រដ្ឋមន្ត្រីក្រសួង​ព័ត៌មាន លោក ខៀវ កាញារីទ្ធ អញ្ជើញ​ជា​អធិបតី​ពិធី​ប្រកាស​ផ្ទេរតំណែង ប្រធាន​មន្ទីរ​ព័ត៌មាន ខេត្តសៀមរាប​

, , Leave a comment

​ខេត្តសៀមរាប : នា​ព្រឹក​ថ្ងៃទី​៧ ខែតុលា ឆ្នាំ​២០១៣​ប្រធាន​មន្ទីរ​ព័ត៌មាន​ថ្មី​នៃ​ខេត្តសៀមរាប​ត្រូវ​ឡើង​ជំនួស​ប្រធាន​មន្ទីរ​ចាស់​ដែល​ចូលនិវត្តន៍​ត្រូវបាន​ប្រារព្ធ​ពិធី​ប្រកាស​ចូលកាន់​តំណែង​ជា​ផ្លូវការ ក្រោម​អធិបតី​លោក ខៀវ កាញារីទ្ធ រដ្ឋមន្ត្រីក្រសួង​ព័ត៌មាន​។ ពិធី​នេះដែរ​ក៏មាន​វត្តមាន​អញ្ជើញ​ជា​អធិបតី​ពី​សំណាក់​លោក នូ ផល្លា ប្រធាន​ក្រុមប្រឹក្សា​ខេត្តសៀមរាប លោក ខឹម ប៊ុន​សុង អភិបាលខេត្ត​សៀមរាប ព្រមទាំង​អស់លោក លោកស្រី​ជា​រដ្ឋលេខាធិការ អនុរដ្ឋលេខាធិការ អគ្គនាយក ប្រតិភូ​រាជរដ្ឋាភិបាល ទីប្រឹក្សា​ក្រសួង​ព័ត៌មាន​។​

ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន អញ្ជើ់ញជាអធិបតី ពិធីប្រកាសផ្ទេរតំណែងប្រធាន មន្ទីរព័ត៌មាន ខេត្តសៀមរាប នាព្រឹកថ្ងៃទី០៧ ខែតុលា ឆ្នាំ២០១៥ ដោយមានអញ្ជើញចូលរួមពីសំណាក់ ឯកឧត្តម នូ ផល្លា ប្រធានក្រុមប្រឹក្សាខេត្តសៀមរាប និងឯកឧត្តម ឃឹម ប៊ុនសុង អភិបាលខេត្តសៀមរាប។ រូបថតៈ ហ៊ុន យុទ្ធគុណ (AKP)

មន្ទីរព័ត៌មាន ខេត្តសៀមរាប នាព្រឹកថ្ងៃទី០៧ ខែតុលា ឆ្នាំ២០១៥ ដោយមានអញ្ជើញចូលរួមពីសំណាក់
ឯកឧត្តម នូ ផល្លា ប្រធានក្រុមប្រឹក្សាខេត្តសៀមរាប និងឯកឧត្តម ឃឹម ប៊ុនសុង អភិបាលខេត្តសៀមរាប។ រូបថតៈ ហ៊ុន យុទ្ធគុណ (AKP)

