អ្វីដែល​មនុស្ស​សប្បាយចិត្ត​មិនដែល​យក​ភ្នែក​មើល

, , Leave a comment

​សុភមង្គល គឺជា​អ្វី​ម្យ៉ាង​ដែល​លោកអ្នក​អាច​ស្វែង​រកបាន​គ្រប់ពេល​ជួនកាល​វា​មក​ដោយ​ឯកឯង ហើយ​ជួនកាល​ត្រូវ​ស្វែងរក​វា​។ មាន​មនុស្ស​ខ្លះ​មាន​ក្ដី​សុខ​ហើយ​តែ​មិនដឹងថា​ខ្លួន​កំពុង​តែមាន​ក្ដី​សុខ​ទេ គឺ​ចូលចិត្ត​យក​ទុក្ខ​ដាក់ខ្លួន​ជានិច្ច​។ ដើម្បី​ឲ្យ​ខ្លួន​ក្លាយជា​មនុស្ស​មាន​ក្ដី​សុខ និង​សប្បាយចិត្ត​ពេញទំហឹង​តើ​អ្នក​គួរ​ធ្វើ​អ្វីខ្លះ​?

 

១-​មិនដែល​គេចចេញ​ពី​បញ្ហា ៖ ការ​គេច​ចេញពី​បញ្ហា​មិនអាច​ដោះស្រាយ​អ្វី​បានឡើយ គឺ​វា​មានតែ​ធ្វើ​ឲ្យ​អ្នក​តែងតែ​គិតថា​នៅតែមាន​បញ្ហា​ជានិច្ច​ហើយ​ខំ​គេច​ពី​វា នេះហើយ​ទើប​គ្មាន​ក្ដី​សុខ​។​

 

២-​មិនដែល​ខ្វល់​រឿង​អ្នកដទៃ ៖ នៅពេលដែល​អ្នកធ្វើ​អ្វីដែល​ខ្លួន​ពេញចិត្ត ដោយ​មិនបាច់​ត្រូវ​គិតពី​អ្នកដទៃ​និយាយដើម ឬ​មើលចុះ​មើល​ឡើង នោះ​អ្នក​នឹងមាន​អារម្មណ៍​ធូរស្រាល និង​សប្បាយចិត្ត​។ ប៉ុន្តែ​គួរ​ព្យាយាម​ថ្លឹងថ្លែង​ពី​អំពើ​ល្អ និង​អំពើអាក្រក់ ហើយ​ចេះដឹង​តែ​រឿង​ផ្ទាល់ខ្លួន​។​

 

៣-​មិនត្រូវ​អនុញ្ញាត​ឲ្យ​អ្នកណាម្នាក់​ស្ថិតក្នុង​ចន្លោះ​នៃ​សុភមង្គល​ឡើយ ៖ តើ​លោក​អ្នកមាន​ដែល​គិត​ដែរ​ទេ​ថា​មាន​មនុស្ស​ណា​ម្នាក់​ស្ថិតក្នុង សេចក្ដីសុខ​សុភមង្គល​របស់ខ្លួន​? តើ​មាន​ដែល​គិត​ដែរ​ទេ​ថា​បើសិនជា​មនុស្ស​ម្នាក់​នោះ​ចាក​ចេញទៅ តើ​សុភមង្គល និង​ក្ដី​សុខ របស់លោក​អ្នក​នៅមាន​ដែរឬទេ​? បើសិនជា​គិតថា​មិនអាច ដូច្នេះ​មិនត្រូវ​អនុញ្ញាត​អ្នកនោះ​ស្ថិតក្នុង​ក្ដី​សុខ​របស់​អ្នក​ឡើយ​។​

 

៤-​មិនត្រូវ​នៅ​ជាមួយ​មនុស្ស​ដែល​តែងតែមាន​គំនិតអាក្រក់ ឬ​ទុទិដ្ឋិនិយម​ឡើយ ៖ រស់នៅ​ក្បែរ​មនុស្ស​ទាំង​នេះ នាំ​តែ​គំនិតអាក្រក់ និង​ឧ​ប​មង្គល​ដល់​លោកអ្នក​ប៉ុណ្ណោះ​។​

 

៥-​លើកលែងទោស និង​បំភ្លេច ៖ អ្វីដែល​អ្នកដទៃ​បាន​ប្រព្រឹត្ត​មិន​គប្បី​លើ​អ្នក បើសិនជា​អាច គឺ​លើកលែងទោស​ឲ្យ​គេ​ចុះ ហើយ​បំភ្លេចចោល​ទោសកំហុស​របស់គេ​។ អ្នក​ដែល​ធ្វើ​ខុស គឺជា​អ្នក​ដែលមាន​អារម្មណ៍​មិន​ស្រួល​ក្នុង​ខ្លួន ដូច្នេះ មិនបាច់​ចំណាយ​អារម្មណ៍ល្អ​របស់​យើង​ទៅ​យកចិត្តទុកដាក់​លើ​គេ​ឡើយ​។ បើសិនជា​កំហុស​នោះ​វា​ធ្ងន់​ណាស់ សូម​រក​វិធី​ដោះស្រាយ​។​

 

៦-​មិនដែល​យក​រឿង​ដាក់ខ្លួន ៖ ទោះបី​ស្ថិតក្នុង​ពាក្យ​និន្ទា បន្តុះបង្អាប់ ឬ​សរសើរ​យ៉ាងណាក្ដី គឺ​មិនត្រូវ​យកចិត្តទុកដាក់​ឡើយ អ្នកខ្លះ​បង្អាប់​យើង ដើម្បី​ឲ្យ​យើង​មិន​សប្បាយចិត្ត អ្នកខ្លះ​សរសើរ​យើង​ដើម្បី​ឲ្យ​យើង​រីកថ្លើម រីក​ប្រមាត់ តែ​ធាតុពិត​ចង់បាន​អ្វីមួយ​ពី​យើង​។ វិធី​ល្អ​បំផុត ត្រូវ​ពិចារណា​ថា​ពាក្យ​ដែល​គេ​និយាយ​មក​យើង​ពិត​ដែរឬទេ​។​

 

៧-​មិនត្រូវ​សងសឹក​ ៖ ទោះបី​អ្នកណា​ធ្វើ​អ្វី​ក៏ដោយ យើង​មិនត្រូវ​សងសឹក​ឡើយ​។ អំពើ​បាប​របស់គេ​នឹង​ធ្លាក់​ទៅលើ​គេ​វិញ​ជា​មិនខានឡើយ​។ ទោះ​ចង់​សងសឹក ក៏​គ្មាន​បាន​អ្វី​មកវិញ​ដែរ​។ ពៀរ​រំងាប់​ដោយ​ការមិន​ចងពៀរ​៕

sweet-family-web

 

Leave a Reply

(*) Required, Your email will not be published