ថ្ងៃមួយ​យើង​និង​ចាស់ជរា​ដូចគ្នា​

, , Leave a comment

44441

​នា​ព្រឹក​ថ្ងៃ​សុក្រ​ខ្ញុំ​នៅ​គេង​លើ​គ្រែ មិន​ចង់​ក្រោក​ចេញពី​គ្រែ​ពូក​ទន់ៗ​សោះ រំពេច​នោះ​ទូរស័ព្ទ​បាន​រោទ៍​។​

 

«​ថ្ងៃនេះ​នាំ​ចៅៗ​មក​ញ៉ាំ​អាហារ​ថ្ងៃត្រង់នៅផ្ទះ​ម៉ាក់​យ៉ាងម៉េច​ដែរ​? ម៉ាក់​ត្រៀម​នំចំណី​ឲ្យ​ចៅៗ​ច្រើនណាស់​!»​។​

 

«​ប៉ុន្តែ​ខ្ញុំ​បាន​សន្យា​នឹង​ក្មេងៗ​ថា​និង​ជូន​ពួកគេ​ទៅ​ដើរលេង​ថ្ងៃនេះ​ណា​ម៉ាក់​»​។​

 

​ទោះបីជា​ប្រាប់​ហេតុផល​រួចហើយ​ក៏ដោយ​ម៉ាក់​នៅតែ​ចង់​ឲ្យ​ខ្ញុំ​នាំ​ចៅៗ​ទៅលេង​ដដែល​។​

 

«​ទុក​លុយ​ទិញ​របស់​អី​ផ្សេង​ចូល​ផ្ទះ​ទៅ​ប្រសើរ​ជាង​ណា បើកឡាន​មក​ផ្ទះ​ម៉ាក់​មិន​ដល់​១០​នាទី​ទេ ដល់​ហើយ​ខ្ញុំ​បានគិត​ខ្លួនឯង​ថា «​ក្មេងៗ​ចង់ទៅ​ដើរលេង​ច្រើនជាង​ទៅ​ញុំ​ា​អាហារ​ថ្ងៃត្រង់​នៅផ្ទះ​ម៉ាក់​»​។​

 

​លុះ​កូនៗ​ដឹងថា​ជីដូន​ខ​លម​កប​បួល​ទៅ​ញុំ​ា​អាហារ​ថ្ងៃត្រង់ គេ​នាំគ្នា​ក្រវី​ដៃ ក្រវីក្បាល ជា​សញ្ញា​ថា​ពួកគេ​មិន​ចង់ទៅ ខ្ញុំ​ឃើញបែបនេះ​ទើប​ប្រាប់​ម៉ាក់​ថា​ចាំ​ខ្ញុំ​សួរ​កូនៗ​សិន ចាំ​ខ្ញុំ​ខ​ល​ទៅវិញ សម្លេង​គាត់​ឆ្លើយ​មកវិញ​តិចៗ​ថា «​ចឹ​ង​ក៏បាន​»​។​

 

​នៅពេលដែល​ខ្ញុំ​ដាក់​ទូរស័ព្ទ​ម៉ាក់​ចុះ ក្មេងៗ​ក៏​ដណ្តើម​គ្នា​និយាយ «​អត់​ទេ​ប៉ា​ខ្ញុំ​ចង់ទៅ​ដើ​លេង​អត់​ចង់ទៅ​លេង​ផ្ទះ​យាយ​ទេ​»​។​

 

​ខ្ញុំ​បាន​ប្រាប់​ក្មេងៗ​ថា​៖ «​គោលដៅ​របស់​យាយ​មិនមែន​អាហារ​ថ្ងៃត្រង់​នោះទេ តែ​យាយ​ចង់ឃើញ​ចៅៗ​ទៅវិញ​ទេ​» «​ប៉ុន្តែ​ពួកយើង​ទើប​ទៅលេង​ផ្ទះ​យាយ​អាទិត្យ​មុននេះ​តើ​» កូនប្រុស​ខ្ញុំ​ប្រកែក​មុខ​ឡើង​ស្អុយ​។​

