ចំណីអាហារ ជា​កត្តា​ប្រឈមមុខ​នឹង​ជំងឺ​បេះដូង​សម្រាប់​ប្រជាពលរដ្ឋ​កម្ពុជា​

, , Leave a comment

​រាជធានី​ភ្នំពេញ : គ្រូពេទ្យ​ឯកទេស​ជំងឺ​បេះដូង​បាន​ឲ្យ​ដឹងថា ជំងឺ​បេះដូង​មានការ​កើនឡើង​ខ្លាំង​នៅតាម​បណ្តា​ប្រទេស​កំពុង​អភិវឌ្ឍ ពិសេស​ប្រទេស​កំពុងតែ​រីកចម្រើន​លឿន​ដូចជា ប្រទេស​កម្ពុជា ដែល​ប្រជាពលរដ្ឋ​មាន​ជីវភាព​ធូរធារ​ការហូបចុក​ក៏​សម្បូរបែប​ដែល​ធ្វើ​ឲ្យ​ជំងឺ​បេះដូង​មានការ​កើន​ឡើងជា​គំហុក​។​

 

​យោងតាម​របាយការណ៍​របស់​អង្គការ​សុខភាព​ពិភពលោក​បាន​បញ្ជាក់ថា នៅលើ​ពិភពលោក​ក្នុង​១​ឆ្នាំ​អត្រា​មនុស្ស​ស្លាប់​ប្រមាណ​១៧​លាន​នាក់ ដោយសារ​ជំងឺ​បេះដូង​ដែល​ភាគច្រើន​កើតឡើង​នៅ​ប្រទេស​អភិវឌ្ឍន៍​។ ចំណែក​អ្នកជំងឺ​លើសឈាម​នៅលើ​ពិភពលោក​មាន​ចំនួន​១៥០០​លាន​នាក់​ស្មើនឹង​១​ភាគ​៣​នៃ​មនុស្សពេញវ័យ​នៅលើ​ពិភពលោក​។​

 

​ប្រធាន​សមាគម​គ្រូពេទ្យ​បេះដូង​កម្ពុជា នៃ​មន្ទីរពេទ្យ​កាល់ម៉ែត​បាន​មានប្រសាសន៍ថា ជំងឺ​បេះដូង​នៅ​ស្រុក​ខ្មែរ​មាន​ច្រើនតែ​យើង​នៅ​មិនទាន់មាន​តួលេខ​ណាមួយ​ជាក់លាក់​នៅឡើយ​ទេ​ពាក់ព័ន្ធ​នឹង​ជំងឺ​បេះដូង​។ ប៉ុន្តែ​បើតាម​របាយការណ៍​រប​ស់​អង្គការ​សុខភាព​ពិភពលោក បាន​បញ្ជាក់ថា ជំងឺ​បេះដូង​មានការ​កើនឡើង​ខ្លាំង​នៅតាម​បណ្តា​ប្រទេស​កំពុង​អភិវឌ្ឍ ពិសេស​ប្រទេស​កំពុងតែ​រីកចម្រើន​លឿន​ដូចជា ប្រទេស​កម្ពុជា ដែល​ប្រជាពលរដ្ឋ​មាន​ជីវភាព​ធូរធារ​ការហូបចុក​ក៏​សម្បូរបែប​ដែល​ធ្វើ​ឲ្យ​ជំងឺ​បេះដូង​មានការ​កើនឡើង​។ តាម​អង្គការ​សុខភាព​ពិភពលោក​នៅ​ប្រទេស​កម្ពុជា​អ្នក​ដែល​ស្លាប់​ដោយសារ​ស្ទះ​ស​សៃ​ឈាម​បេះដូង​មាន​រហូតដល់​ទៅជា​ង​២០​ភាគរយ​។​

 

