នៅពេលដែល​ស្លៀក​ខ្លី ត្រូវបាន​ចាត់ទុកថា​ខ្លី​ពេក​!

, , Leave a comment

11407052_808479565938842_1260331123086181539_n

​ម៉ូត​សម្លៀកបំពាក់​នារី​សម័យនេះ​គេ​និយម​ស្លៀក​រាង​ខើច​ខ្លី ជាពិសេស​ស្ទីល​យុវវ័យ​។ មិន​ថា​នៅ​ស្រុក​ខ្ញុំ ឬ​ស្រុក​គេ នារី​ក្មេងៗ ស្លៀក​ខើច​ខ្លី​បញ្ចេញ​គល់ភ្លៅ​គ្មាន​ញញើត​ដៃ​ឡើយ​! ប៉ុន្តែ​តើ​ការ​ស្លៀក​ខើច​ខ្លី​បែបនេះ គួរតែ​គិតពី​កាលៈទេសៈ ទីកន្លែង ដែរឬទេ​?

 

​គ្មានអ្វី​ដែលថា មិន​ត្រឹមត្រូវ​ទេ បើ​គ្រាន់តែ​ស្លៀកសំពត់​ខ្លី​! ប៉ុន្តែ​បើ​អ្នក​ស្លៀក​ខ្លី​នៅ​កន្លែងធ្វើការ​គួរតែ​មិន​ខ្លី​លើ​ជង្គង់​លើសពី​២ ទៅ​៥​សង់ទីម៉ែត្រ​ទេ​! បើ​ស្លៀក​ខ្លី​ជាង​នេះ​ច្បាស់​ជា​បុគ្គលិក​បុរសៗ លែងមាន​ចិត្ត​ចង់​ធ្វើការ​ងារ​ហើយ​តែ​បែរជា​មក​ចាប់អារម្មណ៍​មើល​តែ​សាច់​ភ្លៅ​របស់​នាង​មិន​ខាន​!

 

​លើសពីនេះ​នៅពេលដែល​អ្នក​ឱន​សំពត់​នោះ​នឹង​កាន់តែ​សើយ​ឡើង​មើលទៅ​មិន​ខុសពី​ស្រី​រាំ​អាសអាភាស​ទេ​! តាមពិត​វា​មិន​ដល់​ថ្នាក់​ហ្នឹង​ពេក​ទេ តែ​អ្នក​គួរតែ​ពិចារណា​លើ​ចំនុច​នេះដែរ  LOL!!!

 

​ប៉ុន្តែ​បើ​អ្នក​ត្រូវតែ​ស្លៀក​ខ្លី​ខានមិនបាន​ស្រោម​បា​ពណ៌​ក្រ​ម៉ៅ ឬ​ពណ៌​ខ្មៅ​ដែល​មិន​ឆ្លុះ​សាច់​អាចជួយ​បិតបាំង​អ្នក​បាន​។​

 

​នៅពេលដែល​ការ​ស្លៀកពាក់​របស់​អ្នក​ដែល​បញ្ចេញ​សាច់​ហួសហេតុ​មិន​ត្រឹម តែ​ធ្វើអោយ សហសេវិក​អ្នកបើក​ភ្នែក​ធំៗ​ទេ វា​ថែមទាំង​បានធ្វើអោយ​ភាពថ្លៃថ្នូរ​របស់​អ្នកធ្លាក់​ចុះ​ថែម​ទៀតផង​។​

 

​ប្រសិនបើ​អ្នក​ចង់​ស្លៀកសំពត់​នៅក្នុង​ស្ថាប័ន​ការងារ គួរតែ​ពិចារណា​ប្រភេទ​សំពត់​ដូច​រូប​ខាងក្រោម ដែល សក្តិសម​សំរាប់​នារី​គ្រប់​វ័យ គ្រប់​ប្រភេទ មិន​ថា ទាប​ឬ​ខ្ពស់ ធាត់​ឬ​ស្គម ។​
​ជាថ្មី​ម្តងទៀត ខ្ញុំ​មិនបាន​ជំទាស់​នឹង​ភាពទាន់សម័យ នឹង​ភាព​សិច​ស៊ី​របស់​អ្នក​ទេ ប៉ុន្តែ​ជា​ចាំបាច់​ណាស់​ដែល​អ្នក​គួរតែ​យល់ ថា មិនមែន​អ្នកណា​ក៏​ចង់ឃើញ​ជើង​របស់​អ្នក​ទេ ហើយ​ជាពិសេស​បើ​ជើង​នោះ​មិន​ស្អាត​ទៀត​!

 11667431_819716838148448_2869845882300300880_n  11694813_815567751896690_1210045728354341300_n

 

Leave a Reply

(*) Required, Your email will not be published