ព្រោះតែ​បំពេញ​ចំណង់តណ្ហា និង​កាមកិលេស ប្តី​អប្រិយ​ធ្វើ​ទារុណកម្ម ប្រពន្ធ​រំលោភ​ទាំង​កំរោល​

, , Leave a comment

 28-7-2015

​ដើម្បី​បំពេញ​កាមតណ្ហា​របស់ខ្លួន បុរស​ម្នាក់​ដែលមាន​ចិត្តជា​សត្វ​តិ​រិ​ច្ឆា​ន​បាន​ប្រព្រឹត្ត​អំពើ​ដ៏​លាមក​បំផុត​ទៅលើ​ប្រពន្ធ​របស់ខ្លួន ដោយ​ចាប់​ប្រពន្ធ​ចងជើង​រួច​រំលោភ​ទាំង​កំរោល ទោះបីជា​ប្រពន្ធ​របស់ខ្លួន​មាន​ជំងឺ​ប្រចាំកាយ​យ៉ាងណាក្តី ក៏​គេ​មិនមាន​ការអនុគ្រោះ​ឡើយ​។ រឿងហេតុ​នៃ​អំពើហិង្សា​ផ្លូវភេទ​នេះ បាន​កើតឡើង​នៅក្នុង​គ្រួសារ​ដែលមាន​ជីវភាព​ទ័លក្រ​មិនមាន​មុខរបរ ច្បាស់លាស់ ដើរ​ស៊ីឈ្នួល​ធ្វើការ​ឲ្យ​គេ​ដើម្បី​បាន​កម្រៃ​បន្តិចបន្តួច​យកមក​ដោះស្រាយ​ជីវភាព​ប្រចាំថ្ងៃ​។ ថ្ងៃនេះ​សារព័ត៌​មានកំណើត​ថ្មី ចង់បង្ហាញ​ប្រិយមិត្ត​អ្នក​ស្តាប់ អ្នកអាន ស្វែងយល់​ពី​ដំណើររឿង​ដូចខាងក្រោម​។​

 

​ដោយសារ​ចំណងដៃ​នៃ​ជីវិត​អាពាហ៍ពិពាហ៍​អស់​រយៈពេល​ជាង​ម្ភៃ​ឆ្នាំ​មកនេះ ស្រី​នាង​[​ឈ្មោះ​អ្នកនិពន្ធ​ដាក់​ឲ្យ​] និង​ប្តី​កំហូច​របស់គាត់​បា​នប​ង្កើ​ត​កូន​ចំនួន​ប្រាំ​នាក់ (​ស្រី​បួន​នាក់ និង​ប្រុស​ម្នាក់​)​។ នៅក្នុង​ជីវិត​អាពាហ៍ពិពាហ៍​ចុងក្រោយ​របស់ ស្រី​នាង គឺជា​ជីវិត​ដ៏​ឈឺចាប់​បំផុត​ដែល​ត្រូវបាន​ប្តី​ធ្វើបាប​លើ​រាងកាយ និង​ផ្លូវភេទ​គ្រប់បែបយ៉ាង ដើម្បី​បម្រើ​កិលេស​របស់ខ្លួន​។​

 

