ផ្លូវ ថ្នល់ ខូចខាត ស្ទើរ​ទាំងស្រុង ទើប​ពួក​មន្ត្រី​វេញ​ធ្លង់​រក​វិធានការ​ទប់ស្កាត់​យានយន្ត​ដឹក​លើស​ទម្ងន់​កំណត់ និង​ខុស​ទំហំ​

, , Leave a comment

17-9-2015 (1)

​រាជធានី​ភ្នំពេញ : បច្ចុប្បន្ននេះ​គេ​បាន​មើលឃើញ​ពី​សកម្មភាព​នៃ​ការដឹកជញ្ជូន​លើស​ទម្ងន់​កម្រិត​កំណត់​និង​ផ្ទុក​ខុស និង​ទំហំ​កំណត់​របស់​រាជរដ្ឋាភិបាល​នៅតាម​បណ្តា​ផ្លូវ​នានា​នៅតាម​ទីជនបទ​នោះ កាលពី​ថ្ងៃទី​១៦ ខែកញ្ញា ឆ្នាំ​ក្រសួង​អភិវឌ្ឍន៍ជនបទ បាន​បើ​កិច្ចប្រជុំ​ពិភាក្សា​មួយ ដើម្បី​រក​វិធានការ​ទប់ស្កាត់​ចំពោះ​យានយន្ត​ដឹកជញ្ជូន​លើស​ទម្ងន់​ទាំងនោះ​។ កិច្ចប្រជុំ​នេះ​បានធ្វើ​ឡើង​នៅ​សណ្ឋាគារ​ភ្នំពេញ​ក្រោម​វត្តមាន​លោក ជា សុផារ៉ា​រដ្ឋមន្ត្រីក្រសួង​អភិវឌ្ឍន៍​ជនបទនិង​ការចូលរួម​ពី​គ្រប់ភាគី​ពាក់ព័ន្ធ​ទាំង​ផ្នែក​រដ្ឋ​និង​វិស័យ​ឯកជន​ម្ចាស់ជំនួយ​អង្គការ​សង្គម​ស៊ីវិល​ដែល​ធ្វើការ​ពាក់ព័ន្ធ​លើ​បណ្តាញ​ផ្លូវលំ​ជនបទ​នេះ​។ ថ្លែង​ក្នុងឱកាស​នោះ លោក​ជា សុផារ៉ា មានប្រសាសន៍ថា កិច្ចប្រជុំ​ថ្នាក់ ជាតិ​នេះ ដើម្បី​ដាក់​វិធានការ​ទប់ស្កាត់​យានយន្ត​ដឹកជញ្ជូន​លើស​ទម្ងន់​កម្រិត​កំណត់ និង​ខុស​ទំហំ​លើ​បណ្តាញ​ផ្លូវ​ជនបទ​នៃ​ក្នុងប្រទេស​កម្ពុជា ។ យានយន្ត​ទាំង​ដែល​ផ្ទុក​លើស​ទម្ងន់​កំណត់​នោះ បានធ្វើ​ឲ្យ​ផ្លូវ​ខូច ខាត​យ៉ាងដំណំ ពិសេស​គឺ​ដើម្បី​ធ្វើការ​ណែនាំ​យានយន្ត​ទំហំ​ធំ​ហួសការ​កំណត់ដោយ​ច្បាស់ គឺ​យានយន្ត​ធ្វើការ​កែច្នៃ​បន្ថែម​។​

 

​លោក​រដ្ឋមន្ត្រី​ឲ្យ​ដឹង​ទៀតថា​កិច្ចប្រជុំ​នេះដែរ​ដើម្បី​យក​មតិ​ភាគី​ពាកព័ន្ធ​សម្រាប់ធ្វើ​ការអនុវត្ត​ច្បាប់​ស្តីពី​ការផ្ទុក​លើស​ទម្ងន់​កម្រិត​កំណត់ និង​គោរព​តាម​អនុសាសន៍​របស់​សម្តេច​តេ​ជោ​ដែល​តែងតែ​ក្រើនរំលឹក​កុំ​ឲ្យ​មាន​ដឹក​ហួស​ទំហំ និង​វិធានការ​ចំពោះ​យានយន្ត​ទាំងឡាយណា ដែល​ដឹក​ហួស​ទម្ងន់​កំណត់ ។​

 

