មូលហេតុ ៩​យ៉ាង​ធ្វើ​ឲ្យ​ស្ត្រី ចូលចិត្ត​ពាក់​ស្បែកជើងកែងចោត​

, , Leave a comment

12-8-2015

​ហេតុអ្វី​បានជា​ស្ត្រី​ចូលចិត្ត​ពាក់​ស្បែកជើងកែងចោត​? តើ​វា​អាចជួយ​ឲ្យ​ពួកនាង​មើលទៅ​ខ្ពស់ស្រឡះ និង​ស្រស់ស្អាត​បាន​មែនដែរ​ឬទេ​? ឬក៏​វា​អាច​មើលទៅ​កាន់​តែមាន​ភាពទាន់សម័យ និង​ពេញនិយម ? មូលហេតុ​នោះ​គឺថា វា​អាចមាន​ច្រើន​ដោយសារតែ​វា​ផ្អែកទៅលើ​អត្តចរិត​ផ្ទាល់ខ្លួន​របស់​សុភាពនារី​ម្នាក់ៗ ។ ដូច្នេះ​សូម​បន្ត​អាន​នូវ​មូលហេតុ​ជាទូទៅ​ដែល​ធ្វើ​ឲ្យ​ស្ត្រី​ចូលចិត្ត​ពាក់​ស្បែកជើងកែងចោត ពេលចេញ​ខាងក្រៅ​ផ្ទះ​ម្តងៗ ៖

 

១-​ដើម្បី​ធ្វើ​ឲ្យ​ជើង​របស់​នាង​មើលទៅ​ឃើញ​វែង​ស្រ​ឡូ​ន និង​សិច​ស៊ី​
​ស្ត្រី​ជាច្រើន​ចូលចិត្ត​ពាក់​ស្បែកជើងកែងចោត គឺ​ដោយសារតែ​មូលហេតុ​មួយ​នេះ​។ ស្បែកជើង​ដែលមាន​កែង​ចោត គឺអាច​ធ្វើ​ឲ្យ​ជើង​របស់​នាង​មើលទៅ​ឃើញ​វែង​ស្រ​ឡូ​ន​ល្អ និង​សិច​ស៊ី ជាពិសេស​ជាមួយនឹង​ឈុត​សម្លៀកបំពាក់​រ៉ូ​ប ឬ​សំពត់​ខ្លី​។ ចំពោះ​ស្ត្រី​ដែលមាន​កម្ពស់​មិនសូវ​ខ្ពស់ គឺ​ពួកគេ​ធ្វើការ​ជ្រើសរើស​ស្បែកជើង​ប្រភេទ​នេះ​ដោយសារតែ​ពួកគេ​ចង់​ធ្វើ​ឲ្យ​ជើង​របស់ខ្លួន​មាន​ភាព​ស្រ​ឡូ​ន​ល្អ និង​ឆាប់​ទទួលបាន​នូវ​ចំណាប់អារម្មណ៍​ពី​មនុស្ស​នៅ​ជុំវិញខ្លួន​។​

 

២-​ជំរុញ​នូវ​ភាព​មាន​ទំនុកចិត្ត​លើ​ខ្លួនឯង​
​មាន​ស្ត្រី​ជាច្រើន​ជឿថា ការពាក់​ស្បែកជើង​កែង​ខ្ពស់ គឺ​នឹង​អាចជួយ​ជំរុញ​នូវ​កម្រិត​នៃ​ទំនុកចិត្ត​លើ​ខ្លួនឯង​ចំពោះ​ពួកគេ​បាន​។​តែ​គំនិត​មួយ​នេះ គឺ​អាស្រ័យ​ទៅតាម​ការយល់ឃើញ​រប​ស់​បុគ្គល​ម្នាក់ៗ​។ យោងតាម​មតិយោបល់​របស់​ស្ត្រី​មួយចំនួន​បាន​ឲ្យ​ដឹងថា ការពាក់​ស្បែកជើងកែងចោត គឺ​នឹង​អាចធ្វើ​ឲ្យ​ពួកនាង​មាន​អារម្មណ៍ល្អ កត្តា​នេះហើយ​ដែល​ធ្វើ​ឲ្យ​ពួកនាង​ចូលចិត្ត​ពាក់​វា​។​