​នៅក្នុង​ខ្ទម​កម្សត់ ស្រី​នាង បាន​រៀបរាប់ថា ចាប់តាំងពី​បាន​គ្នា​ជា​ប្តី​ប្រពន្ធ​មក ប្តី​របស់​នាង​ខ្ញុំ មិនមាន​ចិត្ត​កាច​សាហាវ​ដូចជា​ពេលនេះ​នោះទេ គាត់​ទើបតែ​មាន​ចរិត​ប្លែក​រយៈពេល​ជាង​មួយ​ឆ្នាំនេះ​ទេ​ដោយ​កន្លងមក​បន្ទាប់ពី​គាត់​មកពី​ផឹកស្រា​វិញ គាត់​តែងតែ​វាយ​ធ្វើបាប​នាង ខ្ញុំ​ពេលខ្លះ​រហូតដល់​នាង​ខ្ញុំ​សន្លប់​ក៏មាន​។ ទង្វើ​បែបនេះ គឺមាន​ជាច្រើនលើក​ច្រើនសា​មកហើយ ប៉ុន្តែ​លើកចុងក្រោយ​នេះ​ជា​ទង្វើ​ដែល​នាង​ខ្ញុំ​អត់ទ្រាំ​មិនបាន​។ នៅ​ល្ងាច​មួយ​បន្ទាប់ពី​នាង​ខ្ញុំ​វិលត្រឡប់​មកពី​ស៊ីឈ្នួល​ធ្វើ​ចម្ការ​ឲ្យ​គេ​វិញ នាង​ខ្ញុំ​បានរៀបចំ​ធ្វើ​ម្ហូបអាហារ​ពេល​ល្ងាច លុះដល់​ពេល​នាង​ខ្ញុំ​ចម្អិន​អាហារ​រួច​អស់ហើយ នាង​ខ្ញុំ​ក៏​ដួស​បាយ និង​សម្ល​ដាក់​ចាន​ឲ្យ​ប្តី​និង​កូនៗ​ហូប​។ ចំណែក​នាង​ខ្ញុំ​ក៏​ទៅ​ដងទឹក​យកមក​ទុក​សម្រាប់​ថ្ងៃស្អែក ប៉ុន្តែ​នៅពេល​ហូបបាយ​រួច ប្តី​របស់​នាង​ខ្ញុំ​បាន​ទៅ​ផឹកស្រា​ជាមួយ​ក្រុមក្មេងស្ទាវ​រហូត​ដល់​ម៉ោង​ប្រាំបួន​យប់ ទើប​ត្រឡប់មកផ្ទះ​វិញ​ទាំង​អាការ​ស្រវឹង​ជោកជាំ​។​

 

​នៅពេល​ប្តី​របស់​នាង​ខ្ញុំ​ត្រឡប់មក​ដល់ផ្ទះ​វិញ គាត់​មិនទាន់​ចូលទៅ​ដេក​នោះទេ ដោយ​គាត់​នៅ​អង្គុយ​មើល​កូន​រៀន​សិន លុះដល់​ម៉ោង​ដប់​យប់ ទើប​គាត់​ចូលទៅ​ដេក​។ នៅពេល​ដេក​បាន​បន្តិច​គាត់​បាន​រួមភេទ​ជាមួយ​នាង​ខ្ញុំ ទោះបីជា​នាង​ខ្ញុំ​មាន​ជំងឺ​ប្រចាំកាយ​ដែល​ត្រូវ​គ្រូពេទ្យ​ហាម​មិន​ឲ្យ​រួមភេទ​ក្នុង​រយៈពេល​បី ឬ​បួន​ខែ ដើម្បី​លេបថ្នាំ ព្យាបាល​សិន ពីព្រោះ​នាង​ខ្ញុំ​មាន​ក្រួស​នៅក្នុង​ស្បូន​។ ក្នុងនាម​ជា​ប្រពន្ធ​របស់គេ​មិនដឹង​ជា​ធ្វើ​យ៉ាងម៉េច បើ​ប្តី​ត្រូវការ​ហើយ​គឺ​ត្រូវតែ​បំពេញ​បំណង​ឲ្យ​ប្តី​ដោយ​មិន​គិតថា​ខ្លួនឯង​មានការ​ឈឺ​ចុកចាប់​យ៉ាងណា​នោះទេ​។ បន្ទាប់ពី​រួមភេទ​បាន​ម្តង​រួចមក មិនយូរប៉ុន្មាន​គាត់​ក៏បាន​បង្ខំ​នាង​ខ្ញុំ​រួមភេទ​ម្តងទៀត រួច​ក៏​នាំគ្នា​ដេកលក់​មួយសន្ទុះ​ប្រហែលជា​ជិត​ម៉ោង​១២​យប់ គាត់​មក​ដេក​សង្គ្រុប​ពីលើ​នាង​ខ្ញុំ​ដើម្បី​រួមភេទ​ម្តងទៀត ប៉ុន្តែ​លើក​ទី​បី​នេះ​ដោយសារ​នាង​ខ្ញុំ​អស់កម្លាំង​ខ្លាំងពេក​មិនអាច​ទ្រាំទ្រ​ជាមួយ​គាត់​បាន នាង​ខ្ញុំ​ក៏បាន​សំពះអង្វរ​គាត់ ដើម្បី​ឲ្យ​គាត់​លើកលែង​ឲ្យ​។​