​លោក កែវ ពេជ្រ​និមល ប្រធាន​មន្ទីរ ព័ត៌មាន​ខេត្តសៀមរាប​ដែល​បាន​ចូលនិវត្តន៍​ធ្វើ​របាយការណ៍​ជម្រាបជូន​ពី​លទ្ធផល ការងារ​ដែល​មន្ទីរ​ស​ម្រេច​អនុវត្តន៍​បាន​ក្នុងពេល​កន្លងមក​ក្នុង​នោះបាន​បង្កើត​ស្ថានីយ​វិទ្យុ​របស់ខ្លួន​មានឈ្មោះ​ថា វិទ្យុ FM  ជាតិ នគរ​ភ្នំ ដែលជា​វិទ្យុ​របស់​ជាតិ​ដោយបាន ដំណើរការ​ផ្សាយ​តាំងពី​ឆ្នាំ​២០១១​។ លោក​ប្រធាន​មន្ទីរ​ចាស់​បាន​បញ្ជាក់ថា​នៅក្នុង​ខេត្តសៀមរាប​មាន​វិទ្យុ FM សរុប​៤០​ស្ថានីយ ប៉ុន្តែ​កំពុងដំណើរការ​ផ្សាយ តែ​២៨​ស្ថានីយ ហើយ​១២ ទៀត មាន​អាជ្ញាប័ណ្ណ​តែ​ពុំទាន់​សាងសង់​។  ចំពោះ​ទូរទស្សន៍​មាន​៣៤​ស្ថានីយ​ក្នុងនោះ កំពុងដំណើរការ​ផ្សាយ​២០​ស្ថានីយ និង​១៤​ទៀត​មាន​អាជ្ញាប័ណ្ណ​តែ​ពុំទាន់​សាងសង់​។ សម្រាប់​ទូរទស្សន៍​ផ្សាយ​ផ្ទាល់​ក្នុង ខេត្ត​ចំនួន​៨​ស្ថានីយ និង​ផ្សាយ​ពី​ភ្នំពេញ​១២​ស្ថានីយ​។ ជាមួយគ្នានេះ​មន្ទីរ​ព័ត៌មាន បា​នស​ម្រ​ច​បាន​នូវ​កិច្ចការងារ​ជាច្រើន ទៀត​ទាក់ទង​វិស័យ​ព័ត៌មាន និង​សោតទស្សន៍​។​

 

​លោក​អភិបាលខេត្ត ខឹម ប៊ុន​សុង បានធ្វើ​របាយការណ៍​ជម្រាបជូន​ពី​សភាពការណ៍ វិវត្តន៍​រួម​ទូទាំង​ខេត្ត​ពិសេស​ទាក់ទង​ទៅ និង​វិស័យ​ទេសចរណ៍​ដែលមាន​ការរីកចម្រើន ដោយ​ក្នុងនោះ​រក្សាបាន​នូវ​សុវត្ថិ​ភាពល្អ ប្រសើរ​ដល់​ភ្ញៀវទេសចរ​ជាតិ និង​អន្តរជាតិ នៅ​គ្រប់​ទីកន្លែង​។ ជាមួយគ្នានេះ​លោក អភិបាលខេត្ត​បាន​ថ្លែងការណ៍​កោតសរសើរ ដល់​ប្រធាន​មន្ទីរ​ព័ត៌មាន​ចាស់ លោក កែវ ពេជ្រ​និមល ដែល​ចូលនិវត្តន៍​ទៅហើយ ប៉ុន្តែ​ក្នុងពេល​បំពេញ​តួនាទី​បាន​យកចិត្តទុកដាក់​លើ​ការបំពេញភារកិច្ច​ការ​ងារ ទទួលបាន​លទ្ធផល​ល្អប្រសើរ ជាពិសេស បានធ្វើអោយ​វិស័យ​ព័ត៌មាន និង​សោតទស្សន៍​ក្នុង​ខេត្ត​មានការ​រីកចម្រើន​គួរ​ឲ្យ កត់សំគាល់​។ ចំពោះ​ប្រធាន​មន្ទីរ​ថ្មី​ដែល ទើប​ចូលកាន់​តំណែង លោក​អភិបាលខេត្ត បានផ្តល់​ជា​មតិយោបល់​ដើម្បី​ឲ្យ​ការ អនុវត្ត​តួនាទី និង​ភារកិច្ច​របស់ខ្លួន​ទទួលបាន​លទ្ធផល​ល្អប្រសើរ​ក្នុងនោះ​ត្រូវមាន​កិច្ចសហការ​ល្អជា​មួយ​គ្រប់ផ្នែក​ទាំងអស់ រក្សា​នូវ​កិត្តិយស សេចក្តីថ្លៃថ្នូរ ក្រមសីលធម៌ វិជ្ជាជីវៈ ភាព​ស្អាតស្អំ​ជា​អ្នក​បម្រើសេវា សាធារណៈ​ដ៏​មាន​ប្រសិទ្ធភាព​ពិសេស​ការ ឯកភាព​ផ្ទៃក្នុង និង​សាមគ្គីភាព​គ្នា​បាន រឹងមាំ​។​