 

​ខ្ញុំ​បាន​ប្រាប់​កូនៗ​ថា​៖ «​នៅ​ថ្ងៃមួយ​ពេលដែល​ប៉ា​ចាស់​ទៅ ប៉ា​ក៏​និង​ខ​លរ​កកូនៗ​ចឹ​ង​ដូចគ្នា » អាទិត្យ​នេះ​កូនៗ​នឹង​មក​ផ្ទះ​អត់ ប៉ា​បានរៀបចំ​ម្ហូប​ឆ្ងាញ់​ទុក​ឲ្យ ប៉ា​ទិញ​នំ​មក​ច្រើនណាស់​ទុក​ឲ្យ​ចៅៗ​ទៀតផង នាំ​ចៅ​មកលេង​ប៉ា​ផង​ណា៎​! «​បើសិនជា​កូន​ឆ្លើយថា កន្លែង​ណា​ក៏មាន​ម្ហូប​ឆ្ងាញ់​ដែរ អត់​ទំនេរ​ទេ​» ប៉ា​ក៏​និង​ខកចិត្ត​។​

 

​កូនស្រី​វ័យក្មេង​មក​ឱបដៃ​ខ្ញុំ​ហើយ​និយាយថា​៖ «​ទេ​ខ្ញុំ​នឹង​ប្រាប់ថា​ខ្ញុំ​ទំនេរ​»​។​

 

​ទើប ខ្ញុំ​ខ​ល​ទៅប្រាប់​ម៉ាក់​វិញ​ថា ពេល​ថ្ងៃ​ត្រង់នេះ​ក្មេងៗ​និង​ទៅ​ញុំ​ា​បាយ​ថ្ងៃ​នៅផ្ទះ​ម៉ាក់​។ សម្លេង​ម៉ាក់​សើច​យ៉ាង​សប្បាយចិត្ត​ដូច​ក្មេង​បាន​របស់​លេង​។​ពេល​ខ្ញុំ​និង កូនៗ​ទៅដល់ លោក​ទាំងពីរ​សប្បាយចិត្ត​ខ្លាំងណាស់ ខ្ញុំ​បាន​សួរ​ម៉ា​ក់ថា​ដៃ​របស់​ម៉ាក់​បាត់​ឈឺ​ហើយ​ឬ​នៅ​?

 

«​ទៅ ពិគ្រោះ​ជាមួយ​គ្រូពេទ្យ​គ្រាន់តែ​យក​ថ្នាំ​មក​ហូប ប៉ុន្តែ​វា​នៅតែ​ឈឺចាប់ ម្តង​ឈឺ​ម្តង​បាត់ អាកា​រះ​មនុស្ស​ចាស់​តែ​ប៉ុណ្ណឹង ម៉ាក់​ធ្វើ​ចិត្ត​ហើយ​»

 

​ខ្ញុំ​បាន​លួច​មើលមុខ​ម៉ាក់ ម៉ាក់​ប្រហែលជា​មិន​ចង់បាន​អ្វី​ក្រៅពី​ចង់ឃើញ​កូនចៅ​ត្រឡប់មកផ្ទះ​មក​ញុំ​ា បាយ​ជាមួយ​នោះទេ ប្រសិនបើ​ថ្ងៃនេះ​ខ្ញុំ​មិន​មក​ទេ តើ​ម៉ាក់​និង​មាន​អារម្មណ៍​យ៉ាងណា​?