 

៣-​ដើម្បី​ឆាប់​ទទួលបាន​នូវ​ចំណាប់អារម្មណ៍​ពី​មនុស្ស​ប្រុស​
​នេះ​គឺជា​ការពិត​មួយ​ដែល​បុរស​ភាគច្រើន ចូលចិត្ត​ស្ត្រី​ដែលមាន​រាង​ខ្ពស់​។ ដូចនេះ​ដើម្បី​អាច​ទាក់ទាញ​មនុស្ស​ប្រុស​បាន គឺ​ស្ត្រី​តែងតែ​ពាក់​ស្បែកជើងកែងចោត នៅពេលដែល​នាង​ត្រូវ​ទៅ​ចូលរួម​ក្នុង​កម្មវិធី​អ្វីមួយ​។

 

៤-​ដើម្បី​ធ្វើ​ឲ្យ​ពួកគេ មើលទៅ​ឃើញ​ខុសប្លែក​ពីមុន​
​ស្ត្រី​ដែល​បាន​ពាក់​ស្បែកជើង​កែង គឺ​នឹង​មើលទៅ​ឃើញ​ខុសពី​ពេល​ធម្មតា​ដែល​នាង​មិនបាន​ពាក់​វា​។ បើទោះជា​ពេលដែល​នាង​ត្រូវ​ខោ​ខូវប៊យ និង​អាវយឺត​ដ៏​សាមញ្ញ​មួយ ជាមួយនឹង​ការពាក់​ស្បែកជើងកែងចោត​នោះ​វា​ក៏​នឹង​អាចធ្វើ​ឲ្យ​រូបរាង​របស់​នាង​មានការ​ផ្លាស់ប្តូរ​បានដែ​រ​។ ដូច្នេះ​គឺ​ស្ត្រី​ចូលចិត្ត​ធ្វើការ​ពាក់​ស្បែកជើងកែងចោត​មិន​ថា ក្នុងឱកាស​ធម្មតា ឬ​ពិសេស​ណាមួយ​នោះទេ តាម​ដែល​វា​នឹងធ្វើ​ឲ្យ​ពួកនាង​មាន​លក្ខណៈ​ខុសប្លែក​បន្តិច​បន្តួច​បាន​ពីស​ភាព​រូបរាង​ធម្មតា​របស់​នាង​។​

 

៥-​ដើម្បី​មើលទៅ​ឲ្យ​មាន​ស្ទីល​ទាក់ទាញ​
​មាន​ស្ត្រី​ជាច្រើន​បាន​ជឿថា ការពាក់​ស្បែកជើងសង្រែក កែង​ខ្ពស់​ក៏​នឹងធ្វើ​ឲ្យ​ពួកគេ​មើលទៅ​មាន​ស្ទីល​ទាក់ទាញ​ប្លែក​ភ្នែក​បានដែរ​។ តែ​គឺថា ការយល់ឃើញ​នេះ​អាស្រ័យ​ទៅតាម​គំនិត​របស់​ស្ត្រី​ម្នាក់ៗ​ប៉ុណ្ណោះ​។​

 

៦-​ដើម្បី​តម្រូវការ​ខាង​ផ្នែក​អាជីព​ការងារ​
​មាន​ស្ត្រី​ជាច្រើន​ចូលចិត្ត​ពាក់​ស្បែកជើងកែងចោត នៅពេលដែល​ពួកនាង​ត្រូវ​ទៅធ្វើ​ការ​ខាង​ផ្នែក​ជំនាញ អាជីព​របស់​នាង នៅ​ខាងក្រៅ​ផ្ទះ​។ សម្រាប់​ព្រឹត្តិការណ៍​មួយចំនួន​ដូចជា ការធ្វើ​បទ​បង្ហាញ និង​ព្រឹត្តិ​កាណ៍​សំខាន់ៗ​មួយចំនួន​នោះ គឺថា ការពាក់​ស្បែកជើង​កែង​នឹងធ្វើ​ឲ្យ​ពួកនាង មើលទៅ​ហាក់ដូចជា មាន​ទំនុកចិត្ត​លើ​ខ្លួនឯង និង​ទទួលបាន​ផងដែរ​នូវ​ការ​មើលទៅ​ឃើញ​ទាន់សម័យ​ក្នុងពេល​តំណាលគ្នា​នេះ​បាន​ផងដែរ​។​

