មិត្តភក្ដិ​៧​ប្រភេទ​នាំ​ឲ្យ​ហិនហោច​ទ្រព្យ​

, , Leave a comment

13727_700348866765036_5900277963619947316_n

​មិត្តភក្តិ​មាន​ច្រើន​ប្រភេទ​មាន​ទាំង​ល្អ មាន​ទាំង​អាក្រក់ ហើយ​មិត្តភក្ដិ​ដែល គេហទំព័រ​សារព័ត៌មាន​កំណើត​ថ្មី​នឹង​បង្ហាញជូន​លោកអ្នក គឺ​ប្រភេទ​មិត្តភក្ដិ​ដែល​មិនអាច​ឲ្យ​លោកអ្នក​រីកចម្រើន​លុយកាក់ ឬ​សន្សំ​លុយ​បានទេ គឺមាន​តែ​ជួយ​បង្ហិន​តែប៉ុណ្ណោះ​។ តើ​មិត្តភក្ដិ​ដែល​ជួយ​បង្ហិន​ទ្រព្យសម្បត្តិ​របស់លោក​អ្នក​មាន​របៀប​យ៉ាងម៉េច​ខ្លះ​?

 

១-​មិត្តភក្ដិ​អួតអាង ៖ មិត្តភក្ដិ​អួតអាង​តែងតែ​ចំណាយលុយ​យ៉ាងច្រើន​របស់គេ​ទិញ​របស់​ថ្លៃៗ ហើយ​អ្វីដែល​សំខាន់​គឺ​ពួកគេ​ព្យាយាម​បង្អួត​របស់​ថ្លៃៗ ទាំងនោះ​ដល់​អ្នក​ឲ្យ​ដឹង ធ្វើ​ឲ្យ​អ្នក​មិនអាច​ទប់ចិត្ត​បាន ក៏​ទិញ​សម្ភារៈ​ថ្លៃៗ​តាម​។ ពិតជា​ខ្ជះខ្ជាយ​ណាស់​ដោយ​គ្រាន់តែ​ទិញ​សម្ភារៈ​មក​បង្អួត​គ្នា​ដូច្នោះ​!

 

២- មិត្តភក្ដិ​ឈ្នា​និ​ស ៖ ប្រភេទ​មិត្ត​បែបនេះ​ចូលចិត្ត​តែ​តាម​ផ្ចាញ់ ឬ​ចេះតែ​ឌឺដង​លោកអ្នក ពិសេស​ពេល​មានទ្រព្យ​សម្បត្តិ​ច្រើន​។

 

៣-​មិត្តភក្ដិ​ដែល​ចូលចិត្ត​ដើរ​ផ្សារ​ដូច​មនុ​ស្សញៀន​ផ្សារ ៖ ប្រភេទ​មិត្ត​នេះ​ចេះតែ​ចង់​ចាយលុយ​។ ឲ្យ​តែមាន​លុយ​ក្នុង​ដៃ គឺ​ត្រូវ​ដើរ​ផ្សា​រទិញ​នេះ​ទិញ​នោះ មិន​ត្រឹមតែ​ប៉ុណ្ណោះ លោកអ្នក​ក៏ត្រូវ​ទៅជា​មួយ​ពួកគេ​ដែរ​។ មិនយូរ​មិនឆាប់ គឺ​ត្រូវ​ចំណាយ​ដូចគ្នា​ដោយសារតែ​ពើបប្រទះ​នឹង​របស់​ដែល​ខ្លួន​ពេញចិត្ត​។​

 

៤-​មិត្តភក្ដិ​អ្នកមាន ៖ ពួកគេ​ចូលចិត្ត​ចំណាយលុយ​លើ​ឥ​វ៉ាន់​ថ្លៃៗ ចូល​ហាង​ធំៗ ធ្វើ​ឲ្យ​យ៉ាងណា​ឲ្យ​តែ​បាន​ចាយលុយ និង​មាន​គេ​ដឹងថា​ខ្លួន​មាន​លុយ​ច្រើន​។ មិនយូរ​មិនឆាប់ គង់តែ​ជាប់បំណុល​មិន​ខាន​។​

 

៥-​មិត្តភក្ដិ​ដែល​ចូលចិត្ត​សួរ​រឿង​ផ្ទៃក្នុង​ទោះ​គេ​មិន​ចង់​ប្រាប់ ៖ មិត្ត​ប្រភេទ​នេះ​ចូលចិត្ត​សួរ​អ្នក​ពី​រឿង​ប្រាក់ខែ ចាយលុយ​របៀប​ម៉េច ហើយ​ឆ្លៀតឱកាស​ខ្ចីលុយ​តែម្ដង​។​

 

៦-​មិត្តភក្ដិ​ចូលចិត្ត​ឲ្យ​ប៉ាវ ៖ ចង់ទៅ​ញ៉ាំ​អី ទៅ​មើល​កុន ឬ​ទៅ​កន្លែង​ណាក៏ដោយ​ឲ្យ​តែ​ជា​កន្លែង​ចេញ​លុយ គឺ​ពួកគេ​តែងតែ​អូស​អ្នក​ទៅតាម​ជានិច្ច​ដើម្បី​ចេញ​លុយ​។​

 

៧-​មិត្តភក្ដិ​ដែលមាន​គំនិត​អគតិ ៖ ខណៈពេលដែល​លោកអ្នក​ខំធ្វើការ​ចង់​ស្លាប់​ដើម្បី​រកលុយ បែរ​ជាមាន​មិត្ត​ម្នាក់​មក​និយាយថា​ការងារ​មិន​រីកចម្រើន នោះ​លោកអ្នក​ប្រាកដជា​បាក់​ទឹកចិត្ត​ជាមិនខាន​៕

 16428_1535167420084472_604008824494690039_n

 

Leave a Reply

(*) Required, Your email will not be published