​លោក​បាន​បន្តទៀតថា ជំងឺ​បេះដូង​មាន​ច្រើន​ប្រភេទ ពោលគឺ​មានមក​ពី​កំណើត​បណ្តាល​មក ពីរ​លាក​បំពង់ក និង​រលាក​សន្លាក់​រ៉ាំរ៉ៃ ជំងឺ​ប្រឹស​បេះដូង ជំងឺ​ស្ទះ​ស​សៃ ឈាម បេះដូង​ដែល​កើតឡើង​ញឹកញាប់​ជាងគេ​ដែល​បណ្តាលមកពី​អ្នកជំងឺ​មាន​ជំងឺលើសឈាម ទឹកនោមផ្អែម ធ្វើ​ឲ្យ​ស​សៃ​ឈាមកក​ខ្លាញ់ ទើប​បណ្តាល​ឲ្យ​ស្ទះ​ស​សៃ​បេះដូង​ធ្វើ​ឲ្យ​បេះដូង​ខូច ឬ​គាំង​។ ខ្លះ​បណ្តាលមកពី​ចង្វាក់បេះដូង​មានន័យថា បេះដូង​មិន​ខូច​ទេ​តែ​ចង្វាក់បេះដូង​ដើរ​យឺត ឬ​លឿន​។ ជំងឺ​មិន​ទាក់ទង​នឹង​សរសៃឈាម ឬ​ចង្វាក់បេះដូង​ទេ តែ​មកពី​សាច់ដុំ​បេះដូង​វា​អាច​ឲ្យ​សាច់ដុំ​បេះដូង​ក្រាស់ ឬ​ស្តើង​រីក​ជាដើម​។ នៅ​កម្ពុជា​ភាគច្រើន​កើត​ជំងឺ​ស្ទះ​សរសៃឈាម​បេះដូង ជំងឺ​ប្រឹស​បេះដូង និង​មាន​ជំងឺ​បេះដូង​ពី​កំណើត​ទាំងបី​នេះ​ច្រើនជាងគេ​។​

 

​ទាក់ទិន​នឹង​ការព្យាបាល​ជំងឺ​បេះដូង​លោក​បាន​បញ្ជាក់ថា ជំងឺ​បេះដូង​ខ្លះ​ព្យាបាល​ជាសះស្បើយ តែ​ខ្លះទៀត​មិនជា​ទេ​តែ​អាច​ឲ្យ​អ្នកជំងឺ​រស់​ធម្មតា​។ លោក​បាន​ណែនាំ​ថា «​ដូច្នេះ​មធ្យោបាយ​ដែល​ល្អ​បំផុត​នោះ​អ្នកជំងឺ​ត្រូវតែទៅ​ជួប​គ្រូពេទ្យ​ជំនាញ​បេះដូង ដើម្បី​ឲ្យ​គ្រូពេទ្យ​ព្យាបាល ឲ្យ​បាន​ត្រឹមត្រូវ​មិនអាច​ព្យាបាល​ដោយ​ថ្នាំ​ផ្តេសផ្តាស​ដោយ​ខ្លួនឯង​បានទេ​។ ពិសេស​នៅ​មន្ទីរពេទ្យ​កាល់ម៉ែត​ដែលមាន​ឧបករណ៍​ទំនើប​»​។ ចំពោះ​រោគសញ្ញា​ជំងឺ​បេះដូង មាន​ច្រើន​ដូចជា​មាន​ចុក​ដើមទ្រូង​មាន​អាកា​រៈហ​ត់​ញ័រ​ដើមទ្រូង​ដែល​មុខសញ្ញា​បី​នេះ​កើត​ញឹកញាប់​ជាងគេ​។ ក្រៅពីនេះ​មាន​ខ្លះ​អ្នកជំងឺ​មាន​អាកា​រៈ​សន្លប់​ក៏មាន​តែ​មិន​ញឹកញាប់​។​

 

​លោក​បាន​អំពាវនាវ​សូម​ឲ្យ​ប្រជាជន​យើង​ចូលរួម​កាត់បន្ថយ​ជំងឺ​នេះ ដោយ​បញ្ឈប់​ការ​ពិសា​បារី​ព្យាបាល​ជំងឺ​ទឹកនោមផ្អែម ជំងឺលើសឈាម​ឲ្យ​បានល្អ និង​មិនត្រូវ​បរិភោគ​អាហារ ដែលមាន​ជាតិ​ប្រៃ​ពេក​បន្ថយ​ជាតិ​អំបិល និង​ខ្លាញ់ និង​ធ្វើ​លំ​ហាត់ប្រាណ​ឲ្យ​បាន​ទៀងទាត់​។ ក្នុងករណី​សង្ស័យ​ជំងឺ​ទាក់ទិន​នឹង​បេះដូង​សូម​ប្រញាប់​មក​ពិគ្រោះ​ជាមួយ​គ្រូពេទ្យ​បេះដូង ដើម្បី​ឲ្យ​គ្រូពេទ្យ​ធ្វើ​រោគវិនិច្ឆ័យ និង​ព្យាបាល​ឲ្យ​បាន​ត្រឹមត្រូវ និង​ទាន់ពេលវេលា​៕

21-10-2015

 

Leave a Reply

(*) Required, Your email will not be published