ព្រះមហាក្សត្រ យាង​ទៅ​បំពេញ​ព្រះរាជទស្សនកិច្ច​នៅ​សាធារណរដ្ឋ​សង្គមនិយម វៀតណាម​

, , Leave a comment

រាជធានី​ភ្នំពេញ : ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា​នឹង​យាង​ទៅ​បំពេញ​ព្រះរាជទស្សនកិច្ច​សម្រាក​ព្រះកាយ នៅ​សាធារណរដ្ឋ​សង្គមនិយម វៀតណាម​រយៈពេល​៤​ថ្ងៃ ហើយ​ព្រះរាជ ដំណើរ​យាង​ទៅ​សម្រាក​ព្រះកាយ​នេះ​ធ្វើឡើង​តាម​សំណើ​យាង​របស់​រដ្ឋាភិបាល​វៀ​ត​ណា​ម​។ នេះ​បើតាម​ព្រះរាជសារ​របស់ ព្រះមហាក្សត្រ ចុះ​ថ្ងៃទី​១៨ ខែតុលា ឆ្នាំ ២០១៥​។​

 

​ព្រះរាជសារ​របស់​ព្រះមហាក្សត្រ​បានលើកឡើង​ថា “​ទូលព្រះបង្គំ ខ្ញុំព្រះករុណា សូម ព្រះអនុញ្ញាត និង​អនុញ្ញាត ពី​សម្តេចព្រះ អគ្គ​មហាសង្ឃរាជ ទាំងពីរ​គណៈ និង​ព្រះ​ថេរានុត្ថេរៈ​គ្រប់​ព្រះអង្គ សម្តេច ឯកឧត្តម លោកជំទាវ អស់លោក លោកស្រី លោក តា លោកយាយ មាមីង បងប្អូន ក្មួយៗ ជនរួមជាតិ​ទាំងអស់ អវត្តមាន​ពី​មាតុប្រទេស​ចាប់ពី​ថ្ងៃទី​១៩ ដល់​ថ្ងៃទី​២២ ខែ តុលា ឆ្នាំ​២០១៥ តទៅ ដើម្បី​យាង​បំពេញ​ព្រះរាជទស្សនកិច្ច​សម្រាក​កាយ នៅ​ទីក្រុង Hue និង​ទីក្រុង Dalat នៃ​សាធារណរដ្ឋ សង្គមនិយម​វៀតណាម តាម​សំណើ​យាង​របស់​រដ្ឋាភិបាល​វៀ​ត​ណា​ម​។​

 

​តាម​ព្រះរាជសារ​របស់​ព្រះករុណា ព្រះ បាទ​សម្តេច​ព្រះបរមនាថ នរោត្តម សីហមុនី បាន​បញ្ជាក់ថា នៅក្នុង​ឱកាស​អវត្តមាន របស់​ព្រះអង្គ សម្តេច​វិបុល​សេនា​ភក្តី សាយ ឈុំ ប្រធានព្រឹទ្ធសភា នឹង​ទទួល ជួយ​ព្រះអង្គ ក្នុងឋានៈ​ជា​ប្រមុខរដ្ឋស្តីទី​នៃ​ព្រះរាជាណាចក្រ​កម្ពុជា​ហើយ​ព្រះមហាក្សត្រ​នឹង​យាង​ចេញទៅ​វៀតណាម នៅ វេលា​ម៉ោង​១០ ព្រឹក​ថ្ងៃទី​១៩ ខែតុលា ឆ្នាំ ២០១៥ ៕

19-10-2015 (1) 19-10-2015

 

Leave a Reply

(*) Required, Your email will not be published