ព្រោះតែ​ជាម​នុស្ស​ល្មោភកាម សុខចិត្ត​តាម​ចាប់រំលោភ​ស្ត្រី​វិកល​ច​រិ​ក​

, , Leave a comment

10-9-2015

​ខេត្តកណ្តាល : បុរស​ពេទ្យសត្វ​វ័យ​ចំណាស់​ម្នាក់​ត្រូវ​នគរបាល​ចាប់ខ្លួន បន្ទាប់ពី​មានការ​ប្តឹង​ថា​បានធ្វើ​សកម្មភាព​ប៉ុនប៉ង​រំលោភ​លើ​ស្ត្រី​មាន​អត្ត​ច​រិ​ក​មិន​ប្រក្រតី​(​សតិ​មិន​គ្រប់​) ដើម្បី​កសាង​សំណុំរឿង​បញ្ជូនទៅ​តុលាការ ។ ការចាប់ខ្លួន​ធ្វើឡើង​ភ្លាម​បន្ទាប់ពី​ក្រុមគ្រួសារ​រងគ្រោះ​បានមក​ដាក់ពាក្យ​ប្តឹង​កាលពី​វេលា​ម៉ោង​៨​ព្រឹក ថ្ងៃទី​៩ ខែកញ្ញា ឆ្នាំ​២០១៥​។​

 

​តាម​របាយការណ៍​សម​ត្ថ​កិច្ច​មូលដ្ឋាន​បាន​បញ្ជាក់ថា ជនសង្ស័យ​មានឈ្មោះ ម៉ៅ សឿន ភេទ​ប្រុស អាយុ​៥២​ឆ្នាំ ជនជាតិខ្មែរ មុខរបរ​ពេទ្យសត្វ មាន​ទីលំនៅ​ភូមិ​ព្រែក​ថ្មី ឃុំ​ជ​យ័​ធំ ស្រុក​ខ្សាច់កណ្តាល ខេត្តកណ្តាល​។ រីឯ​ជនរងគ្រោះ អាយុ​៤៩​ឆ្នាំ​ជនជាតិខ្មែរ មុខរបរ​នៅផ្ទះ ជា​មនុស្ស​មិន​គ្រប់លក្ខណ​: សតិ​មិនល្អ​។​

 

​ប្រភព​ដដែល​បាន​បន្តថា កន្លងមក​ជនសង្ស័យ​ធ្លាប់បាន​រួមភេទ​ជាមួយ​ជនរងគ្រោះ​៣​ដង​មកហើយ​។ លុះដល់​ថ្ងៃកើតហេតុ ជនសង្ស័យ​បាន​អង្គុយ​ផឹកស្រា​ក្រោមផ្ទះ​ខ្លួន ជាមួយ​មិត្តភក្តិ រហូតដល់​ម៉ោង​៧​និង​៣០​នាទី​យប់ ក៏​បែក​គ្នា​ទៅផ្ទះ​រៀងខ្លួន​។  ក្រោយមក​ជនសង្ស័យ​បាន​ដើរទៅ​ផ្ទះ​ជនរងគ្រោះ ពេលទៅដល់​ផ្ទះ​ជនរងគ្រោះ ឃើញ​ជនរងគ្រោះ​កំពុង​ដេក​ក៏​ដាស់​ជនរងគ្រោះ​សុំ​រួមភេទ តែ​ជនរងគ្រោះ​មិន​ព្រម ទើប​មាន​ការប្រតាយប្រតប់គ្នា ហើយ​ជនរងគ្រោះ​ស្រែក​ឲ្យ​គេ​ជួយ​ភ្លាមនោះ​ប្អូនថ្លៃ​ជនរងគ្រោះ បានឮ​ចុះទៅ​មើលឃើញ​ជនសង្ស័យ​នៅក្នុង​ផ្ទះ​ជនរងគ្រោះ​ប្អូនថ្លៃ​បាន​សួរនាំ ពេលនោះ​ជនសង្ស័យ​បាន​វាយ​ប្អូនថ្លៃ​ស្ត្រី​រងគ្រោះ​១​ដៃ ត្រូវ​មុខ​រួច​គេចខ្លួន​ទៅផ្ទះ​បាត់​។​

 

​លុះ​មកដល់​វេលា​ម៉ោង​៨​ព្រឹក ថ្ងៃទី​៩ ខែកញ្ញា កូន​ជនរងគ្រោះ​បានមក​ដាក់ពាក្យ​បណ្តឹង​នៅ​ប៉ុស្តិ៍នគរបាល​ជ័យ​ធំ ហើយ​បាន​ឈានដល់​ការឃាត់ខ្លួន​ជនសង្ស័យ បញ្ជូនមក​អធិការដ្ឋាន ដើម្បី​បន្ត​ចាត់ការ​តាម​នីតិវិធី​៕

 10-9-2015 (1)

 

Leave a Reply

(*) Required, Your email will not be published