 

៧-​ដើម្បី​ទទួលបាន​នូវ​ស្ថានភាព​រាងកាយ​ត្រឹមត្រូវ​
​មាន​ស្ត្រី​ជាច្រើន​ចូលចិត្ត​ពាក់​ស្បែកជើងកែងចោត ដើម្បី​ធ្វើ​ឲ្យ​ស្ថានភាព​រាងកាយ​របស់​ពួកគេ​មើលទៅ​ឃើញ​សមសួន​ជាង​មុន​។ ពួកគេ​ជឿថា ការពាក់​ស្បែកជើងកែងចោត​នឹងធ្វើ​ឲ្យ​ដើមទ្រូង​របស់​ពួកគេ​មើលទៅ​ឃើញ​ល្អឥតខ្ចោះ​បាន​។​

 

៨-​ដើម្បី​ធ្វើ​ឲ្យ​ភ្លៅ និង​ត្រគាក​ពើង​បានល្អ​
​តើ​អ្នកមាន​ដឹង​ទេ​ថា ការពាក់​ស្បែកជើងកែងចោត​នឹង​អាចធ្វើ​ឲ្យ​ភ្លៅ​របស់​អ្នក​មើលទៅ​ស្រ​ឡូ​ន​ជាង​មុន​បាន​? មាន​ស្ត្រី​ជាច្រើន​យល់ស្រប​តាម​គំនិត​នេះ​ដូច្នេះ​ពួកគេ​ក៏បាន​ជ្រើសរើស នូវ​ការប្រើ​ស្បែកជើងកែងចោត​។​

 

៩-​ដើម្បី​ធ្វើ​ឲ្យ​សម្រស់​នាង កាន់តែ​មាន​ភាព​ទាក់ទាញ​
​មូលហេតុ​ដ៏​ច្បាស់លាស់​មួយ​នោះ​គឺ ដើម្បី​ធ្វើ​ឲ្យ​នាង​មើលទៅ​ស្រស់ស្អាត និង​មាន​ភាព​ទាក់ទាញ​បាន​ជាង​មុន​។ ស្ត្រី​បាន​ជឿថា ការពាក់​ស្បែកជើងកែងចោត​នឹង​ជួយ​ធ្វើ​ឲ្យ​រូបរាង​របស់​ពួកគេ​បាន​ប្រសើរ និង​ឆាប់​ទទួលបាន​នូវ​ចំណាប់អារម្មណ៍​ពី​អ្នកដទៃ​។​

 

​ខាងលើនេះ គឺជា​ហេតុផល​ជាទូទៅ​ដែល​ធ្វើ​ឲ្យ​ស្ត្រី ជ្រើស​រើសយក​ស្បែកជើងកែងចោត​យកមក​ពាក់​នឹង​ជើង​របស់​ពួកនាង​។​ស្ត្រី​មួយចំនួន​ចូលចិត្ត​យ​កវាម​កពាក់​ស្ទើរតែ​រាល់​ក្នុង​កម្មវិធី​ទាំងអស់ ហើយ​វា​ក៏មាន​ជាច្រើន​ប្រភេទ និង​ផ្តល់នូវ​ផាសុខភាព​ខុសៗ​គ្នា​ចំពោះ​ស្ត្រី​បាន​ផងដែរ​៕

 12-8-2015 (1)

 

Leave a Reply

(*) Required, Your email will not be published