នគរបាល​ខណ្ឌ​ច្បារអំពៅ បង្ក្រាប និង​ត្រួតពិនិត្យ​អ្នកប្រើប្រាស់​វិទ្យុ​ទាក់ ក្នុង​យុទ្ធសាស្ត្រ ភ្លើង​ចន្លុះ​

, , Leave a comment

10-9-2015

​រាជធានី​ភ្នំពេញ : បន្ទាប់ពី​អគ្គស្នងការ​នគរបាល​ជាតិ​ណែនាំ​អោយធ្វើ​ការត្រួតពិនិត្យ​ទៅ​អ្នករត់​រ៉ឺម៉ក​ម៉ូតូ អ្នករត់ម៉ូតូឌុប មាន​វិទ្យុទាក់ទង ប្រភេទ​អាយ​ឌី ប្រើប្រាស់​រួចមក ឥឡូវ​នៅតាម​បណ្តា ខណ្ឌ​មួយចំនួន​ក្នុង​រាជធានី​ភ្នំពេញ​ចាប់ផ្តើម​ប្រតិបត្តិការ​ត្រួតពិនិត្យ​អ្នកប្រើប្រាស់​វិទ្យុទាក់ទង​ប្រភេទ​អាយ​ឌី​ហើយ ជាពិសេស​ត្រួតពិនិត្យ​អ្នកបើក​រ៉ឺម៉ក​ម៉ូតូ អ្នករត់ម៉ូតូឌុប។

 

ដោយឡែក​នគរបាល​ខ​ណ្ឌ​ច្បារអំពៅ នៅ​ព្រឹក​ថ្ងៃទី​៩ ខែកញ្ញា ឆ្នាំ​២០១៥ បានចាប់ផ្តើម​ប្រតិបត្តិការ​ត្រួតពិនិត្យ​អ្នកប្រើប្រាស់​វិទ្យុទាក់ទង​ប្រភេទ អាយ​ឌី​ផងដែរ ដោយ​ចែកចេញជា​៤​គោលដៅ ទី​១-​នៅ​ផ្លូវ​៣៦៩ ក្នុង​សង្កាត់​ច្បារអំពៅ​ទី​១ , ទី​២-​នៅ​គោលដៅ​ស្តុ​ប​ច្បារអំពៅ ,​ទី​៣-​នៅ​គោលដៅ​ផ្លូវជាតិ​លេខ​១ ក្នុង​សង្កា​ត​និរោធ ,​និង​ទី​៤-​នៅ​គោលដៅ​បេនឡាន​ច្បារអំពៅ ។​
​ប្រតិបត្តិការ​រយៈពេល​៤​ម៉ោង សមត្ថកិច្ច​រកឃើញ​អ្នកប្រើប្រាស់​វិទ្យុទាក់ទង​ប្រភេទ អាយ​ឌី ចំនួន​៨​គ្រឿង ហើយ​ឃាត់ខ្លួន​អ្នកប្រើប្រាស់​បណ្តោះ​ចំនួន​៨​នាក់ ជា​អ្នករត់​រ៉ឺម៉ក​ម៉ូតូ និង​រត់ ម៉ូតូ ឌុប ដើម្បី​ធ្វើការ​អប់រំ ណែនាំ ។ មនុស្ស​ទាំ​៨​នាក់​រួមមាន ១-​ឈ្មោះ ជាង ណា​ង ភេទ ប្រុស អាយុ ៣៤​ឆ្នាំ ជនជាតិ ខ្មែរ ស្នាក់នៅ ផ្ទះជួល បេតុង ភូមិ​ក្បាល​ទំនប់ សង្កាត់​បឹងទំពុន ខណ្ឌមានជ័យ មុខរបរ រត់​រ៉ឺម៉ក់​ម៉ូតូ​កង់​បី​។ ២-​ឈ្មោះ ម៉ាង រាវ ភេទ ប្រុស អាយុ ៤៤​ឆ្នាំ ជនជាតិ ខ្មែរ ស្នាក់នៅ​ភូមិ ព្រែក​តា​គង់​២ សង្កាត់​ចាក់អង្រែលើ ខណ្ឌមានជ័យ មុខរបរ រត់​រ៉ឺម៉ក់​ម៉ូតូ កង់​បី​។ ៣-​ឈ្មោះ ស៊ិន វ៉ាន់​ឌឿ​ន ភេទ ប្រុស អាយុ ៣៦​ឆ្នាំ ជនជាតិ ខ្មែរ ស្នាក់នៅ ផ្ទះ​លេខ​៣៧ ផ្លូវ​លេខ ១០៧ សង្កាត់​អូរឫស្សី​ទី​១ ខណ្ឌ​៧​មករា មុខរបរ បុគ្គលិក​ក្រុមហ៊ុន​ស៊ិន​ទ្រី​។ ៤-​ឈ្មោះ កុញ ឆុន ភេទ ប្រុស អាយុ ២៣​ឆ្នាំ ជនជាតិ ខ្មែរ ស្នាក់នៅ ផ្ទះជួល​គ្មាន​លេខ ភូមិ​កណ្តាល សង្កាត់​ច្បារអំពៅ​២ ខណ្ឌ​ច្បារអំពៅ មុខរបរ រត់​រ៉ឺម៉ក់​ម៉ូតូ​កង់​បី ។ ៥-​សំ សុផាន ភេទ ប្រុស អាយុ ៤៧ ឆ្នាំ ជនជាតិ ខ្មែរ ស្នាក់​នៅផ្ទះ​លេខ ៤៤១ ភូមិ​ព្រែកត្រែង​២ ឃុំ​សំរោង​ធំ ស្រុក​កៀនស្វាយ ខេត្តកណ្តាល មុខរបរ រត់​រ៉ឺម៉ក់​ម៉ូតូ​កង់​បី​។ ៦-​ឈ្មោះ ពុំ សុផាត ភេទ ប្រុស អាយុ ៤០​ឆ្នាំ ជនជាតិ ខ្មែរ ស្នាក់នៅ ភូមិ​បឹង​ឈូក សង្កាត់​និរោធ ខណ្ឌ​ច្បារអំពៅ មុខរបរ រត់​រ៉ឺម៉ក់​ម៉ូតូ កង់​បី​។ ៧-​ឈ្មោះ ហួរ សុផល ភេទ ប្រុស អាយុ ២៤​ឆ្នាំ ជនជាតិ ខ្មែរ ស្នាក់នៅ ភូមិ​ស្វាយ​តា​អុក​១ សង្កាត់​វាល​ស្បូវ ខណ្ឌ​ច្បារអំពៅ មុខរបរ រត់​រ៉ឺម៉ក់​ម៉ូតូ កង់​បី​។ និង​៨-​ឈ្មោះ ភោគ សា​រុំ ភេទ ប្រុស អាយុ ៣៤​ឆ្នាំ ជនជាតិ ខ្មែរ ភូមិ​តាងៅ សង្កាត់​និរោធ ខណ្ឌ​ច្បារអំពៅ មុខរបរ រត់​រ៉ឺម៉ក់​ម៉ូតូ​កង់​បី​។​

