រថយន្ត Mazda ដែលម្ចាស់ស្រវឹង បើកបុករះម៉ូតូចេញពីហូបបបរសរ ស្លាប់៣នាក់ និងរបួសធ្ងន់ម្នាក់ ក្នុងថ្លុកឈាម

, , Leave a comment

ភ្នំពេញ ៖ កាលពីម៉ោង១កន្លះយប់ឈានចូលថ្ងៃទី០៤ខែតុលាឆ្នាំ២០១៥ នេះមាន ករណីគ្រោះថ្នាក់ចររារមួយកើតឡើងរថយន្តMazda ដែលម្ចាស់ស្រវឹងបើកលឿន ដូចហោះបុករះម៉ូតូបណ្តាល

អោយមនុស្ស៣នាក់បានស្លាប់ភ្លាមៗខណៈដែលមនុស្សម្នាក់ទៀតរងរបួសធ្ងន់ធ្ងរ ហេតុការណ៍នេះនៅតាមបណ្តោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌ សែន សុខ  រាជធានីភ្នំពេញ ។

សមត្ថកិច្ចប៉ូលីសបានអោយដឹងថា មុនកើតហេតុគេឃើញជនរងគ្រោះ ទាំងអស់ ៦នាក់ បានចេញមកពីហូបបបរសរ នៅភោជនីយដ្ឋានតាយតាយ ក្នុងគោល បំណងត្រឡប់ទៅផ្ទះ តែទើបតែជិះចេញមិនទាន់បានប៉ុន្មានម៉ែត្រផង ស្រាប់តែ មានរថយន្តម៉ាកMazda ពណ៌ខ្មៅស្លាកលេខភ្នុំពេញ៖2AB-8801 បើកបរដោយ​ឈ្មោះ ទុំ សម្បត្តិ ភេទ​ប្រុសអាយុ​២៣​ឆ្នាំមុខរ​បរជា​យោធាមាន​ទីលំនៅ​ភូមិ​ទឹកថ្លា សង្កាត់​ទឹកថ្លាខណ្ឌ​សែន​​សុខនិងមិត្តភក្តិម្នាក់ទៀតក្នុងទិសដៅកើតទៅលិច ក្នុង ល្បឿនលឿនបានបុកម៉ូតូ ពីក្រោយចំនួនពីរគ្រឿង បណ្តាលឲ្យបុរស៣នាក់បាន ស្លាប់ ភ្លាមៗនៅកន្លែង មានឈ្មោះ សយ តុល ភេទ​ប្រុស អាយុ​៣៧ឆ្នាំ មុខរបរ​ជាង​ជួសជុល​ម៉ូតូ ស្នាក់​នៅ​ភូមិ​ប៉​ប្រ៉​ក​ខាងត្បូង សង្កាត់​កា​កាប ខណ្ឌ​ពោធិ៍​សែន​ជ័យ មានស្រុក​កំណើត​នៅ​ភូមិ​ភ្លងឃុំ​ប្រសាទស្រុក​កំពុងត្របែកខេត្តព្រៃវែង និង ​ឈ្មោះ អុល សំណាង ភេទ​ប្រុស អាយុ​២៥​ឆ្នាំ មុខរបរ​កម្មករ​រោងចក្រ មាន​ទីលំនៅ​ភូមិ​ប៉​ប្រ៉​ក​ខាងត្បូង​ សង្កាត់​កា​កាប ខណ្ឌ​ពោធិ៍​សែន​ជ័យ និងឈ្មោះ ហេង តុ​ប ភេទ​ប្រុស អាយុ​៣៧​ឆ្នាំ មុខរបរ​ជាង​ជួសជុលរ​ថយន្ត​ និងម្នាក់ទៀតរង របួសធ្ងន់ធ្ងរ។បន្ទាប់ពីបុកហើយម្ចាស់រថយន្តបង្ករបានបើករត់ ត្រូវបានអ្នកឃើញ ហេតុការណ៍ដេញឃាត់បានហើយវាយតៃកុងរថយន្តបង្ករបណ្តាលឲ្យរងរបួសធ្ងន់ និងវាយរថយន្តខ្ទេច។

ក្រោយកើតហេតុអ្នករងរបួសត្រូវបានមន្ទីរពេទ្យ ឃឹម រ៉ានី ចេញមកដឹកយកទៅ ទាំងរថយន្ត មិនមានផ្លាកសំរាប់សំគាល់អ្វីបន្តិចឡើយ។

ចំណែកសាកសពជនរងគ្រោះសមត្ថកិច្ច ប្រគល់ជនគ្រួសារសព ដើម្បីធ្វើបុណ្យ តាមប្រពៃណី។ រីឯអ្នកបើកបររថយន្តបង្ករ រួមទាំងរថយន្តនិងម៉ូតូ បញ្ជូនទៅ ការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើ ការដោះស្រាយតាមផ្លូវច្បាប់ ៕

12038781_1506717932975906_1378198366908187755_o 12094849_1506717929642573_8196078533408421709_o 12132443_1506717946309238_3510577045688405282_o

 

Leave a Reply

(*) Required, Your email will not be published