ជនជាតិ​ព្នង​ខេត្ត​មណ្ឌល​គី​រី​ចាប់ផ្តើម​រស់នៅ​គម្លាត​ពី​ទំនៀមទម្លាប់​ប្រពៃណី​ខ្លួន

, , Leave a comment

18-9-2015 (3)

​ខេត្ត​មណ្ឌល​គី​រី : ជនជាតិ​ព្នង​នៅ​មណ្ឌល​គី​រី កាលពី​បុរាណ បើ​ធៀប​នឹង​ពេល​បច្ចុប្បន្ននេះ​ឃើញថា មានការ​ប្រែប្រួល​ច្រើន​គួរ​ឲ្យ​កត់សម្គាល់​តាំងពី​ផ្ទះសម្បែង និង​របរ​រកស៊ី​ទទួល​ទាន ព្រមទាំង​ទំនៀមទម្លាប់​ប្រពៃណី​រស់នៅ​របស់ខ្លួន​។ លំនៅឋាន​មួយ​របស់​ជនជាតិ​ព្នង​មាន​រាង​ដូច​ស្នូកអណ្តើក ភាសា​ជនជាតិ​ច្វា​ញ​ជៃ​(​ផ្ទះ​បុរាណ​ព្នង​)​។ លោកពូ​ជនជាតិ​ព្នង​ឈ្មោះ វាំ ហ្គើ​ប ភេទ​ប្រុស អាយុ​៥២​ឆ្នាំ​រស់នៅ​ភូមិ ពូ​តាំង សង្កាត់រ​មនា ក្រុង​សែន​មនោ​រម្យ​បាន​ប្រាប់ថា ផ្ទះ​គាត់​បាន​បន្សល់ទុក​អត្តសញ្ញាណ​តាំងពី​បុរាណ​មកម្ល៉េះ បើ​ទោះ​បាក់បែក​ខ្លះៗ​ក៏ដោយ​ក៏​គាត់​ខិតខំ​ជួសជុល​ឡើងវិញ​សម្រាប់​កូនៗ និង​ចៅ​៣​ទៅ​៤​គ្រួសារ​រស់នៅ​។​

 

​ផ្ទះ​បុរាណ​នេះ​វា​មាន​ភាពងាយស្រួល​ច្រើនជាង​ផ្ទះ​សម័យ ដូចជា​ផ្ទុក ស្រូវ អង្ករ តម្រៀប​ពាង​ស្រា​បឺត ងាយស្រួល​ក្នុងការ​បង្កាត់​ភ្នក់ភ្លើង​ការពារ​នៅពេល​រដូវ​ត្រជាក់​។ គាត់​និយាយថា​កាលពី​បុរាណ​ច្រើន​ឆ្នាំ​មកហើយ​បានឮ​តៗ​គ្នា​ពី​ឪពុកម្ដាយ​និយាយ​អំពី​របរ​រកស៊ី​របស់​គឺ​បងប្អូន​ជនជាតិដើម​នាំគ្នា​ចូល​ព្រៃ​រក​បន្លែ​ផ្លែឈើ ដើម្បី​យកមក​ផ្គត់ផ្គង់​គ្រួសារ​របស់គាត់​ក្នុងនោះ​មានការ​ប​បាញ់​សត្វ​សម្រាប់ធ្វើ​ម្ហូបអាហារ​ផងដែរ​។ ក្រៅពីនេះ​ពួកគាត់​បាននាំគ្នា​ដើរ​ក្នុងព្រៃ​ជ្រៅ រក​រើស​ស្នែង​សត្វ​ងាប់​គ្រប់​ប្រភេទ ដើរ​ថ្មើរជើង​ទៅកាន់​ខេត្តក្រចេះ ដើម្បី​យក​ស្នែង​ទាំងនោះ​ទៅ​ដូរ​យក​អំបិល មក​ចែកចាយ​បងប្អូន​នៅក្នុង​ភូមិ ព្រោះ​គាត់​ថា​កាលណោះ​បងប្អូន​ជនជាតិ​មិនចេះ​លក់ដូរ​ទេ​។​

