ទេពអប្សរ​នៅ​ប្រាសាទអង្គរវត្ត មាន​រូបរាង​ដូច​ស្ត្រី​ខ្មែរលើ​

, , Leave a comment

​ចាប់តាំងពី​សម័យ​ទំនើប​បាន​ឈាន​មកដល់​ទម្លាប់​ស្លៀក​ប៉ឹង​របស់​ជនជាតិ​ខ្មែរលើ ជាពិសេស​របស់​ស្ត្រី​ខ្មែរ​ដែល​មានមក​តាំង តែ​ពី​សម័យ​បុ​រេ​អង្គរ និង​អង្គរ ក៏​ត្រូវបាន​បោះបង់ចោល​បន្តិច​ម្តងៗ ។ តែ​នៅ​សម័យអង្គរ សម្ព័ន្ធភាព​វប្បធម៌ រវាង​ខ្មែរ និង​កុលសម្ព័ន្ធ​ខ្មែរលើ​មាន​ភាពជិតស្និទ្ធ​នឹង​គ្នា​ជាទីបំផុត ។ អ្វីមួយ​ដែល​ចម្លាក់​បុរាណ​បានបង្ហាញ​បញ្ជាក់ប្រាប់ គឺ​ក្នុង​បរិបទ​សង្គម​វប្បធម៌​នេះហើយ​ដែល​ចម្លាក់​ស្រី​របាំ ឬ​ស្រី​ទេពអប្សរ​ចំនួន​ជាង​១៥០០​ត្រូវបាន​ឆ្លាក់​លម្អ​ជញ្ជាំង​ប្រាសាទអង្គរវត្ត គួរ​ឲ្យ​ចង់​គយគន់​ជា​អនេក​។ វត្តមាន​របស់​ស្រី​របាំ​ទាំងនោះ ពិតជា​ធ្វើ​ឲ្យ​យើង​ស្គាល់​នូវ​បរិយាកាស​សង្គម​វប្បធម៌​ខ្មែរ​នា​សម័យ​មហានគរ​។​

 

​រហូតមកទល់​សព្វថ្ងៃ​នេះ ការស្រាវជ្រាវ​បាន​ផ្តោត​ជា​អាទិភាព​តែ​ទៅលើ​ផ្នែក​ស្ថាបត្យកម្ម​នៃ ប្រាសាទបុរាណ​តែប៉ុណ្ណោះ​។ នេះ​ជា​កង្វះខាត​មួយ​គប្បី​យើង​ត្រូវបំពេញ​។ ក្នុងន័យ​នេះហើយ ការសិក្សា​អំពី​សម្លៀកបំពាក់​រវាង​ស្រី​ទេពអប្សរ និង​ជនជាតិ​ខ្មែរលើ ដោយឡែក​ជនជាតិ​បុ​ឌិះ នៅ​ប្រទេស​វៀតណាម​ខាងត្បូង​បច្ចុប្បន្ន បានបង្ហាញ​ឲ្យ​ដឹងថា ខេត្តសៀមរាប​អង្គរ ក្នុង​អតីតកាល​ពិត​ជាមាន​ទំនាក់ទំនង​វប្បធម៌​យ៉ាង ជិតស្និទ្ធ​ជាមួយ​កុលសម្ព័ន្ធ​ខ្មែរលើ​ទាំងឡាយ​ដែល​រស់នៅក្នុង​ភូមិភាគ ឥណ្ឌូចិន​យើង​នេះ ហើយ​ទំនាក់ទំនង​នេះ​ត្រូវបាន​លាតត្រដាង​តាម​លក្ខណៈ​នៃ​ប៉ឹង​ដែល​ស្រី​ទេពអប្សរ​ស្លៀក​នា​ជំនាន់​នោះ ហើយ​ដែល​ត្រូវគេ​ឆ្លា​ក់លើ​ជញ្ជាំង​ប្រាសាទអង្គរវត្ត​។​

 

​ការដែល​ស្រី​ទេពអប្សរ មានតែ​ក្រណាត់​មួយ​ចំអាម​សម្រាប់​គ្រប​កេរ្តិ៍ខ្មាស់ និង​ទុក​ដើមទ្រូង​នៅ​ទទេ​ដោយ​គ្មាន​អាវ​ដណ្តប់​ខ្លួន​នោះ​ធ្វើ​ឲ្យ​យើង​យល់ថា នាង​គឺជា​ជនជាតិភាគតិច​កំពុង​រស់នៅក្នុង​ទីក្រុង​ដ៏​រុងរឿង​ថ្កើងថ្កាន​មួយ គឺ​រាជបុរី ឬ​ទីក្រុង​យ​សោធរ​បុ​រៈ​។ នេះ​ជា​សក្ខីភាព​មួយ​បង្ហាញ​ឲ្យ​ឃើញ​នូវ​ទំនាក់ទំនង​វប្បធម៌ និង​ជាតិ​ពិន្ទុ​វិទ្យា​រវាង​ខ្មែរ​កាន់​វប្បធម៌​ឥណ្ឌា និង​កុលសម្ព័ន្ធ​មន​-​ខ្មែរ​រស់នៅ ក្នុង​តំបន់​នៃ​ខេត្តសៀមរាប​នា​សម័យ​នោះ (​ម​.​ត្រា​ណេ​)៕

 

 Khmer_leu_womanApsara

 

​ប្រភព ៖ វិ​គី​ភី​ឌា​ខ្មែរ​

 

Leave a Reply

(*) Required, Your email will not be published