​សោកនាដកម្ម​មួយ​គ្រួសារ​ដែល​រថយន្ត​ដល់​សេវា​សង្គ្រោះ​គ្លីនិក​ឯកជន​យីហោ «​ឃឹម​រ៉ានី​» ទៅបុក​សម្លាប់​យ៉ាង​កំរោល តែ​បដិសេធ​មិន​សង​សំណង ព្រោះតែ​អាង​ក្របខណ្ឌ​ជាម​ន្ដ្រី​យោធា​

, , Leave a comment

MrMSP-0302

​រាជធានី​ភ្នំពេញ : សព​ជនរងគ្រោះ​មួយ​គ្រួសារ ប្ដី​ប្រពន្ធ និង​កូនតូច ព្រមទាំង​ជនរងគ្រោះ​ពីរ​នាក់​ផ្សេងទៀត ដែល​រងរបួស​ធ្ងន់ធ្ង​រ ដែល​បណ្តាលមកពី​រថ​យន្ត​របស់​គ្លីនិក​ឯកជន​យីហោ «​ឃឹម​រ៉ានី​» បើក​បុក​កាលពី​យប់​ថ្ងៃទី​៥ ខែកញ្ញា ឆ្នាំ​២០១៥​កន្លងទៅ ស្ថិតនៅលើ​កំណាត់​ផ្លូវជាតិ​លេខ​៤ សង្កាត់​ចោមចៅ ខណ្ឌ​ពោធិ៍​សែន​ជ័យ តែ​ត្រូវ​ម្ចាស់​គ្លីនិក​បដិសេធ ។​

 

​ម្ចាស់​គ្លីនិក​ឯកជន ដែល​កាប់ឆៅ​លើ​សេវា​ព្យាបាល និង​សង្គ្រោះ​អ្នកជំងឺ យីហោ «​ឃឹម​រ៉ានី​» មាន​ក្របខណ្ឌ​ជាម​ន្ដ្រី​យោធា ពាក់​ផ្កាយ​លើ​ស្មា​ផង​នោះ បាន​បន្ដ​គេ​ស​វេស​មិន​ទទួលខុសត្រូវ លើ​ការផ្ដល់​សំណង ជូន​ដល់​សព​ជនរងគ្រោះ និង​ជនរងគ្រោះ​ដែល​សម្រាក​ព្យាបាល​នោះ​។​

 

​រហូតមកដល់​ថ្ងៃទី​១០ ខែកញ្ញា ឆ្នាំ​២០១៥ ម្សិលមិញ​នេះ​តាម​សេចក្ដីរាយការណ៍​បានឱ្យដឹងថា ម្ចាស់​គ្លីនិក​ឯកជន​មួយ​នេះ នៅ​បន្ដ​បដិសេធថា រថយន្ដ​បង្ក​នោះ​មិនមែនជា កម្មសិទ្ធិ​របស់ខ្លួន​នោះឡើយ ប៉ុន្ដែ​ទាំង​សមត្ថកិច្ច និង​សាក្សី​ជាច្រើន​នាក់ ដឹក​យ៉ាងច្បាស់​ថា នោះ​គឺជា​រថយន្ដ​របស់​គ្លីនិក​ឃឹម​រ៉ានី យ៉ាង​ជាក់ស្ដែង ។ បុគ្គលិក​មួយរូប នៅក្នុង​ឃ្លីនិក​មួយ​នេះ បាន​លួច​បង្ហើប​ថា រថយន្ដ​ខាងលើ​ទើបនឹង ចេញ​បាន​៣​ថ្ងៃ​ប៉ុណ្ណោះ ក៏​ជួប​គ្រោះថ្នាក់​បែបនេះ​តែម្ដង ។​

 

​នៅ​រសៀល​ថ្ងៃទី​១០ ខែកញ្ញា ឆ្នាំ​២០១៥  ដំណោះស្រាយ​រវាង​ម្ចាស់​រថយន្ដ​បង្ក និង​ជនរងគ្រោះ​ទាំង​៥​នាក់ នៅ​មិនទាន់​លេច​ជា​រូបរាង​នៅឡើយ​ទេ ដោយហេតុថា ម្ចាស់​គ្លីនិក​នៅ​បន្ដ​បដិសេធ និង​មិន​ទទួលខុសត្រូវ​ថា រថយន្ដ​នោះ​ជា​របស់ខ្លួន​ទៅវិញ​។ យ៉ាងណាក៏ដោយ សម្រាប់​គ្រោះថ្នាក់​ចរាចរណ៍ ដែល​បានសម្លាប់​ជីវិត​មនុស្ស​៣​នាក់ ក្នុង​គ្រួសារ​តែមួយ យ៉ាង​អ​ណោ​ច​អធម ហើយពីរ​នាក់​ទៀត​រង​របួសធ្ងន់ បង្កដោយ​រថយន្ដ​គ្លីនិក «​ឃឹម​រ៉ានី​» នគរបាល​ចរាចរណ៍ បាន​នឹង​បន្ដធ្វើ​ការស៊ើបអង្កេត ដើម្បី​ជួយ​រក​យុត្ដិធម៌​ដល់​ជនរងគ្រោះ ។​

