ករណី​ឃុបឃិត​រវាង​ក្រុម​ឈ្មួញ​នាំ​ម៉ូតូ​គេចពន្ធ និង​មន្ត្រី​គយ លោក ថេ​ង ម៉ុង​ហួន ប្រធានការិយាល័យ​គយ និង​រដ្ឋាករ​ចាំ​យាម ជា​អ្នកទទួល​ប្រយោជន៍​ដាក់​ហ៊ោ​ប៉ៅ​

, , Leave a comment

02-10-2015 (1)

​ខេត្ដ​កោះកុង : ក្រុម​ប្រជា​ពល​ជាច្រើន​នាក់​បាននាំគ្នា​ធ្វើការ​រិះគន់​ទៅលើ​ក្រុមមន្ត្រី​ការិយាល័យ​គយ និង​រដ្ឋាករ​ចាំ​យាម ថា​ឃុបឃិត​បើកដៃ​ឲ្យ​ក្រុម​ឈ្មួញ​នាំ​ម៉ូតូ​គេចពន្ធ​រាប់ពាន់​គ្រឿង​ចេញពី​ប្រទេស​ថៃ​មកកាន់​ប្រទេស​កម្ពុជា​តាម​ច្រកទ្វា​អន្តរជាតិ​ចាំ​យាម​ក្នុង​មួយខែៗ​។ ប្រភព​លើកឡើងថា​ក្រុមមន្ត្រី​គយ​ប្រចាំ​ច្រកទ្វារ​អន្តរជាតិ​ចាំ​យាម​កាក់កប​យ៉ាងខ្លាំង​ជាមួយ​ក្រុម​ឈ្មួញ​ដែល​នាំ​ទំនិញគេចពន្ធ​គ្រប់​ប្រភេទ​ចេញពី​ប្រទេស​ថៃ​មកកាន់​ប្រទេស​កម្ពុជា​ជាពិសេស​ទំនិញ​ម៉ូតូ​អត់​ពន្ធ​តែម្តង​។​

 

​ជាក់ស្ដែង​កាលពី​ថ្ងៃទី​៣០ ខែកញ្ញា វេលា​ម៉ោង​ប្រមាណ​ជាង​២​រសៀល ក្រោយពី​ទទួលបាន​ព័ត៌មាន​ពី​ប្រជាពលរដ្ឋ អ្នកសារព័ត៌មាន​មួយក្រុម​បាន​ចុះទៅ​ផ្ដិត​យក​រូបភាព​នៅ​ឃ្លាំងទំនិញ​ចាំ​យាម​ស្រាប់ តែ​ឈ្មូ​ញ​រកស៊ី​ម៉ូតូ​គេចពន្ធ​នោះ បាន​ប្រើ​សំដី​ប្រមាថ​មកលើ​អ្នកសារព័ត៌មាន​ថា “​អ្នកកាសែត​ដែល​មក​ថតរូប​មិន​សុំ​ការអនុញ្ញាត​ពី​ម្ចាស់​ទំនិញ​បែបនេះ អីចឹង​បាន​ចេះតែ​បាត់​ខ្លួន​” រួមទាំង​មានការ​រារាំង​ពី​សំណាក់​មន្ដ្រី​គយ​ប្រចាំ​នៅ​ទីនោះ​ថែម​ទៀតផង​។​

 

​មន្ដ្រី​គយ​បាន​និយាយថា អ្នក​សារព័ត៌ សំអាង​ទៅលើ​អ្វី​បានជា​មក​ថតរូប នៅទីនេះ តើ​មាន​សុំ​ការអនុញ្ញាត​ដែរឬទេ ព្រោះ​ឃ្លាំង​នេះ​ជា​ទំនិញ​របស់​គយ​មាន​សិទ្ធិ​មិន​ឲ្យ​ថតរូប​នោះទេ​។ ក្រុម​អ្នកសារព័ត៌មាន​មានការ​ងឿងឆ្ងល់​យ៉ាងខ្លាំង​ថា តើ​ទំនិញ​គយ​ទាំងនោះ​មានការ​ឃុបឃិត​ជាមួយ​ឈ្មួញ​រត់ពន្ធ​ខុសច្បាប់ ឬមួយ​គយ មាន​សិទ្ធ​រត់ពន្ធ​ទំនិញ​ខុសច្បាប់​បាន​ជាមាន​ឃ្លាំង​សម្រាប់​ដាក់​ទំនិញ​បែបនេះ​។​

 

