មុន្នី ពិសី ៖ កំណើត​ស្នេហ៍​អ្នកជំនួញ ជា​ដំណឹង​ច្រាសខ្យល់​

, , Leave a comment

Nita-26-A-56-Full1

Nita-26-A-57-Full1

​រាជធានី​ភ្នំពេញ : តារា​សម្ដែង​ស្រករ​ក្រោយ​ទើប​លេច​ឈ្មោះ​ល្បីល្បាញ​ក្នុង​រង្វង់​សិល្បៈ​កញ្ញា មុន្នី ពិសី ថ្មីៗ​នេះ​មាន​ប្រភព​ដែល​ស្និទ្ធ​នឹង​នាង បាន​ទម្លាយ​ឲ្យ​ដឹងថា តារា​សម្ដែង​និយម​តុបតែង​ខ្លួន​បែប​នារី​សម័យ មុន្នី ពិសី កំពុង​តែមាន​ទំនាក់ទំនង​ស្នេហ៍​យ៉ាង​ត្រជាក់​ល្ហឹម​ជាមួយនឹង​បុរស​ដែល​គេ​ស្គាល់​ថា ជា​អ្នករក​ស៊ីធំ​ម្នាក់​នៅ​ស្រុក​ខ្មែរ​។​

 

​ប្រភពពី​ក្រៅ​វិថី​សិល្បៈ​បាន​បង្ហើប​ថា បើតាម​គេ​ដឹង​គឺ​ទំនាក់ទំនង​ស្នេហា​រវាង មុន្នី ពិសី ជាមួយនឹង​កំលោះ​រូប​សង្ហា​វ័យ​ជាង​៣០​ឆ្នាំ ដែល​កំពុង​រស់នៅ​រក​ស៊ីក្នុង​ស្រុក​ម្នាក់ នោះបាន​ចាប់​ផ្តើមឡើង​មាន​រយៈពេល​ជាច្រើន​ខែ​មក​ហើយដោយ ក្នុងនោះ​បុរស​គូស្នេហ៍​ម្នាក់នេះ ក៏​តែង​ជួយឧបត្ថម្ភ​ទំនុកបម្រុង​ដល់ ពិសី ទៀតផង ស្រប​ពេលដែល​មួយរយៈ​ពេលនេះ​គេ​ក៏​សង្កេតឃើញថា នាង​ហាក់​កំពុង​ឡើង​កាលី​ប​ខ្លាំង​ជាមួយ​ឥទ្ធិពល​ទឹកប្រាក់​នោះ​។​

 

​ប្រភព​ដដែល​នោះបាន​និយាយទៀតថា កញ្ញា មុន្នី ពិសី បច្ចុប្បន្ន​កំពុងតែ​ប្រើប្រាស់​ពេលវេលា​ដើម្បី​ស្វែងយល់​ចិត្ត​គ្នា​ជាមួយ​បុរស​ខាងលើ ដែល​ត្រូវបាន​គេ​ដឹងថា អ្នក​ទាំងពីរ​តែង​ផ្តលឱកាស​ឲ្យ​គ្នា​ទៅវិញទៅមក​ក្នុងការ​និយាយ​ឆ្លើយ​ឆ្លងតាម​ប្រព័ន្ធ​ទូរស័ព្ទ និង​ការដើរ​កំសាន្ត​លក្ខណៈ​តែ​ពីរ​នាក់​រវាង​គូស្នេហ៍​ទៀតផង​។ អំឡុងពេល​ចុងក្រោយ​នេះ ពិសី ហាក់​មាន​យឺ​អ៊ុន​ខ្ពស់​គ្រាន់បើ គឺ​ឡើង​ទាំង​អាជីព​សិល្បៈ​និង​ជីវិត​ស្នេហា​។ មិន​ប៉ុណ្ណោះ​គឺ​គេ​កត់សម្គាល់​ឃើញថា ចាប់តាំងពី​នាង​មាន​ទំនាក់ទំនង​ស្នេហា​ជាមួយ​បុរស​ម្នាក់នេះ​មក​ភាព​ហ៊ឺហា​ស៊ី​វិ​ល័យ​ដោយ​ការលេង​ខ្លួន​ជាមួយនឹង​ប្រើ​សម្ភារៈ ថ្លៃៗ​នឹង​ទំនើប​ជា​កត្តា​ដែល​ជំរុញ​ឲ្យ​នាង​មាន​ភាព​លេចធ្លោ​ផងដែរ ក្នុង​ជីវិត​របស់​នៅ​ប្រចាំថ្ងៃ​។​

 

​ឆ្លើយតប​ការលើកឡើង​ខាងលើ​កញ្ញា មុន្នី ពិសី បាន​ប្រាប់ថា ពុំមែន​ជាការ​ពិត​ដូច​គេ​និយាយ​នោះ​ឡើង​។ ខ្ញុំ​សូម​បដិសេធ​ចំពោះ​រឿងនេះ​ទាំងស្រុង​។ តារា​សម្ដែង​វ័យក្មេង​ទើប​មានឈ្មោះ​ល្បី​កញ្ញា មុន្នី ពិសី បាន​និយាយទៀតថា អ្នកជំនួញ​ណា​បង​បើ​ខ្ញុំ​មិន​ដឹងផង​ហ្នឹង​គឺ​អត់​មាន​ទេ​។ ប៉ុន្តែ​បើ​និយាយ​ឲ្យ​ចំ​គឺ​ពិត​ជាមាន​ច្រើន​អ្នក​ដែល​តាម​ស្រលាញ់​គ្រាន់តែ​ពេលនេះ​ខ្ញុំ​មិនទាន់​គិតគូរ​ដល់​រឿង​មាន​ស្នេហា​នៅឡើយ​ទេ ព្រោះ​វ័យ​ក៏​នៅ​ក្មេង ហើយ​ចង់យក​ពេលវេលា​ជាមួយ​ការងារ​សិល្បៈ​ឲ្យ​រីកចម្រើន​បន្តិច​សិន​៕

 

 

Leave a Reply

(*) Required, Your email will not be published