​លោក ចាន់ ដា​រ៉ុង អគ្គនាយក​បច្ចេកទេស​នៃ​ក្រសួង​អភិវឌ្ឍន៍ជនបទ​បាន​លើកឡើង ឲ្យ​ដឹងថា បច្ចុប្បន្ន​ផ្លូវ​ជនបទ មាន​ប្រវែង ៣៩.៨៥៨ គីឡូម៉ែត្រ ក្នុងនោះ​មាន​ផ្លូវ​ក្រាល​កៅស៊ូ​មួយ​ជាន់​ប្រវែង ២៦០ គីឡូម៉ែត្រ និង​ផ្លូវ​ក្រាល់​កៅស៊ូ​ពីរ​ជាន់ ប្រវែង​៩៦៣ គីឡូម៉ែត្រ ផ្លូវ​ក្រាល់​បេតុង​មាន​ប្រវែង ២៧៣​គីឡូម៉ែត្រ ផ្លូវ​ក្រាល​គ្រោះ​ក្រហម​ប្រវែង​២៣ ៩៣៩ ៨៧​គីឡូម៉ែត្រ និង​ផ្លូវ​ជនបទ កម្រាល​ផ្សេងៗ ទៀត​ប្រវែង​១៤.៤២៣ ២៩ គីឡូម៉ែត្រ ។ ក្នុងចំណោម​បណ្តាញ​ផ្លូវ​ទាំងអស់​ក្រសួង​អភិវឌ្ឍន៍ជនបទ​គ្រប់ គ្រង​ផ្លូវ​នៅ​ជនបទ​ចំនួន​១៣០០​ខ្សែ ដែល​គិត​ជា​ភាគរយ​ស្មើនឹង ៧២​ភាគរយ នៃ​បណ្តាញ​ផ្លូវថ្នល់​ទាំងអស់​នៅ​ទូទាំងប្រទេស​។ ទន្ទឹមនឹងនោះ លោក​ក៏បាន​លើកឡើង​ពី​បញ្ហា​ដែល​បណ្តាល​ឲ្យ​ផ្លូវ​ខូច​ផ្លូវ​ទាំងនោះ​គឺ​បណ្តាលមកពី​យានយន្ត​ដឹក​ហួស​ទម្ងន់​និង​មកពី​យានយន្ត​ទាំងនោះ​បានធ្វើ​ការកែច្នៃ​ដើម្បី​ផ្ទុយ​ទម្ងន់​បន្ថែម ។ បញ្ហា​នេះ​ប្រជាពលរដ្ឋ​ត្រូវ​ចូលរួម​ធ្វើការ​ទប់ស្កាត់​កុំ​ឲ្យ​យានយន្ត​ទាំងនោះ​បើក​នៅ​លើក​ផ្លូវ​ជនបទ ជៀសវាង​ខូច​ផ្លូវ​។ លើសពីនេះ​ទៀត​អាជ្ញាធរ​ត្រូវតែមាន​វិធានការ​ចំពោះ​យានដ្ឋាន​ដែល​ធ្វើការ​កែច្នៃ​យានយន្ត​ផ្ទុក​ហួស​ទម្ងន់​កំណត់​។​បច្ចុប្បន្ន​សង្កេតឃើញ​មាន​យានដ្ឋាន​ជាច្រើន​បាន​កំពុងតែធ្វើការ​កែច្នៃ​យានយន្ត​ឲ្យ​ដឹក​បាន​ទម្ងន់​ច្រើន​។​

 

​លោក លឹម ស៊ី​ដេ​នី​ន រដ្ឋលេខាធិការ​ក្រសួង​សាធារណការ និង​ដឹកជញ្ជូន បាន ឲ្យ​ដឹងថា ក្រសួង​គម្រោង​នឹង​ពិភាក្សា​ចំពោះ​យានយន្ដ​ដែល​ដឹក​លើក​ទម្ងន់​ដែល​ច្បាប់​ហាមឃាត់​ព្រោះថា​កន្លងមក​យានយន្ត​ទាំងនោះ​បានធ្វើ​ឲ្យ​ផ្លូវ​ខូច​ជា​កក្តា​មួយ​ធ្វើ​ឲ្យ​រដ្ឋាភិបាល​ចំណាយ​ថវិកា​សម្រាប់ធ្វើ​ផ្លូវ​នោះ​ជាថ្មី ។ លោក​ថា ក្រសួង​បាន​បង្កើត​គណៈកម្មការ​សម្រាប់​ត្រួតពិនិត្យ​យានយន្ត​ដឹកជញ្ជូន​ហួសកំណត់ និង​វិធានការ​សម្រាប់​គ្រប់គ្រង​យានយន្ត​ទាំងនោះ​ហើយ​។ ប៉ុន្តែ​នៅមាន​យានយន្ត​មួយចំនួន​មិនបាន​គោរព​ច្បាប់​ត្រួតពិនិត្យ​របស់​គណៈកម្មកា​រ​នោះទេ​ដោយពេល​ខ្លះ​ឃាត់​ហើយ​ក្រោយមក​យកទៅ វិញ ហើយ​នៅតែ​ប្រព្រឹត្ត​ខុស​ដដែល ។​

 

​សូមបញ្ជាក់ថា កិច្ចប្រជុំ​ស្តីពី​វិធានការ​ទប់ស្កាត់​យានយន្ត​ដឹកជញ្ជូន​លើស​ទម្ងន់​កម្រិត​កំណត់​និង​ខុស​ទំហំ​មានការ​ចូលរួម​ពី​តំណាង​អភិបាលខេត្ត​មន្ទីរ​និង​អង្គការ​ពាក់ព័ន្ធ​ជាច្រើន​ដើម្បី​ពិគ្រោះ​យោបល់​រក​ចំណុចរួម ក្នុងការ​ចាត់វិធានកា​រ​ច្បាប់ ចំពោះ​យានយន្ត​ណា​ដែល​ល្មើស និង​ច្បាប់ កំណត់​៕

17-9-2015  17-9-2015 (2)

រូបថត ៖  ក្រសួងអភិវឌ្ឍន៍ជនបទ(Ministry of Rural Development Cambodia)

 

Leave a Reply

(*) Required, Your email will not be published