 

​លោក​វរៈសេនីយ៍ទោ ញ៉ែម សារ៉ន អធិការរង​នគរបាល​ខណ្ឌ​ច្បារអំពៅ​ទទួល​ការងារ​សណ្តាប់ធ្នាប់​ចរាចរ​ខណ្ឌ​បានអោយដឹងថា អនុវត្តតាម​ការណែនាំ​របស់ ឯកឧត្តម​នាយ​ឧ​ត្ត​ម​សេនីយ៍​អគ្គ​ស្នងការរង​នគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ កម្លាំង​នគរបាល​ខណ្ឌ​ច្បារអំពៅ​ក្រោម​ការបញ្ជា​ផ្ទាល់​ពី​លោក​អធិការនគរបាល​ខណ្ឌ​បានចាប់ផ្តើម​ប្រតិបត្តិការ ត្រួតពិនិត្យ អ្នកបើក​រ៉ឺម៉ក​ម៉ូតូ អ្នករត់ម៉ូតូឌុប ដែលមាន​វិទ្យុទាក់ទង​ប្រើប្រាស់ ដោយ​បែង ចែកជា​៤​គោលដៅ ក្នុងភូមិ​សាស្ត្រ​ខណ្ឌ រកឃើញ​អ្នករត់​រ៉ឺម៉ក​ម៉ូតូ​និង​អ្នករត់ម៉ូតូឌុប​មាន​វិទ្យុទាក់ទង​ប្រើប្រាស់​ចំនួន​៨​នាក់ បញ្ជូនមក​សាកសួរ​នៅ​អធិការ ដ្ឋា​ន​នគរបាល​ខណ្ឌ ដោយឡែក​វិទ្យុ​ទាក់ ទង​ចំនួន​៨​គ្រឿង​ត្រូវបាន​ដកហូត​ប្រគល់អោយ​នាយកដ្ឋាន​វិទ្យុទាក់ទង​ក្រសួងមហាផ្ទៃ​ដើម្បី​ធ្វើការ​ត្រួតពិនិត្យ ។​

 

​លោក​អធិការរង​បាន​បន្តថា អ្នករត់​រ៉ឺម៉ក​ម៉ូតូ​ទាំង​៨​នាក់​នេះ​មាន​កាន់​បណ្ណ​សម្គាល់​ខ្លួន ដែល​ចេញ​ដោយ​សមាគម រួបរួមគ្នា​ដើម្បី​អភិវឌ្ឍន៍​កម្ពុជា ដែល​គេ​តែងតែ​ហៅថា សមាគមន៍​ម៉ូតូ​កង់​បី ហើយ​មនុ​ស្សទាំង​៨​នាក់​មិន​ត្រូវបាន​ឃាត់ខ្លួន​នោះទេ គ្រាន់តែ​ហៅ​មក​សាកសួរ​ពាក់ព័ន្ធ​និង​ការប្រើប្រាស់​វិទ្យុទាក់ទង ហើយ​អប់រំ​អោយ​ត្រឡប់​ទៅវិញ​៕

10-9-2015 (6)  10-9-2015 (1) 10-9-2015 (2) 10-9-2015 (3) 10-9-2015 (4) 10-9-2015 (5)

 

Leave a Reply

(*) Required, Your email will not be published