​បើក​
​ជា​លិង្គ​ដែល​គ្មាន​ស្បែកក្បាល ឬ​ស្បែកក្បាល​ខ្លី​។ នេះ​ជា​ប្រភេទ​ដែល​គេ​ជួបប្រទះ​ច្រើន​ញឹកញាប់​ជាងគេ​។ អ្នក​ស្រាវ​ជាវ​បាន​បង្ហាញថា លិង្គ​ប្រភេទ​នេះ​មិនសូវ​ទទួល​ញាណ​បានល្អ​ដូច​លិង្គ​បិត​ទេ ដោយសារតែ​វា​គ្មាន​ស្បែក​គ្រប ដែលជា​ហេតុ​ធ្វើ​ឲ្យ​ផ្នែក​នេះ​ស៊ាំ​នឹង​ការ​កកិត​ជាមួយ​សម្លៀកបំពាក់​។ តែ​នេះ​ជា​បញ្ហា​ដ៏​តូច​ដែល​យើង​មិនគួរ​យកចិត្តទុកដាក់​ឡើយ​។​

 

២.​លិង្គ​បិត​
​ជា​លិង្គ​ដែលមាន​ស្បែក​គ្រប់​ពីលើ​ក្បាល​លិង្គ​។ ពេល​លិង្គ​ឡើង​រឹង​រីក​ធំ ស្បែក​នេះ​នឹង​ទាញ​មក​ក្រោយ​។ ដូចដែល​បាន​រៀបរាប់​ខាងលើ លិង្គ​ប្រភេទ​នេះ​ទទួល​ញាណ​ស្រើបស្រាល​បានល្អ​ជាង​លិង្គ​បើក តែ​វា​មាន​ផល​មិនល្អ​ត្រង់​ថា ស្បែក​ដែល​គ្រប់​លើ​ក្បាល​លិង្គ​ជា​កន្លែង​ដែល​មេរោគ​អាច​ស្នាក់​នៅបាន ហើយ​វា​អាច​បង្ក​ជា​រោគ​និង​ការរំខាន​។ ប៉ុន្តែ​នេះ ក៏​មិនមែនជា​បញ្ហា​ធំ​ដែរ​។ ប្រសិនបើ​អ្នកមាន​លិង្គ​ប្រភេទ​នេះ អ្នក​ត្រូវ​ទាញ​ស្បែ​កមក​ក្រោយ ហើយ​សម្អាត​ក្បាល​លិង្គ ជាពិសេស​ផ្នែក​គល់​នៃ​ក្បាល ឲ្យ​បានជា​ប្រចាំ​។​

 

៣.​លិង្គ​រីក​
​ជា​ប្រភេទ​លិង្គ​ដែល​រីក​ធំ​ពេល​វា​ឡើង​រឹង​។ បុរស ៧៩ ភាគ​មាន​លិង្គ​ប្រភេទ​នេះ​។

 

៤. លិង្គ​មិន​រីក​
​ជា​ប្រភេទ ដែល​រីក​បាន​តិចតួច ឬ​មិន​រីក​ពេល​ឡើង​រឹង​។ ការ​អ​ង្គេ​ត​មួយ​បាន​បង្ហាញថា មនុស្ស​ប្រុស ២១ ភាគរយ​ជួប​បញ្ហា​នេះ​។ ទំហំ​លិង្គ​ក៏​ប្រហែលជា​មិនមែនជា​បញ្ហា​ដែរ ប្រសិនបើ​អ្នក​អាចមាន​វិធីសាស្ត្រ​បន្ថែម​ដែល​ធ្វើ​ឲ្យ​ដៃគូ​អ្នកមាន ការពេញចិត្ត​។​

 

៥.​លិង្គ​កោង​
​នៅពេល​ធម្មតា លិង្គ​ប្រភេទ​នេះ​មាន​សភាព​ដូច​លិង្គ​ធម្មតា​ដែរ តែ​ពេល​ឡើង​រឹង​ឡើង​កោង អាច​កោង​ទៅ​ឆ្វេង ទៅ​ស្តាំ ទៅ​ក្រោម ឬ​ទៅលើ​។ ប្រសិនជា​កោង​ខ្លាំង វា​អាច​រំខាន​ដល់​ការ​រួមភេទ​។ ដើម្បី​ដោះស្រាយ​បញ្ហា​អ្នក​អាច​ជ្រើស​យក​កាយវិការ​រួមភេទ​ណា​ដែល​មិន បង្ក​ការឈឺចាប់​ដល់ដៃ​គូ​អ្នក​។ បើ​អ្នក​មិនអាច​ដោះស្រាយ​បញ្ហា​នេះ​បាន សូមកុំ​រារ​រែក​ក្នុងការ​ស្វែងរក​ការប្រឹក្សា​ពី​អ្នកជំនាញ​។​

 

៦.​លិង្គ​តូច និង លិង្គ​ធំ​
​លិង្គ​មាន​ទំហំ​ចន្លោះ​ពី  ៧ ទៅ ១០ ស​.​ម នៅពេល​មិន​រឹង​។ មនុស្ស​ប្រុស​ប្រមាណ ៩០ ភាគរយ​មាន​លិង្គ​ប្រហែង​ចន្លោះ​ពី ១៣ ទៅ ១៨ ស​.​ម នៅពេល​ឡើង​រឹង​។ លិង្គ​ដែល​ចាត់ទុកថា​តូច មាន​ប្រវែង ៨ ទៅ ៩ ស​.​ម ពេល​ឡើង​រឹង​។ តំបន់​ទទួល​សម្រើប​នៃ​ប្រដាប់ភេទ​ស្រី​ស្ថិតនៅ​ផ្នែក​ខាងក្រៅ និង​ផ្នែក​ដើម​នៅក្នុង​រន្ធ​យោនី​។ មាន​ន៏​យ​ថា​បុរស​ដែលមាន​លិង្គ​ខ្លី​ក៏​អាចធ្វើ​ឲ្យ​ដៃគូ​រួមភេទ​របស់ខ្លួន ពេញចិត្ត​បានដែរ​។​

 

៧.​លិង្គ​ខ្សោយ​
​ជា​ប្រភេទ​ដែល​មិន​ឡើង​រឹង​ទោះបី​មានការ​ស្រើបស្រាល​ក៏ដោយ​។ មនុស្ស​ប្រុស​ជា ៤០ % មាន​បញ្ហា​នេះ​។ ការ​នេះ​បញ្ជាក់ថា​អ្នកមាន​ជំងឺ​ដែល​ត្រូវតែ​ទៅរក​គ្រូពេទ្យ​។​

 

​តើ​ការវះកាត់​លិង្គ​ល្អ​សម្រាប់​អ្នក​ទេ​?
​ការវះកាត់​ផ្តល់​ផល់​ប្រយោជន៍​តិចតួច តែ​ផលវិបាក​ជាច្រើន​ដូចជា​ការ​ខូច​ទ្រង់ទ្រាយ ការចម្លង​រោគ បាត់​ញាណ និង​ដាច់​សរសៃឈាម​ជាដើម​៕

22-10-2015

​រក្សា​សិទ្ធ ©​វេជ្ជ​សាស្ដ្រា​

 

Leave a Reply

(*) Required, Your email will not be published