 

​សូមបញ្ជាក់ថា គ្រោះថ្នាក់​ចរាចរណ៍​នេះ បាន​កើតឡើង​ដោយសារតែ អ្នកបើករថយន្ដ មាន​អាកា​រៈ​ស្រវឹងស្រា (​ឃើញ​កំប៉ុង​ស្រា​បៀរ នៅក្នុង​កាប៊ីន​) បាន​រេ​ចង្កូត​ទៅបុក​ជនរងគ្រោះ កំពុង​ជិះ​ម៉ូតូ​ពីរ​គ្រឿង នៅ​ខាងស្ដាំ​ដៃ​ពីមុខ​រថយន្ដ បណ្ដាលឱ្យ​ស្លាប់​៣​នាក់ ជា​បន្ដបន្ទាប់ យ៉ាង​អ​ណោ​ច​អ​ធ័​ម ដែល​គ្រួសារ​មាន​ជីវភាព​លំបាក ហើយ​បងប្អូន​គ្មាន​លុយកាក់​គ្រប់គ្រាន់ សម្រាប់ធ្វើ​បុណ្យ​ជូន​ឱ្យ បាន​សមរម្យ​នោះឡើយ​។ ប៉ុន្តែ​ម្ចាស់​គ្លីនិក​មិនគួរ​មក​គេចវេស​យ៉ាង​ដូច្នេះ ទៅលើ​ជីវិត​មនុស្ស​ទាំង​៥​នាក់​នេះ​ទេ គួរ​ចូលខ្លួន​មក​ដោះស្រាយ និង​ផ្ដល់​សំណង​សមរម្យ ដល់​ពួកគេ​ជាការ​ប្រសើរ​។​

 

​មតិសាធារណៈ​ជន​ជាច្រើន​បាន​លើកឡើងថា គ្លីនិក​ឯកជន ដែលមាន​ម្ចាស់​ជា​ស្ដ្រី ពាក់​ផ្កាយ​លើ​ស្មា ក្នុង​ជួរ​កម្លាំងប្រដាប់អាវុធ​រូបនេះ តែងតែ​កាប់ឆៅ​លើ​អ្នកជំងឺ ដែល​ចូលទៅ​ព្យាបាល ពោល​ដាក់​ស៊ី​រ៉ូម និង​ចាក់​ពីរ​បី​ម្ជុល យ៉ាង​ត្រឹម​៥០​ដុល្លារ ប៉ុន្ដែ​ពេល​គិតលុយ ម្ចាស់​គ្លីនិក គិតថ្លៃ​ចន្លោះ​ពី ៣០០​ទៅ​៥០០​ដុល្លារ​ឯណោះ ។​

 

​ម្យ៉ាងទៀត មានការ​រិះគន់ថា នៅពេល​មាន គ្រោះថ្នាក់​ចរាចរណ៍​ម្ដងៗ រថយន្ដ​សង្គ្រោះ បន្ទាន់​របស់​គ្លីនិក​មួយ​នេះ បានចេញ​ទៅយក ជនរងគ្រោះ ប៉ុន្ដែ​បើ​ឃើញ​សភាព​ជនរងគ្រោះ​ជា​អ្នកក្រ និង​បើក​គេចវេស តែបើ​ជនរងគ្រោះ​មើលទៅ មានទ្រព្យ​សម្បត្ដិ និង​ដណ្ដើម​លើកដាក់ រថយន្ដ​របស់ខ្លួន ដឹក​មក​ព្យាបាល​រហូត​ពេលខ្លះ​មានការ​ឈ្លោះទាស់ទែង ដោយសារតែ​សាច់ញាតិ​អ្នកជំងឺ​ដឹងថា រថយន្ដ​ឃឹម​រ៉ានី គឺ​មិន​ព្រម​ឡើង​នោះទេ​។ ជាមួយគ្នានេះ រថយន្ដ​គ្លីនិក​ឃឹម​រ៉ានី និង​គឹម​សុង បាន​ល្មើស​បម្រាម​របស់​ក្រសួង សុខាភិបាល​ដែល​បានប្រកាស​មិនឱ្យ គ្លីនិក​ឯកជន​ទាំងឡាយ ចេញ​ទៅយក​ជនរងគ្រោះ​នោះទេ ប៉ុន្ដែ​បម្រាម​នេះ​គ្មាន​ប្រសិទ្ធភាព​នោះឡើយ​៕​

MrMSP-0281

 

Leave a Reply

(*) Required, Your email will not be published