ប្រអប់មាត់​ល្អ ចៀស​ឆ្ងាយ​ពី​ជំងឺ​

, , Leave a comment

14-8-2015

​ការរក្សា​ធ្មេញ​ឲ្យ​ស​ស្អាត មិន​ត្រឹមតែ​ធ្វើ​ឲ្យ​ញញឹម​ស្អាត​ប៉ុណ្ណោះ​ទេ វា​ថែមទាំង​ជួយ​ការពារ​សុខភាព​របស់​អ្នក​មិន​ឲ្យ​កើត​ជំងឺ​ផ្សេងៗ​ផងដែរ​…​។​

 

-​បន្ថយ​ការ​ប្រឈម​នឹង​ជំងឺមហារីក ៖ ការស្រាវជ្រាវ​បាន​រកឃើញថា អ្នក​ដែល​ធ្លាប់​កើត​ជំងឺ​រលាក​អញ្ចាញ​ធ្ងន់ធ្ងរ មាន​ទំនោរ​ទៅរក​ជំងឺមហារីក​សួត ប្លោកនោម និង​លំពែង កើនឡើង​១៤​ភាគរយ​។​

 

​អ្នកស្រាវជ្រាវ​បាន​សន្និដ្ឋានថា ប្រតិកម្ម​តបត​នៃ​ប្រព័ន្ធ​ការពារ មានការ​ឆ្លង​រោគ​នៅ​អញ្ចាញ អាចមាន​ការទាក់ទង​ដល់​ការកើត​មហារីក​។ ដូច្នេះ​អ្នក​គួរ​ទៅ​ជួប​ជាមួយ​ទន្តពេទ្យ យ៉ាងហោច​២​ដង ក្នុង​១​ឆ្នាំ ព្រោះ​រោគ​អញ្ចាញ​មិន​សម្តែង​ឲ្យ​ឃើញ ពី​អាការ​ចុកចាប់ និង​មិន​ងាយ​សង្កេត​ដឹង​ឡើយ​។

 

-​ប្រឆាំង​ជំងឺ​ទឹកនោមផ្អែម ៖ ប្រសិនបើ​អ្នក មាន​រោគ​អញ្ចាញធ្មេញ នឹងមាន​ឱកាស​កើតការ ប្រឆាំង​អ៊ី​ន​ស៊ូ​លីន (​ប្រភព​នាំ​ឲ្យ​កើត​ជំងឺ​ទឹកនោមផ្អែម​) កើតឡើង​ទ្វេដង​។​

 

-​ការពារ​ជំងឺ​បេះដូង ធ្មេញ​ពុក និង​រលាក​អញ្ចាញ ៖ ជា​មូល​ហេតុដែល​បង្កើន​ចំនួន​បាក់តេរី ក្នុង​ប្រអប់មាត់ ដែល​អាច​ឆ្លង​ចូលដល់​ចរន្តឈាម ធ្វើ​ឲ្យ​មានឱកាស​កើត​ជំងឺ​រលាក​ភ្នាស​បេះដូង ដែល បង្កើន​ការ​ប្រឈម​នឹង​ការកើត​សរសៃឈាម​ខួរក្បាល​ត្បៀត​ស្ទះ​៕

14-8-2015 (1)

 

Leave a Reply

(*) Required, Your email will not be published