 

​នៅ​មិន​ឆ្ងាយ​ពីនេះ​លោក ទើប រ៉ាន្នី ភេទ​ប្រុស អាយុ ៤៣ ឆ្នាំ ជនជាតិ​ព្នង​រស់នៅ​ភូមិ ពូ​តាំង សង្កាត់ រម​នា ក្រុង​សែន​មនោ​រម្យ ខេត្ត មណ្ឌលគិរី ដែលជា​មន្ត្រី​បម្រើ​ការងារ​បាន​ប្រាប់ថា ការរស់នៅរ​បស់បង​ប្អូន​ជនជាតិ​បច្ចុប្បន្ននេះ គឺមាន​ការប្រែប្រួល​ច្រើនជាង​មុន ដូចជា​ពួកគាត់​ចេះ​រកស៊ី​ទទួលទាន ជា​អា​ជីរ​ករ​លក់ដូរ រត់​តាក់ស៊ី ដាំ​បន្លែបង្ការ​ផ្សេងៗ ដើម្បី​ផ្គត់ផ្គង់​គ្រួសារ​បើ​និយាយ​អំពី​ការប្រែប្រួល​សព្វថ្ងៃនេះ​បងប្អូន​ជនជាតិ​សាងសង់​ផ្ទះថ្ម​និង​វីឡា​ផងដែរ​ការ​រស់​របស់​គាត់​ដូច បងប្អូន​ខ្មែរ​ដែរ​។​

 

​លោក ញ៉ា រ៉ាង​ចាន់ ប្រធាន​ក្រុមប្រឹក្សា​ខេត្តមណ្ឌលគិរី គាត់​ជា​ជនជាតិដើម​ភាគតិច​ព្នង បាន​ប្រាប់​ឲ្យ​ដឹងថា មកដល់​បច្ចុប្បន្ននេះ​បងប្អូន​ជនជាតិ​ព្នង​នៅ​មណ្ឌល​គី​រី មានការ​យល់ដឹង​ច្រើន​ក្នុងនោះ​ក៏មាន​ការប្រែប្រួល​ច្រើន​ផងដែរ កាលពី​ជំនាន់​បុរាណ​ជាក់ស្តែង​ដូចជា​ពួកគាត់​ចេះ​នាំគ្នា​ធ្វើ​ការដាំដុះ​ដំណាំ​អចិន្ត្រៃយ៍​ជាច្រើន​ប្រភេទ​លក់ដូរ​ផ្គត់ផ្គង់​ជីវភាព​បំរើ​ការងាររាជការ​ក្រុមហ៊ុន​។​ល​។​

 

​ជាពិសេស​ពួកគាត់​យល់ដឹង​អំពី​ការ ថែទាំ​សុខភាព​ជាដើម ដូចជា​ពេល​ឈឺ​ថ្កាត់ ពួកគាត់​ងាក​មក​ស្វែងរក​សេវា​ព្យាបាល​នៅ​មន្ទីរពេទ្យ ខុស​ពេលមុន​ពួកគាត់ តែងតែ​ជឿ​លើ​ការ​បន់ស្រន់ អា​រុក្ខ​អារក្ខ អ្នកតា​ច្រើនពេក​ធ្វើ​ឲ្យ​មានការ​ខាត់​បង់ និង​ជំងឺ​មិនបាន​សះស្បើយ ប៉ុន្តែ​លោក​បាន​បញ្ជាក់ថា ពុំមែន​ឲ្យ​ពួកគាត់​បោះបង់ចោល ជំនឿ​របស់​ប្រពៃណី​ដើម របស់​ពួកគាត់​ទាំងស្រុង នោះទេ​៕

18-9-2015 (1) 18-9-2015 (2)  18-9-2015

 

Leave a Reply

(*) Required, Your email will not be published