ចាប់​ផ្សឹក និង​ឃាត់ខ្លួន​សង្ឃ​មួយអង្គ​ពីបទ​រំលោភ​ក្មេងស្រី​រហូតដល់​បានសម្រេច​

, , Leave a comment

​ខេត្តក្រចេះ : កាលពី​ព្រឹក​ថ្ងៃទី​១៤ ខែកញ្ញា ឆ្នាំ​២០១៥ អាជ្ញាធរ​ស្រុក​ព្រែក​ប្រសព្វ​សម្រេច​ចាប់​ផ្សឹក និង​ឃាត់ខ្លួន​អតីត​សង្ឃ​មួយអង្គ បន្ទាប់ពី​ទទួល​ពាក្យបណ្តឹង​ពី​ក្រុង​គ្រួសារ​ជនរងគ្រោះពាក់ព័ន្ធ​ករណី​ចាប់រំលោភ​សេពសន្ថវៈ​លើ​ក្មេងស្រី​វ័យ​អនីតិជន​បានសម្រេច​នៅលើផ្ទះ​ខាងក្រោយ​វត្ត​មួយ​ក្នុង​ឃុំ​តា​ម៉ៅ ស្រុក​ព្រែក​ប្រសព្វ​។​

 

​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​ដឹងថា ជនសង្ស័យ​ជាស​ង្ឃ​ដែល​ដែល​រង​ការ​ចោទ​នេះ​ឈ្មោះ ណែម ប៊ុនណាង អាយុ​២០​ឆ្នាំ និង​បាន​បួស​រៀន​ជា​សង្ឃ​គង់នៅ​វត្ត​មួយ​ក្នុង​ឃុំ​តា​ម៉ៅ ស្រុក​ព្រែក​ប្រសព្វ និង​ក៏​ត្រូវបាន​អាជ្ញាធរ​ចាប់​ផ្សឹក​នាំខ្លួន​មក​ទទួលទោស​ភ្លាមៗ​។ បន្ទាប់ពី​មានការ​ចាប់​ផ្សឹក និង​ឃាត់ខ្លួន នគរបាល​កំពុងតែបន្ត​តិ​និ​វិធី​សាកសួរ និង​បញ្ជូន​ខ្លួន​ទៅ​ស្នងការដ្ឋាន​។ ការសម្រេច​ចាប់​ផ្សឹក និង​ឃាត់ខ្លួន​សង្ឃ​អង្គ​នេះ​ពី​សំណាក់​អាជ្ញាធរ បាន​ធ្វើឡើង​ក្រោយពី​មាន​ពាក្យបណ្តឹង​របស់​ក្រុមគ្រួសារ​ក្មេងស្រី​រងគ្រោះ រស់នៅក្នុង​ឃុំ​តា​ម៉ៅ ស្រុក​ព្រែក​ប្រសព្វ បានមក​ប្តឹង​នគរបាល​ប៉ុស្តិ៍​រដ្ឋបាល​តា​ម៉ៅ ដែល​សង្ឃ​អង្គ​នេះ​ចាប់រំលោភ​ជនរងគ្រោះ រហូត​បានសម្រេច​នៅលើផ្ទះ​ក្បែរ​វត្ត កាលពី​យប់​ថ្ងៃទី​១៣ ខែកញ្ញា​។​

 

​សមត្ថកិច្ច​ស្រុក​ព្រែក​ប្រសព្វ​បាន​ឲ្យ​ដឹងថា កាលពី​យប់​ថ្ងៃទី​១៣ កញ្ញា សង្ឃ​អង្គ​នេះ​បាន​ដោះ​ស្បង​ចីវរ ស្លៀក​សំលៀកបំពាក់ និង​បាន​ដើរ​សំដៅ​ទៅផ្ទះ​ក្មេងស្រី​រងគ្រោះ​មាន​ចម្ងាយ​ជិត​មួយ​គីឡូម៉ែត្រ​ពី​វត្ត​។ ពេលទៅដល់​បន្ទប់​សង្ឃ​នេះ​បាន​គោះ​ទ្វារផ្ទះ ហើយ​ក្មេងស្រី​រងគ្រោះ​បាន​បើកទ្វារ​ឲ្យ​ចូល​រួច​ក៏បាន​ធ្វើ​សកម្មភាព​រំលោភ​នាង​នៅលើផ្ទះ​រហូត​បានសម្រេច​។ បន្ទាប់ពី​ធ្វើ​សកម្មភាព​រំលោភ​ភ្លាមៗ​នោះ ក៏មាន​ស្ត្រី​ម្នាក់​ដែលជា​បង​របស់​ក្មេងស្រី​រងគ្រោះ​នៅផ្ទះ​ក្បែរ​នោះបាន​ស្រែកហៅ​ក្មេងស្រី​រងគ្រោះ ហើយ​ជនសង្ស័យ​ជា​សង្ឃ​នេះ​ភ័យ​ស្លន់ស្លោ​បាន​លោត​ចុះពីលើផ្ទះ​ចុះមក​ដី និង​រត់​សំដៅ​មក​វត្ត​បន្សល់ទុក​តែ​សំលៀកបំពាក់​មួយចំនួន​ចោល​លើផ្ទះ​របស់​ក្មេងស្រី​។​

 

​ក្រោយពី​រឿងនេះ​បាន​បែកធ្លាយ​នៅ​ព្រឹក​ថ្ងៃទី​១៤ ខែកញ្ញា ក្មេងស្រី​រងគ្រោះ​បានមក​ដាក់ពាក្យ​បណ្តឹង​នៅ​ប៉ុស្តិ៍​រដ្ឋបាល ទើប​ប៉ូលិស​ជាមួយនិង​អាជ្ញាធរ​មូលដ្ឋាន​មាន​វិធានការ​ចំពោះ​សង្ឃ​អង្គ​នេះ​ភ្លាមៗ​។ យ៉ាងណាក៏ដោយ​បើតាម​ប្រភពព័ត៌មាន​មួយចំនួន​បាន​ឲ្យ​ដឹងថា កន្លងមក​ក្មេងស្រី​រងគ្រោះ​ធ្លាប់មាន​ទំនាក់ទំនង​ជាមួយ​សង្ឃ​អង្គ​នេះ​រយៈពេល​យូរ​មកហើយ តែ​មិនដឹងថា ធ្លាប់មាន​មេត្រីភាព​ជាមួយគ្នា ឬ​យ៉ាងណា​នោះទេ ហើយ​ការ​មកប្តឹង​ឲ្យ​ចាប់ខ្លួន​សង្ឃ​អង្គ​នេះ គឺធ្វើឡើង​ក្រោយពី​រឿងនេះ​បាន​បែកធ្លាយ​៕

16-9-2015

 

Leave a Reply

(*) Required, Your email will not be published