 

​ខ្ញុំ​បាន​ពិនិត្យមើល​ផ្ទះបាយ ពីមុន​ផ្ទះបាយ​រៀបចំ​បាន​ស្អាត​ណាស់ តែ​ពេលនេះ​រាង​កខ្វក់​បន្តិច ខ្ញុំ​បាន​ជួយ​សម្អាត​ផ្ទះបាយ ខ្ញុំ​ដុស​ឆ្នាំង​ដែល​គូទ​ឆ្នាំង​ឡើង​ខ្មៅ ខ្ញុំ​គិតថា «​ម៉ាក់​ពិតជា​ចាស់​មែនហើយ ហើយ​គ្មាន​កំលាំង​ទៀត ទម្រាំ​ខ្ញុំ​ដុស​ឆ្នាំង​ដៃ​ពីរ នៅ​មិន​ចង់​ស្អាត​ចុះ​ទម្រាំ​ម៉ាក់​» នៅពេល​សម័យ​ម៉ា​ក់នៅ​ក្មេង ម៉ាក់​បើកឡាន​ខ្លួនឯង ម៉ាក់​ធ្វើ​ម្ហូប​ផង​ពរ​ខ្ញុំ​ផង ហើយ​ម៉ាក់​រៀបចំផ្ទះ​ឡើង​ស្អាត តែ​ពេលនេះ​ម៉ាក់​ចាស់​ហើយ ដៃ​ម៉ាក់​ឈឺ​ហើយ​គ្មាន​កំលាំង តែ​ម៉ាក់​សុខចិត្ត​ទ្រាំ​ឈឺ ដើម្បី​ធ្វើ​ម្ហូប​ឲ្យ​ខ្ញុំ​និង​ចៅៗ​ញ៉ាំ​។​

 

​ចាប់ពី​ថ្ងៃនេះ ខ្ញុំ​បាន​ប្រាប់​ប្រពន្ធ​និង​កូនៗ​របស់ខ្ញុំ​ថា យើង​នឹង​មក​ញុំ​ា​បាយ​នៅផ្ទះ​យាយ យ៉ាងហោចណាស់​ក្នុង​មួយ​សប្តាហ៍​ឲ្យ​បាន​មួយ​ម្តង ដើម្បី​មិន​ឲ្យ​តា​និង​យាយ​ឯកោ​ពេក​។ ខ្ញុំ​នៅចាំ​បាន​សារ​នៃ​ពេទ្យធ្មេញ​មួយ បានសរសេរថា​៖ «​កុំ​គិតតែ​ចាំ ថា​ធ្មេញ​លើកដំបូង​របស់​កូន​ដុះ​ពេលណា តែ​បែរជា​ចាំ​មិនបាន​ថា ធ្មេញ​ចុងក្រោយ​របស់​ឪពុកម្តាយ​អស់​ពេលណា​»​។​

 

​ចូរ​កុំ​បណ្តោយ​ឲ្យ​ឪពុកម្តាយ​រស់នៅ​ឯកោ​‬ ព្រោះ​គាត់​តែងតែ​ចង់​ឲ្យ​កូនចៅ​នៅ​ជិត និង​យកចិត្តទុកដាក់​ចំពោះ​គាត់ បើសិនជា​យើង​ចាស់​ទៅ ហើយ​កូនចៅ​មិន យកចិត្តទុកដាក់​តើ​អ្នក​និង​មាន​អារម្មណ៍​យ៉ាងណា ?

 

​ចំពោះ​អ្នក​ដែល រវល់​ការងារ និង​អ្នក​នៅ​ឆ្ងាយ ទោះជា​ការងារ​វល់​ប៉ុណ្ណា សូមកុំ​ភ្លេច​ឆ្លៀតពេល​មកលេង​អ្នកមានគុណ​ផង លុយ​អាច​រកបាន​គ្រប់កន្លែង តែ​សេចក្តីសុខ​នាពេល ចុងក្រោយ​នៃ​ជីវិត​របស់លោក​ទាំងពី​រ​មិនអាច​រកបាន​នៅ​កន្លែង​ផ្សេង​បានទេ ក្រៅពី​គ្រួរ​សា​របស់គាត់​៕

 

Leave a Reply

(*) Required, Your email will not be published