 

​លោក លីវ សុខុន បានធ្វើការ​ប្តេជ្ញា​បន្ត បំពេញការងារ​ដើម្បី​ឆ្លើយតប​នឹង​តម្រូវការ ការងារ​ដែលមាន​ការ​រីកចម្រើន​ថ្មីៗ​ពិសេស ការងារ​គ្រប់គ្រង​វិស័យ​ព័ត៌មាន​នៅ​ថ្នាក់ ក្រោម​ជាតិ​។ ទន្ទឹមនេះ​ធ្វើការ​លើកកម្ពស់ ស្មារតី សាមគ្គីភាព​ផ្ទៃក្នុង និង​បង្កើន ទំនាក់ទំនង សហការ​ឲ្យ​កាន់តែ​ជិតស្និទ្ធ ជាមួយ​អង្គភាព​ចំណុះ​ក្រសួង​ព័ត៌មាន ថ្នាក់ដឹកនាំ អង្គភាព​ជុំវិញ​ខេត្ត​ដើម្បី​ឲ្យ​ចរន្ត ការងារ​មាន​ភាព​ប្រទាក់ក្រឡា និង​ស៊ី ចង្វាក់​គ្នា​។   លោក​រដ្ឋមន្ត្រី ខៀវ កាញារីទ្ធ បានបញ្ជាក់ ថា ដោយ​ពិនិត្យឃើញថា​ខេត្ត សៀមរាប មាន​វិសាលភាព និង​សក្តានុពល​ធំ​លើ គ្រប់ផ្នែក​ទើប​ក្រសួង​ព័ត៌មាន​បាន​បង្កើត ជា​ស្ថានីយ​វិទ្យុ FM ជាតិ​មាន​កម្លាំង​ការ ផ្សាយ​ខ្លាំង និង​គម្រោង​បង្កើតជា​ទូរទស្សន៍ ជាតិ​របស់​ខេត្ត​មួយទៀត​ដើម្បី​ធ្វើការ​ផ្សព្វ​ផ្សាយបាន​កាន់​តែ​ទូលំទូលាយ​បន្ថែមទៀត​។ ដូច្នេះ​ប្រធាន​មន្ទីរ​ព័ត៌មាន​ថ្មី​ត្រូវតែ​ខិតខំ ពង្រឹងសមត្ថភាព​ក្នុងការ​បំពេញ​កិច្ចការងារ ថ្មីៗ​ពិសេស​ត្រូវ​រត់​ឲ្យ​ទាន់​នូវ​បច្ចេកវិទ្យា ព័ត៌មាន​នា​សតវត្ស​ទី​២១ ក្នុង​ការទទួល បាន​ព័ត៌មាន​ពី​គ្រ​ប់ណ្តាញ​ផ្សព្វផ្សាយ ទំនើប​ទាំងអស់ និង​ផ្តល់នូវ​រាល់​ព័ត៌មាន បាន​គ្រប់​ជ្រុងជ្រោយ និង​ទាន់ពេលវេលា ដល់​សាធារណជន ពិសេស​តាមរយៈ ការចេះ​រក​ចំណុច​ណា​ដែល​សំខាន់​ត្រូវ អារម្មណ៍​ហើយ​ទាក់ទាញ​ដល់​សាធារណៈ មានការ​គាំទ្រ​ច្រើន​។

 