​ប្រសិនបើ​ទំនិញ​ទាំងនេះ​មិនបាន​បង់ ពន្ធ​វិញ​វា​ជា​រឿង​មួយ​ដែល​ចំណេញ​ទៅ ដល់​ក្រុម​ឈ្មួញ​ជាខ្លាំង ហើយ​បើ​មានការ បង់ពន្ធ​ត្រឹមត្រូវ​វា​ជា​រឿង​មួយ​ដែល​ចំណេញ​ទៅដល់​ចំណូល​ពន្ធ​រដ្ឋ​មិនមែន អ្នកសារព័ត៌មាន​ជា​អ្នក​ចំណេញ​នោះទេ ។ ម៉ូតូ​ដែល​ក្រុម​ឈ្មួញ​នាំចូល​សុទ្ធតែ ម៉ូតូ​ស៊េរី​ទំនើប​ដូចជា MSX និង ZOOMER និង​ម៉ាក​ផ្សេងៗ​ទៀត​ចំនួន​៣​រថយន្ដ​ក្នុង​មួយ​រថយន្ដ​មាន​ម៉ូតូ​ប្រមាណ​៧០​គ្រឿង​។​

 

​កន្លងមក​ក្រុមមន្ដ្រី​គយ​ប្រចាំ​នៅ ទីនោះ​ធ្លាប់បាន​គំរាម​មិន​ឲ្យ​ក្រុម​អ្នកសារព័ត៌មាន​ថត​ផ្ដិត​យក​រូបភាព នៅ​ទីនោះ ទេ តើ​ក្នុង​ឃ្លាំងទំនិញ​ចាំ​យាម​នេះ​មាន អាថ៌កំបាំង​អ្វីខ្លះ​បានជា​ត្រូវ​លាក់បាំង​ពី ក្រុម​ប្រជាពលរដ្ឋ​ក៏ដូចជា​ក្រុម​អ្នកសារព័ត៌មាន​នោះ​? ករណី​រិះគន់​ខាងលើ​មន្ដ្រី​ស្នាក់ ការ​ច្រកទ្វារ​អន្ដជាតិ​ចាំ​យាម​បាន​ឲ្យ​ដឹង តាម​ទូរស័ព្ទ​ថា មន្ដ្រី​គយ​បាន​រាយការណ៍ មក​ប្រធាន​ច្រក​ដែរ​ថា​មាន​ម៉ូតូ​ចេញ តាម​ច្រក​នេះ​តែ​ការបង់ពន្ធ​គ្រប់​ឬ​មិន គ្រប់​នោះ​វា​ជា​ជំនាញ​របស់​គយ​នោះទេ ។​

 

​ចំណែកឯ​មន្ដ្រី​គយ​និង​រដ្ឋាករ​ដែល ប្រចាំ​នៅ​ឃ្លាំងទំនិញ​ចាំ​យាម​នោះបាន ថ្លែង​ឲ្យ​ដឹង​តាម​ទូរស័ព្ទ​ថា ទំនិញ​ម៉ូតូ​ទាំង នោះ​គឺ​ឈ្មួញ​បាន​បង់ពន្ធ​១០០​ភាគរយ តែដោយសារ​ថ្ងៃនេះ​ជា​ថ្ងៃ​ចុងខែ​ហេតុ នេះហើយ​ប្រព័ន្ធ​បង់ពន្ធ​នៅ​អគ្គនាយក ដ្ឋា​ន​បាន​បិទ នៅ​ថ្ងៃស្អែក​ឬ​ខានស្អែក ប្រព័ន្ធ​និង​បើក​ឡើងវិញ​ហើយ បើសិន ជា​មិនមាន​វិក្កយបត្រ​បង់ពន្ធ​ត្រឹមត្រូវ ទេនោះ​គឺ​រថយន្ដ​នេះ​មិនអាច​ចេញ​បាន នោះទេ ។​

 

​ជុំវិញ​ការចោទប្រកាន់​ខាងលើ​លោក ថេ​ង ម៉ុង​ហួន ប្រធានការិយាល័យ​គយ និង​រដ្ឋាករ​ចាំ​យាម មិនអាច​សុំ​ការបំភ្លឺ​បានទេ ដោយសារ​ទូរស័ព្ទ​រប​ស់លោក​ទូរស័ព្ទ​ចូល​ជាច្រើនលើក​ច្រើនសា​តែ​គ្មាន​មាន​អ្នក​លើក​៕

02-10-2015 (2) 02-10-2015 (3) 02-10-2015 (4) 02-10-2015

 

Leave a Reply

(*) Required, Your email will not be published