លោកស្រី កុយ ពិសី ៖ ព្រោះតែ​បក្សប្រឆាំង​មិន​ទទួល​ការពិត ទើប​មានការ​គំរាមកំហែង​

, , Leave a comment

​រាជ​ធនា​ភ្នំពេញ : លោកស្រី កុយ ពិសី អនុប្រធាន​លេខាធិការដ្ឋាន​អចិន្ត្រៃយ៍​នៃ​អាជ្ញារ​ជាតិ​ទទួលបន្ទុក​កិច្ចការ​ព្រំដែន​បាន​មានប្រសាសន៍​កាលពី​ព្រឹក​ថ្ងៃទី​៣១ ខែសីហា​ម្សិលមិញ ថា លោកស្រី​បានទទួល​ការគំរាមកំហែង និង​ការជេរប្រមាថ​យ៉ាងខ្លាំង ហើយ​ការគំរាមកំហែង​នេះ ដោយសារតែ​អ្នកនយោបាយ​ប្រឆាំង​មិន​ទទួលស្គាល់​ការពិត​លើ​បញ្ហា​ព្រំដែន ហើយ​បើ​គណបក្សប្រឆាំង​ទទួលយក​ការពិត ប្រហែលជា​លោកស្រី​អត់​មានការ​គំរាមកំហែង​បែបនេះ​ទេ​។​

 

​លោកស្រី កុយ ពិសី បាន​មានប្រសាសន៍​បែបនេះ បន្ទាប់ពី​លោកស្រី​ត្រូវបាន​ជន​មិន​ស្គាល់មុខ​គំរាម​តាម​បណ្តាញ​សង្គម​ហ្វេ​ស​ប៊ុ​កដោយ​បានសរសេរថា ៖ «​ប្រយ័ត្ន​ខ្លួន​បន្តិច​ណា ម៉េច​មី​ច្រ​ម៉ក់​ឯង​ថា​លោក អ៊ុំ សំអាន ដើរ​កុហក​រឿង​ព្រំដែន​»​។ លោកស្រី​បានលើកឡើង​ទៀតថា ការ​គំរាម​នេះ​មាន​២​ប្រភេទ គឺ​ការជេរប្រមាថ និង​គំរាមកំហែង ហើយ​ការជេរប្រមាថ​នេះ វា​អសីលធម៌​ណាស់​មាន​ពលរដ្ឋ​មួយចំនួន​ក៏ដូចជា​លោកស្រី​មិនអាច​និយាយ​ពាក្យ​នោះ​ចេញ​ទេពី​ព្រោះ​វា​អាក្រក់​ស្តាប់​ពេក​។​

 

​លោកស្រី​មានប្រសាសន៍​ដែរ​ថា ដោយសារ​បែបនេះ​មាន​ច្រើន​កន្លងមកហើយ តែ​លោកស្រី​មិនដែល​យកចិត្តទុកដាក់​ទេ ប៉ុន្តែ​ដល់ពេល​គិត​យូរៗ​ទៅ ទាំង​គ្រួសារ ទាំង​បងប្អូន បាន​និយាយថា នេះ​មិនអាច​ជាការ​លេងសើច​ទេ ប្រហែលជា​គេ​មានបំណង​មែន​ទេ​ដឹង​បានជា​ចេះតែ​ផ្ញើ​សារ​បែបនេះ​។ លោកស្រី​បាន​បញ្ជាក់ថា បន្ទាប់ពី​មានការ​រំលឹក​របស់​ក្រុមគ្រួសារ លោកស្រី​បាន​ចាប់អារម្មណ៍ ហើយក៏​បារម្ភ​ផងដែរ​លើ​បញ្ហា​នេះ​។​

 

​លោកស្រី កុយ ពិសី អះអាងថា “​ខ្ញុំ​មិនមែនជា​អ្នកនយោបាយ​ទេ ខ្ញុំ​គឺជា​អ្នកបច្ចេកទេស ដូច្នេះ​ទាំង​អ្នកសារព័ត៌មាន ទាំង​ពលរដ្ឋ​ដែល​មិន​យល់​ពី​បញ្ហា​ព្រំដែន លោក​សួរ​ខ្ញុំ ខ្ញុំ​ប្រាប់ គឺ​ឆ្លើយ​ប្រាប់​តាម​ការពិត​ជម្រាប​ពី​ការពិត​បើ​មិន​ពិត​ខ្ញុំ​មិន​ប្រាប់​ទេ​ហើយ​ជាទូទៅ​ខ្ញុំ​តែងតែ​ឆ្លើយ​ជាមួយ​គណបក្ស​សង្គ្រោះ​ជាតិ ដែល​លោក​តែងតែ​ចោទប្រកាន់​រាជរដ្ឋាភិបាល​ថា​រាជរដ្ឋាភិបាល​បាន​ប្រើប្រាស់​ផែនទី​ក្លែងក្លាយ​ប្រើ​ផែនទី​យួន ឬ​ក្លែង​សន្ធិសញ្ញា ឬ​ស្អីៗ​ដែល​សុទ្ធតែជា​ការងារ​របស់​យើងខ្ញុំ​។​

 