ទន្ទឹម​មន្ត្រី​ព័ត៌មាន ត្រូវ​ចាំ​ថា ការងារ​ព័ត៌មាន​មិនមែន​ធ្វើ​តែម្នាក់ឯង​នោះទេ ទាមទារ​ឲ្យ​មាន​កិច្ចសហការ​គ្រប់ផ្នែក​ទាំងអស់ ទាំង​អ្នកសារព័ត៌មាន ប្រជាពលរដ្ឋ និង​អាជ្ញាធរ ដែនដី​គ្រប់លំដាប់ ថ្នាក់ ទើប​ធ្វើ​ឲ្យ​ការងារ របស់​យើង​ស​ម្រ​ច បាន​លទ្ធផល​ល្អ​។ ជាងនេះទៅទៀត​ត្រូវ ចាំ​ដែរ​ថា សតវត្សរ៍​ទី​២១ រូបភាព​នៃ​ការ ដណ្តើមយក​បេះដូង និង​ខួរក្បាល គឺជា ការសំខាន់ ដោយ​ត្រូវ​ធ្វើការ​បាន​ជិតស្និទ្ធ​ជាមួយ​ប្រជាពលរដ្ឋ​តាមរយៈ​កម្មវិធី​នានា ក្នុង​វិទ្យុ​សម្រាប់​ជាការ​ឆ្លើយឆ្លង​ជាមួយ ប្រជាពលរដ្ឋ​ដើម្បី​ដឹង​ពី​អារម្មណ៍ និង​សេចក្តី ត្រូវការ​របស់គាត់​ហើយ​ការ​ទៅ​ថ្នាក់ដឹកនាំ ខេត្ត​ធ្វើការ​ដោះស្រាយ និង​បំភ្លឺ​បាន​ទាន់ ពេលវេលា​នូវ​ហេតុការណ៍​ដែល​បានកើត មាន​ក្នុង​មូលដ្ឋាន​របស់ខ្លួន​ព្រោះ​ការពិត មិន​ងាយ​ពន្យល់​ឲ្យ​គេ​យល់បាន​នោះទេ បើ​រឿង​មិន​ពិត​គេ​ងាយ​ធ្វើការ​និយាយ ណាស់​។ ដូច្នេះ​ការសំខាន់​ទាមទារ​ឲ្យ ប្រធាន​មន្ទីរ និង​មន្ត្រី​ព័ត៌មាន​ត្រូវ​មានការ សាមគ្គី និង​សហការ​បាន​រឹងមាំ​ក្នុងការ បំពេញភារកិច្ច​ការងា​រ​ប្រកបដោយ ការ ទទួលខុសត្រូវ​ខ្ពស់ គោរព​វិន័យ​ច្បាប់​ផ្សេងៗ ដែលជា​គំរូ​ដ៏​ល្អ​ដើម្បី​ឲ្យ​យន្តការរដ្ឋបាល ដំណើរ​ទៅបាន​ល្អ​ឆ្លើយ​ទៅ​សំណូមពរ របស់​ប្រជាពលរដ្ឋ​ទូទៅ​។ ឆ្លៀត​ក្នុងឱកាស នោះដែរ លោក​រដ្ឋមន្ត្រី ខៀវ កាញារីទ្ធ បាន បញ្ជាក់ ឈប់​ធ្វើជា​រដ្ឋមន្ត្រីក្រសួង​ព័ត៌មាន នៅក្នុង​អា​ណិ​ត្ត​ក្រោយ​ទៀតហើយ​ដើម្បី​ទុក​ឲ្យ​ក្មេងៗ​ជំនាន់​ក្រោយ​ដែលមាន​សមត្ថភាព​មក​បំពេញ​កិច្ចការងារ​នៅក្នុង​ក្រសួង​ព័ត៌មាន នេះ​ម្តង​៕

08-10-2015 (1)

លោក លីវ សុខុន ត្រូវបានតែងតាំងជាប្រធានមន្ទីរព័ត៌មាន ខេត្តសៀមរាប ជំនួសលោក កែវ ពេជ្រនិមល ដែលត្រូវចូលនិវត្តន៍ និងត្រូវបានតែងតាំងជាទីប្រឹក្សា ក្រសួងព័ត៌មាន។ រូបថតៈ ហ៊ុន យុទ្ធគុណ (AKP)

រូបថតៈ ហ៊ុន យុទ្ធគុណ (AKP)

08-10-2015 (3)

 

Leave a Reply

(*) Required, Your email will not be published