កូន​ក​ម្លោះ​ចុះចោល​ពេល​រៀបការ អនិច្ចា​ចិត្ត​កូនក្រមុំ​

, , Leave a comment

04-8-2015 (1)

​រាជធានី​ភ្នំពេញ : មានរឿង​រ៉ាវ​កូន​ក​ម្លោះ​រៀបការ​ហើយ រត់ចោល​កូនក្រមុំ ក៏​ព្រោះតែ​គេ​មិន​ស្រឡាញ់​នាង​ដែលជា​ប្រពន្ធ​ឡើយ​។ មិន​ស្រឡាញ់ ហើយ​ត្រូវ​ឪពុកម្តាយ​បង្ខំ​ក៏​ទ្រាំ​រៀបការ​បំពេញមុខ​ឪពុកម្តាយ​ទៅ ដូច​ពាក្យ​ថា “​ធ្វើ​ផ្ទះ​តម្រូវ​ចិត្ត​អ្នក​នៅ ទុកដាក់​កូនចៅ​លុះត្រា​ណា​វា​ត្រូវរ៉ូវ​គ្នា​សិន​” មិនមែន​សម័យ​នំ​មិនធំ​ជាង​នាឡិ​នៅ​សម័យ​ទុំ​ទាវ​ឡើយ ពុំ​ដូច្នោះ​ទេ ឪពុកម្តាយ​ត្រូវ​បាត់បង់​កិត្តិយស​មុខមាត់​ដោយសារ​កូន​មិន​ខាន​។​

 

​រឿងហេតុ​នេះ តែងតែ​កើតមាន​ជារឿយៗ នា​សម័យ​អតីតកាល ដូចជា​សម័យ​បច្ចុប្បន្ន​។ ខាងក្រោម​នេះ​គឺជា​រឿង​ស្នេហ៍​របស់ មុយ គុំ​។​

 

​យុវជន​ម្នាក់​ឈ្មោះ ប្រុ​ញ អាយុ​ម្ភៃ​ប្រាំ​ឆ្នាំ មាន​ស្រុកកំណើត​នៅ​ខេត្តព្រៃវែង ត្រូវ​ឪពុកម្តាយ​បង្ខំ​ឲ្យ​រៀបការ​ជាមួយ​ប្អូនជីដូនមួយ​ដែល​ខ្លួន​មិន​ស្រឡាញ់ ពេល​រៀបការ​ហើយក៏​រត់ចោល​នាង ផាន់​ណា ជា​ប្រពន្ធ​មក​ផ្សំ​ដំណេក​ជាមួយ​នាង មុយ គុំ នៅ​ខេត្តកំពង់ស្ពឺ​ទៅវិញ​ដែល​ធ្វើ​ឲ្យ​នាង ផាន់​ណា រង​ការ​អាម៉ាស់​យ៉ាងខ្លាំង​។​

 

​នាង មុយ គុំ ដែល​ត្រូវ​គូ​ដណ្តឹង​រត់ចោល​មិន​ផ្សំ​ដំណេក អាយុ​សាមសិប​ពីរ​ឆ្នាំ រស់នៅ ខេត្តកំពង់ស្ពឺ បាន​រៀបរាប់​ពី​ប្រវត្តិ​ស្នេហ៍​ដ៏​ជូរចត់​ថា  “​រយៈពេល​ជាង​មួយឆ្នាំ​មុននេះ​គ្រួសារ​ក្រ​លំ​ណាស់ ខ្ញុំ​ក៏​ធ្វើ​ចំណាកស្រុក​ទៅធ្វើជា​កម្មការិនី​សំណង់​នៅឯ​ប្រទេស​ថៃ ដើម្បី​យកប្រាក់​មកជួយ​ឪពុក​ចាស់ជរា​នៅចាំ​ផ្ទះ​។ មាន​ថ្ងៃមួយ​នោះ​មាន​អ្នកធ្វើការ​ជាមួយ​ខ្ចី ទូរស័ព្ទ​ខ្ញុំ ទូរស័ព្ទ​ទៅ​ស្រុក​សួរសុខទុក្ខ​បងប្អូន​។ តាំងពី​ពេលនោះ​មក ស្រាប់​តែមាន​បុរស​ម្នាក់​ឈ្មោះ ប្រុ​ញ ស្គាល់​លេខ​ទូរស័ព្ទ​ខ្ញុំ ក៏​ទូរស័ព្ទ​មក​និយាយ​លេង​រាល់ថ្ងៃ ហើយ​សារភាព​តាម​ទូរស័ព្ទ​ថា ស្រឡាញ់​ខ្ញុំ​។ បាន​មួយ​សប្តាហ៍​ក៏​ឃើញ​គេ​មកលេង​ខ្ញុំ​មែន​ពេលដែល​បាន​ជួបគ្នា​ដំបូង ហេតុតែ​និស្ស័យ​ពួកយើង​ទាំងពីរ​ក៏​ស្រឡាញ់គ្នា​ទៅ​តែ​ពួក​ខ្ញុំ​នៅ​រក្សា​ប្រពៃណី​ខ្មែរ​បានល្អ​ណាស់​។​