​លោកស្រី កុយ ពិសី បានលើកឡើង​ទៀតថា “​មិនមែន​មានន័យថា ខ្ញុំ​ធ្វើការ​នៅ​ក្រសួង​កិច្ចការនារី​ហើយ​ខ្ញុំ​មក​និយាយ​រឿង ព្រំដែន​ទេ អាហ្នឹង​ចង់​ប្រាប់ថា ខ្ញុំ​ចេះ​ដឹងអី រឿង​ព្រំដែន បើ​ខ្ញុំ​ធ្វើការ​ក្រសួងបរិស្ថាន ឬ​ក្រសួង​សេដ្ឋកិច្ច​មក​និយាយ​រឿង​ព្រំដែន​អាច​ថា វា​ខុស​វិជ្ជាជីវៈ​តែ​អ្វីដែល​ខ្ញុំ​និយាយ ខ្ញុំ​និយាយ​រឿង​ព្រំដែន​ជា​ការងារ​របស់ខ្ញុំ​ការងារ​រាជរដ្ឋាភិបាល​ក៏ដូចជា​ការងារ​របស់​ពួកយើងខ្ញុំ​ដែល​ធ្វើ​អីចឹង​វា​ប៉ះពាល់​ដល់​ពួកគេ​ដែល ប្រឆាំង​រដ្ឋាភិបាល​ចឹ​ង​បានជា​កើតរឿង​ជេរប្រមាថ មានការ​គំរាម​មក​អីចឹង​ហើយ​ខ្ញុំ​ថា សុំ​ឲ្យ​ពលរដ្ឋ​ដែល​លោក​ស្រពិចស្រពិល កុំ មើល​មក​ខ្ញុំ​ថា​ជា​អ្នកនយោបាយ​ហើយ​ប្រើប្រាស់​គឺ​មិនមែន​ទេ​។ អ្វីដែល​ខ្ញុំ​និយាយ​គឺ សុ​ទ្ធ្ធ​តែ​ជាកា​ពិត​ដែល​ពួកយើងខ្ញុំ​បាន​នឹង កំពុង​ធ្វើ​តាំង​ពីមុន​រហូតមកដល់​ឥឡូវ​។ ទាកទង​នឹង​ការ​គំរាម​នេះដែរ លោកស្រី កុយ ពិសី បាន​មានប្រសាសន៍​ទៀតថា មកដល់ពេលនេះ​លោកស្រី​មិនទាន់បាន ដាក់ពាក្យ​ប្តឹង ឬ​ធ្វើ​អ្វី​ទេ​ដោយសារតែ​ការ គំរាម​នោះ​ពេលខ្លះ​លោកស្រី​គិតថា គេ និយាយ​លេង ពេលខ្លះ​គិតថា គេ​និយាយ មែន តែ​ការជេរប្រមាថ គេ​ជេរ​មែន​គេ​មិន​និយាយ​លេង​ទេ​។​

 

​ម្យ៉ាងទៀត​លោកស្រី គិតថា “​ដោយសារតែ​ស្ថានភាព​នយោបាយ​យើង​អត់​ទាន់​ស្រួល​វា​មិនអាច​បញ្ចប់រឿង​ហ្នឹង​ដោយសា​តែ​គណបក្សប្រឆាំង​ចេះតែ​ចោទប្រកាន់​រដ្ឋាភិបាល​ហើយ​បើ​គាត់​ទទួលយក​ការពិត​ប្រហែលជា​ខ្ញុំ​អត់​មានការ​គំរាមកំហែង​ហ្នឹង​ទេ តែ​ប្រសិនបើ​គណបក្សនយោបាយ​អ​ស់ទាំង​ហ្នឹង​នៅតែ​មិន​ព្រម​ទទួលយក​ការពិត​ការគំរាមកំហែង​នៅតែមាន​បន្ត​។ តាម​លោកស្រី កុយ ពិសី បាន​បញ្ជាក់ថា មកដល់ពេលនេះ​លោកស្រី​មិនទាន់បាន​ប្តឹង​ទេ​ចាំមើល​បន្តិចទៀត​ប្រសិនបើ នៅតែ​បន្ត​សមត្ថកិច្ច​ត្រូវតែមាន​វិធាន​ការជំនួស​លោកស្រី​ហើយពី​ព្រោះ​លោកស្រី​ធ្វើការ​សម្រាប់​ប្រទេសជាតិ អត់​មាន​សម្រាប់ គណបក្ស​ណាមួយ​ទេ​។ អ្នកធ្វើការ​ព្រំដែន គឺ​មិនមែនជា​អ្នក​គណបក្ស​ទេ​គឺ​ធ្វើការ​ទៅតាម​វិជ្ជាជីវៈ​ហើយ​ថ្ងៃក្រោយ​បើទោះជា​គណបក្ស​ណាមួយ​ឡើងកាន់​អំណាច​ក៏​នៅតែ​ធ្វើ​ការងារ​ព្រំដែន​ដដែល​៕

លោកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍នៃអាជ្ញារជាតិទទួលបន្ទុកកិច្ចការព្រំដែន។ រូប​ថត សហការី

លោកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍នៃអាជ្ញារជាតិទទួលបន្ទុកកិច្ចការព្រំដែន។ រូប​ថត សហការី

 

Leave a Reply

(*) Required, Your email will not be published