 

​ទោះបីជា​រូបនាង​ខ្ញុំ​សំពះអង្វរ​យ៉ាងណាក៏ដោយ ក៏​ប្តី​កំហូច​ម្នាក់នេះ​នៅតែ​មិន​លើកលែង​ឲ្យ​នាង​ខ្ញុំ​ឡើយ ដោយ​គេ​និយាយ​គំហក​ខ្លាំងៗ​មក​ឲ្យ នាង​ខ្ញុំ​វិញ​ថា “​របស់​អ្វី​ក៏ដោយ បើ​គេ​ស៊ី​មិន​ឆ្អែត គឺ​មិន​ឈប់​នោះទេ​”​។ នៅពេល​នាង​ខ្ញុំ​ឮ​សម្តី​ប្តី​នាង​ខ្ញុំ​និយាយ​ដូច្នេះ នាង​ខ្ញុំ​បាន​ស្រក់​ទឹកភ្នែក​ដោយ​មិន​នឹកស្មានថា ប្តី​របស់​នាង​ខ្ញុំ​និយាយ​មករក​នាង​ខ្ញុំ​ដូច្នេះ​ឡើយ​។ នៅពេល​គេ​ដឹងថា នាង​ខ្ញុំ​រើបម្រះ​ប្រុង​រត់ចេញ​គេ​បាន​យក​ខ្សែ​គោ​មក​ចងជើង​ទាំងពីរ​របស់​នាង​ខ្ញុំ​ពេលនោះ​នាង​ខ្ញុំ​ខំ រើបម្រះ​យ៉ាងខ្លាំង រហូតដល់​ចំណងជើង​នោះបាន​របូត​ហើយ​នាង​ខ្ញុំ​ក៏បាន​រត់​ចេញពី​ប្តី​កំហូច​រូបនោះ​។​

 

​ដោយ​ខ្លា​ចនាង​ខ្ញុំ​រត់​ចុះពីលើផ្ទះ ប្តី​កំហូច​របស់​នាង​ខ្ញុំ​បាន​កាន់​កាំបិតផ្គាក់​ទៅ​ឈរ​ជិត​មាត់ទ្វារ ដើម្បី​កុំ​ឲ្យ​នាង​ខ្ញុំ​រត់ចេញ ហើយ​បន្ទាប់មក​គេ បាន​ទៅ​វាយ​បំបែក​ពាងទឹក និង​ទូរទស្សន៍​បែក​អស់​។ ដោយសារតែ​មិនអាច​ទ្រាំទ្រ និង​រស់នៅ​ជាមួយគ្នា​តទៅទៀតបាន លុះដល់​ព្រឹក​ឡើង នាង​ខ្ញុំ​បាន​ទៅប្តឹង​សមត្ថកិច្ច​ដើម្បី​ឲ្យ​ចាប់​ប្តី​កំហូច​រូបនេះ​ដាក់គុក​។ ឥឡូវនេះ គាត់​អស់ចិត្ត​អត់ធ្មត់​ជាមួយ​ប្តី​គាត់​ទៀតហើយ គឺ​ស៊ូទ្រាំ​ដើរ​ស៊ីឈ្នួល​គេ​តែម្នាក់ឯង​មិន​ថា​ខ្លួន​មាន ជំងឺ​អ្វី​ឡើយ ដើម្បី​យកប្រាក់​មក​ចិញ្ចឹម​កូនៗ​បាន​ទៅ​រៀនសូត្រ​ដូច​គេឯង​៕ ដោយ ស្រស់ ស្រពោន

 

 

Leave a Reply

(*) Required, Your email will not be published