 

​មួយខែ​ក្រោយមក​គាត់​ក៏​ឲ្យ​នាង​ខ្ញុំ​មក ផ្ទះ​មុន​សិន កន្លះ​ខែក្រោយ​មក​គាត់​មករក​ខ្ញុំ តាម​សន្យា​មែន ហើយ​រៀប​ចំការ​មួយ​ព្រឹក​ទៅ​។ ពេល រៀបចំ​រួច​គាត់​ក៏​និយាយ​រឿង​របស់គាត់​ប្រាប់​ខ្ញុំ​ថា គាត់​ត្រូវ​ឪពុកម្តាយ​បង្ខំ​ឲ្យ​រៀបការ ពេល​ការ​ហើយ​ភ្លាម អត់​បាន​ផ្សំ​ដំណេក​ទេ​ក៏​រត់​មក​រៀបការ​ជាមួយ​ខ្ញុំ​តែម្តង​។ ពួកយើង​ទាំងពីរ​រស់នៅ​ជាមួយគ្នា​មួយខែ ពោរពេញ​ទៅដោយ​សេចក្តីសុខ និង​សុភមង្គល​ល្អ​ណាស់​។​

 

​ក្រោយមក​គាត់​សុំ​លា​ខ្ញុំ​ទៅធ្វើ​ការ​នៅ​ប្រទេស​ថៃ​វិញ ហើយ​ប្រាប់ថា អត់​បាន​ផ្ញើ​ប្រាក់​ឲ្យ​ទេ ព្រោះ​ផ្សំ​ប្រាក់​ឲ្យ​ម៉ែ​សង​ថ្លៃ​បណ្ណាការ​គេ​សិន ព្រោះ​គេ​ប្តឹង​ទារ​សងជំងឺចិត្ត​ចំនួន​ប្រាំ​លាន​រៀល អូន​ទ្រាំ​រស់នៅ​ជាមួយ​ឪពុក​សិន​ទៅ ក្រោយពេល​សង​គេ​រួច​បង​នឹង​ផ្ញើ​ប្រាក់​ឲ្យ​ចាយ​ហើយ ដូច្នេះហើយ ទើប​ខ្ញុំ​ស៊ូទ្រាំ​លំបាក​វេទនា​សិន​ចុះ ចាំ​ថ្ងៃក្រោយ​ពួក​ខ្ញុំ​នឹងមាន​សុភមង្គល​ល្អ​មិនខានឡើយ នេះ​ជា​ជីវិត​ពិត​ដ៏​កម្សត់​របស់ខ្ញុំ​ដែលជា​កម្មករសំណង់​ឆ្លង​ប្រទេស​…​។

 

​នេះ​ពិតជា​រឿង​មួយ​ដ៏​ពិបាក​ណាស់ អ្នកណា​អាចជួយ​នាង​បាន ឬ ក៏​រង់ចាំ​មើល​នាង​ជួប​វាសនា​អាក្រក់ ឬ​ល្អ សម្រេច​ទៅលើ​ព្រហ្ម​លិខិត​កំណត់​។ ដូច​ពាក្យចាស់​លោក​ថា ឃើញ​ភ្លាម​ស្រឡាញ់​ភ្លែត​នេះ ជា​និស្ស័យ​ស្នេហ៍​ដែល​ឥត​ព្រាងទុក​ស្គាល់គ្នា​តែមួយ​សប្តាហ៍​តាមរយៈ​ទូរស័ព្ទ​ក៏​តាម​មក​រៀបចំ​តាម​ប្រពៃណី​ខ្មែរ​ទៅ​។ នាង មុយ គុំ និយាយថា “​សូមកុំ​ចោទ​ខ្ញុំ​ថា​ដណ្តើម​ប្តី​គេ​ឲ្យ​សោះ ព្រោះ​ខ្ញុំ​មិនបាន​ដឹងថា​គេ​រៀបការ​នោះឡើយ​ដល់ពេល​ដឹង​អ្វីៗ វា​ហួសពេល​អស់​ទៅហើយ ដូច្នេះហើយ​ទើប​បណ្តោយ​ឲ្យ​អ្វីៗ​ទៅតាម​ពេលវេលា​ទៅ​ចុះ ព្រោះនេះ​ជា​រឿង​មួយ​ដែល​មិន​នឹក​ដល់ ហើយក៏​គ្មាន​អ្នកណាម្នាក់​ចង់​ជួប​នូវ​រឿងរ៉ាវ​បែបនេះ​ដែរ​”៕

04-8-2015

 

Leave a Reply

(*) Required, Your email will not be published