បរិវារស័ព្ទ​ក្នុង​ភាសា​ខ្មែរ ស្វែងយល់ ពាក្យ​«​ក្រេវក្រោធ​»

, , Leave a comment

word

«​ក្រេវក្រោធ​» នៅ​សម័យបុរាណ ខ្មែរ​យើង​ប្រើពាក្យ​នីមួយៗ​ដោយមាន​ន័យ និង​ស័ព្ទ​ច្បាស់​ប្រាកដ​ពុំមាន​ល្អៀង បើតាម​ការសង្កេត​ទៅ​ឃើញថា គេ​ប្រើពាក្យ «​ក្រោធ​» ដើម្បី​កត់សម្គាល់​តាមផ្លូវ​ចរិយា ឯ​ពាក្យ «​ខឹង​» វិញ សម្រាប់​សម្ដែង​បង្ហាញថា អវៈយវៈ​យើង​ដែល​ខឹង​នោះ។

 

ដូច្នេះ ពាក្យ​ថា​អ្នកនេះ​ខឹង​នឹង​អ្នកនោះ​ណាស់ ពាក្យ ខឹង មួយ​ម៉ាត់​នេះ អាច​កត់សម្គាល់​បាន​ថា ការឈ្លោះប្រកែក​គ្នា​ម្ដងៗ រមែង​ជេរ​បញ្ចោរ​ជា​ពាក្យអាសគ្រាម ឬ​ឲ្យ​កេរ្តិ៍ខ្មាស​គ្នា​ទៅវិញទៅមក​ពុំខាន​ឡើយ ។ អាស្រ័យ​ហេតុនេះហើយ គេ​និយាយថា អ្នកនេះ​ខឹង​នឹង​អ្នកនោះ។​

 

​ចំពោះ​ពាក្យ «​ក្រោធ​» វិញ គេ​ច្រើន​និយាយ​នៅ​កាលនោះ​ថា នាយ​ចៅហ្វាយ​បាន​ក្រោធ​នឹង​សហការី​លោក​ដោយមាន​កំហុស​ព្រោះ​ចូលធ្វើការ​ពុំទាន់ពេលវេលា ពោលគឺ នាយ​ចៅហ្វាយ​មា​ន​ចិត្ត​ប្រកាន់​ច្រឡោត «​ខឹង​» ដូច​ពាក្យសម្ដី​យើង​ប្រើ​សព្វថ្ងៃនេះ ។ ដូច្នេះ​បរិវារស័ព្ទ «​ក្រេវ​» អាច​គន្លាស់​បានជា​ពាក្យ «​ក្រេវ​មួយ​ឆោត​» គឺ «​ក្រោធ​មួយ​ឆេវ​» ពោលគឺ​ក្រោធ​មួយ​ភ្លែត ទោះ​ខ្លាំងណាស់​ក្ដី រមែង​ឆាប់​បាន​ស្បើយ​ទៅវិញ​ដោយមាន​សេចក្ដី​អនុគ្រោះ ៕

 

Leave a Reply

(*) Required, Your email will not be published