កូនចៅ ជា​ចោរ​បន្លំ​លួច​របស់របរ​ភ្ញៀវ​ជាក់ស្តែង តែ​ត្រូវ​មន្ត្រីនគរបាល​ចេញមុខ​កាង ព្រោះតែ​តួនាទី និង​បុណ្យស័ក្តិ ថ្នាក់លើ​មាន​វិធានការ​បែបណា​?

, , Leave a comment

31-8-2015

រាជធានី​ភ្នំពេញ : ហេតុការណ៍​ភ្ញាក់ផ្អើល​មួយ​បាន​កើតឡើង បន្ទាប់ពី​មាន​ប្រជាពលរដ្ឋ​ដែល​នាំ​ក្មេង​ទៅលេង​ក្នុង​សួន​កុមារ ដែលមាន​ទីតាំង​នៅមុខ​វត្ត​បុ​ទម​វ​ត្តី​នេះ​បាន​បាត់បង់​សម្ភារ របស់​ពួកគាត់​ដែល​ទុក​ក្នុង​កែបម៉ូតូ​ហើយ​ពេលចេញ​មកវិញ ស្រាប់តែ​បាត់​កាបូប​លុយ និង​ទូរស័ព្ទ បែរជា​ម្ចាស់​ផ្ញើ​ម៉ូតូ​មិន​ទទួលខុសត្រូវ​ទៅវិញ​។ ករណីនេះ​បានកើត​ឡើង​កាលពី​វេលា​ម៉ោង​៧​យប់ ថ្ងៃទី​៣០ ខែសីហា ឆ្នាំ​២០១៥ នៅ​ចំណុច​កន្លែងផ្ញើម៉ូតូ រថយន្ត សួន​កុមារ​វត្ត​បទុម​វ​តី សង្កាត់​ចតុមុខ ខណ្ឌដូនពេញ​។​

 

​តាម​ប្រភពព័ត៌មាន​បាន​ឲ្យ​ដឹងថា នៅ​មុនពេល​កើតហេតុ គឺ​ជនរងគ្រោះ (​សុំ​មិន​បញ្ចេញ​ឈ្មោះ​) បាន​នាំ​កូន​ទៅលេង សួន​កុមារ​ខាងលើនេះ ដោយ​យក​ម៉ូតូ​ទៅ​ផ្ញើ និង​បាន​ទុក​កាបូប​លុយ និង​ទូរស័ព្ទ ដាក់​នៅក្នុង​កែបម៉ូតូ​ហើយក៏​នាំ​កូន​ទៅលេង​ក្នុង​សួន​។ លុះ​ចេញមក​ក៏បាន​បើក​កែបម៉ូតូ​របស់ខ្លួន ស្រាប់តែ​បាត់​កាបូប​ក្នុង (​មាន​លុយ និង​ទូរស័ព្ទ​) ដែល​ដាក់​នៅក្នុង​កែបម៉ូតូ រួច​ក៏​សាកសួរ​ម្ចាស់​ផ្ញើ​ម៉ូតូ បែរជា​ម្ចាស់​ផ្ញើ​ម៉ូតូ​បដិសេធថា ខ្លួន​មិនបាន​លួច​នោះទេ បង្ក​ឲ្យ​ភ្ញាក់ផ្អើល​តែម្តង​។​

 

​ក្នុង​ហេតុការណ៍​នោះដែរ ដោយ​ជនរងគ្រោះ​ដែលជា​ម្ចាស់​ម៉ូតូ មានការ​សង្ស័យថា បុគ្គលិក​នៅ​កន្លែងផ្ញើម៉ូតូ​ជា​អ្នកយក​ក៏​នាំគ្នា​ឆែកឆេរ ស្រាប់តែ​ឃើញ​កាបូប​លុយ​របស់ខ្លួន​នៅក្នុង​កេស​ដាក់​លុយ​អ្នក​ផ្ញើ​ម៉ូតូ​លួច យក​កាបូប​កប់​នៅក្រោម​លុយ​។ បន្ទាប់ពី​រកឃើញ​កាបូប​លុយ និង​ទូរស័ព្ទ នៅក្នុង​កេស​លុយ​អ្នក​ផ្ញើ​ម៉ូតូ​ហើយ ប៉ុន្តែ​បុគ្គលិក​ផ្ញើ​ម៉ូតូ​បែរជា​ចោទប្រកាន់​ម្ចាស់​ម៉ូតូ​វិញ​ថា ជា​អ្នក​រំខាន​កន្លែង​រកស៊ី​របស់ខ្លួន​ទៅវិញ​។ ក្រោយ​កើតហេតុ​គេ​ឃើញ​រថយន្ត​មួយគ្រឿង​ពាក់​ស្លាក​លេខ ន​.​ប ២-១២០៣ ដែលជា​ម្ចាស់​កន្លែងផ្ញើម៉ូតូ ចុះ​ពីលើ​រថយន្ត​មិន​និយាយ​អ្វី​ទាំងអស់​មក​យក​កាបូប​ម្ចាស់​ម៉ូតូ​ដាក់​ក្នុង​រថយន្ត​។ បន្ទាប់មក​គេ​ឃើញ​នគរបាល​ប៉ុស្តិ៍​ចតុមុខ​បាន​ចុះ​មកដល់​កន្លែងកើតហេតុ ដោយ​សម្របសម្រួល​គ្នា​បញ្ចប់រឿង​ទៅវិញ ដោយ​មិន​រកមុខ​ចោរ​ដែល​លួច​កាបូប​នោះទេ​។​

 

​ដោយសារតែ​ម្ចាស់​កន្លែងផ្ញើម៉ូតូ​គឺមាន​មន្ត្រីនគរបាល​ម្នាក់ ដែល​ជិះ​រថយន្ត​សេរី​ទំនើប ពាក់​ស្លាក​លេខ ន​.​ប ២-១២០៣​ចេញមុខ​មក​កាង ដោយ​អាង​អំណាច​របស់ខ្លួន ធ្វើ​ឲ្យ​លោកនាយ​ប៉ុស្តិ៍នគរបាល​ចតុមុខ ដែល​ទើប​ឡើងកាន់តំណែង​ថ្មីៗ​នេះ មិន​ចាត់ការ​តាមច្បាប់​ដោយ​ឲ្យ​បុគ្គលិក​អ្នក​ផ្ញើ​ម៉ូតូ​ដែលជា ចោរលួច​កាបូប​នោះ​រត់គេចខ្លួន​បាត់ទៅ​វិញ​។​

 

​ចំពោះ​ករណី​លោក ប៉ា សុជាតិ​វង្ស អភិបាល​រាជធានី​ភ្នំពេញ និង​លោក គួច ចំរើន អភិបាលខណ្ឌ​ដូនពេញ គួរតែ​ពិនិត្យមើល​ករ​ណី​នេះ ដើម្បី​ស្តារ​កិ​តិ្ត​យស​ឲ្យ​ស្ថាប័ន​មាន​សមត្ថកិច្ច​៕

 31-8-2015 (1) 31-8-2015 (2) 31-8-2015 (3) 31-8-2015 (4) 31-8-2015 (5) 31-8-2015 (6) 31-8-2015 (7) 31-8-2015 (8) 31-8-2015 (9) 31-8-2015 (10) 31-8-2015 (11) 31-8-2015 (12)

រូបថត សហការី

 

Leave a Reply

(*) Required, Your email will not be published