ភាព​ជ្រួលជ្រើម​របស់​យុវវ័យ​មួយចំនួន​នៅក្នុង​ក្លឹប​កម្សាន្ត​

, , Leave a comment

​រាជធានី​ភ្នំពេញ : បច្ចុប្បន្ននេះ​គេ​សង្កេតឃើញថា ប្រទេស​កម្ពុជា​មានការ​អភិវឌ្ឍន៍​ស្ទើរ​គ្រប់​វិស័យ ដោយ​ទន្ទឹមនឹងនោះ​វប្បធម៌​បរទេស​ក៏បាន​ជ្រៀត​ចូលក្នុង​ផ្នត់គំនិត​ប្រជាពលរដ្ឋ​ខ្មែរ​ផងដែរ ជាពិសេស​គឺ​យុវវ័យ​តែម្ដង ដែល​យុវវ័យ​សម័យនេះ​ហាក់ដូច​ជាមាន​ភាព​ជ្រួលជ្រើម​ជាង​យុវវ័យ​សម័យមុន​។​

 

​ភាព​ជ្រួលជ្រើម​បានធ្វើ​ឲ្យ​យុវវ័យ​មួយចំនួន​យក​ពេល​សិក្សា​រៀនសូត្រ ទៅ​រាំលេង​កម្សាន្ដ​សប្បាយ នៅក្នុង​ក្លឹប​កម្សាន្ត ដោយ​ពួកគេ​ស្លៀកពាក់​បែប​ឡូយឆាយ ជាពិសេស​ក្មេងស្រីៗ ហ៊ាន​ស្លៀកពាក់​លេច​លើ​លេច​ក្រោម រាំ​ក្រលែង ចង្កេះ​យ៉ាង​ទំនង​។ ជាមួយគ្នា​នោះ តាម​ការសង្កេត​ចំនួន​ក្លឹប​កម្សាន្ដ ក៍មាន​ការកើនឡើង​គួរ​ឲ្យ​កត់សម្គាល់ ដោយ​ក្លឹប​កម្សាន្ដ​នីមួយៗ​ប្រឹងប្រែង​បង្កើន​នូវ​ភាព​ទាក់ទាញ​របស់ខ្លួន​តាម​រយៈ​ការដាក់​ភ្លើងពណ៌​ឆ្វេ​ច​ឆ្វាច និង​ដាក់​សម្លេង​បាស​ឲ្យ​កាន់តែ​ញ័រញាក់​ដល់​បេះដូង​យុវវ័យ​ភ្លើតភ្លើន​ទាំងនោះ​ថែម​ទៀតផង​។​

 

​ដើម្បី​មាន​ភាព​ទាក់ទាញ​ដល់​បណ្ដា​យុវវ័យ​ដ៏ទៃទៀត យុវវ័យ​ថ្មី​ចំនួន​បាន​ស្លៀកពាក់​បែប​ឡូយឆាយ ជាពិសេស​ក្មេងស្រីៗ​ដល់​ថ្នាក់​ស្លៀក​សម្លៀកបំពាក់​ដែល​មិន​សមរម្យ​លេច​លើ​លេច​ក្រោម មាន​អ្នកខ្លះ​ហ៊ាន​ដល់​បញ្ចេញ​គល់​សុដន់​ទាំង​ដុល​ដោយ​មិនមាន​ភាព​ខ្មាសអៀន​ទាល់តែសោះ​។​

 

​ទង្វើ​ទាំងនេះ​សង្គម​ហាក់ដូចជា​មិនទាន់​អាច​ទទួលយកបាន​នូវឡើយ​ទេ ដោយសារតែ​ប្រជាពលរដ្ឋ​ខ្មែរ​ភាគច្រើន​នៅ​ប្រកាន់យក​ប្រពៃណី​ដ៏​ល្អ​ផូរផង់​ពី​ដូនតា ហើយ​ទង្វើ​ទាំងអស់នេះ បានធ្វើ​ឲ្យ​ខូចខាត​ដល់​កិត្តិយស​ក្រុមគ្រួសារ នឹងមាន​ចាស់ៗ​មិនតិច​ទេ​ដែល​រិះគន់​ដល់​សកម្មភាព​ដ៏​គឃ្លើន​របស់​យុវវ័យ​ទាំងនោះ ជាពិសេស​គឺ​ក្មេងស្រីៗ​តែម្ដង​៕

11-8-2015

 

Leave a Reply

(*) Required, Your email will not be published