វិធី​បំបាត់​ភាព​ក្រិន​ខ្មៅ​នៅលើ​ជង្គង់ និង​កែងដៃ​

, , Leave a comment

23-7-2015 (1)

​ស្បែក​ឡើង​ក្រាស់ និង​កោសិកា​ស្បែក​ងាប់ ដោយ​ការប៉ះពាល់​នឹង​ពន្លឺព្រះអាទិត្យ ឬ​ការ​កកិត​ស្បែក​ធ្វើ​ឲ្យ កែងដៃ និង​ជង្គង់​របស់​អ្នកមាន​សភាព​ខ្មៅ​ជាង​ស្បែក​ផ្នែក​ផ្សេងៗ​នៃ​រាងកាយ​។ យើង​បាន​ស្រាវជ្រាវ​យ៉ាង​ម៉ត់ចត់ និង​បាន​រកឃើញ​នូវ​វិធី​កែខៃ​បញ្ហា​ទាំងនេះ​ដែលមាន​ប្រសិទ្ធិភាព​បំផុត ដោយ​អាច​យកទៅអនុវត្ត​នៅផ្ទះ​បាន ដើម្បី​កម្ចាត់​ចោល​នូវ​ចំណុច​ក្រិន​ខ្មៅ​នៃ​កែងដៃ និង​ជង្គង់​។ ថ្ងៃនេះ​សារព័ត៌​មានកំណើត​សូម​បង្ហាញ​នូវ​គន្លឹះ​នានា ដូចខាងក្រោម ក្នុងការ​បំបាត់​ភាព​ក្រិន​ខ្មៅ​ជង្គង់ និង​កែងដៃ ៖

 

-​ឡេ​ការពារ​កម្តៅថ្ងៃ : ឡេ​ការពារ​កម្តៅថ្ងៃ ពិត​ជាមាន​អត្ថប្រយោជន៍​ខ្លាំងណាស់​ក្នុងការ​កម្ចាត់​ចោល​នូវ​ភាព​ក្រិន​ខ្មៅ​នៅលើ​ជង្គង់ និង​កែងដៃ​។ ចូរ​លាប​ឡេ​ការពារ​កម្តៅថ្ងៃ​លើ​ស្បែក នៅពេល​ចេញទៅ​ខាងក្រៅ​នោះ​នឹង​ជួយ​ការពារ​ស្បែក​របស់​អ្នក​ពី​កាំរស្មីព្រះអាទិត្យ​ដ៏​ក្តៅ​បាន​។​

 

-​ស្ករស និង​ប្រេង​អូ​លីវ : យក​ស្ករស និង​ប្រេង​អូ​លីវ​ក្នុង​បរិមាណ​ស្មើគ្នា មក​លាយ​ចូលគ្នា​ហើយ​លាប​ស្តើងៗ​លើ​ជង្គង់ និង​កែងដៃ​ដែល​ក្រិន បន្ទាប់មក​លាង​សម្អាត​ចេញ​ជាមួយ​សាប៊ូ និង​ទឹកស្អាត​។​

 

-​ប្រទាល​កន្ទុយក្រពើ : ប្រទាល​កន្ទុយក្រពើ គឺជា​ប្រភេទ​រុក្ខជាតិ​ម្យ៉ាង​ដែល​គេ​និយម​ប្រើប្រាស់​ជា​ឱសថ​សម្រាប់​ព្យាបាល​ស្បែក​។ ជាតិ​ជែ​ល​ដែលមាន​នៅក្នុង​ប្រទាល​កន្ទុយក្រពើ អាចជួយ​កាត់បន្ថយ​ស្នាម​អុច​ខ្មៅ ដែល​បង្កឡើង​ដោយ​ពន្លឺព្រះអាទិត្យ​។ វិធី​ងាយៗ គឺ​លោកអ្នក​គ្រាន់តែ​យកជាតិ​រំអិល​នៅក្នុង​ប្រទាល​កន្ទុយក្រពើ មក​លាប​លើ​កន្លែង​ខ្មៅ និង​ក្រិន​នោះ ហើយ​ទុកចោល ៣០​នាទី នោះ​ស្បែក​ជង្គង់ និង​កែងដៃ​របស់​អ្នក នឹង​មើលទៅ​ស្រស់ថ្លា និង​ទន់​រលោង​។​

 

-​ម្សៅ​អ៊ី​ដ្រូ​ហ្សែ​ន : ម្សៅ​អ៊ី​ដ្រូ​ហ្សែ​ន អាចជួយ​កាត់បន្ថយ​ស្នាម​អុច​ខ្មៅ និង​ស្បែក​ខូច​ដោយសារ​កាំរស្មីព្រះអាទិត្យ​បាន ដោយ​យក​ម្សៅ​អ៊ី​ដ្រូ​ហ្សែ​ន ហើយ​យក​សំឡី​ជ្រលក់ និង​ម៉ាស្សា លើ​ស្បែក​ក្រិន​ខ្មៅ​នោះ​ប្រមាណ​ពី​១០​ទៅ​១៥​នាទី នោះ​អ្នកនឹង​ភាព​ក្រិន​ខ្មៅ​នោះ​ត្រូវបាន​ជំ​រុះ​ចេញមក​យ៉ាង​មាន​ប្រសិទ្ធិភាព​។​

 

-​ក្រូចឆ្មា : ក្រូចឆ្មា អាចជួយ​ធ្វើ​ឲ្យ​ស្បែក​អ្នក​កាន់តែ​ភ្លឺ​ថ្លា​។ ច្របាច់​ទឹកក្រូច​ឆ្មា​លាប​លើ​ចំណុច​ក្រិន​ខ្មៅ​លើ ជង្គង់ និង​កែងដៃ របស់​អ្នក ហើយ​ទុកចោល​ប្រមាណ​ពី​៤០​ទៅ​៥០​នាទី បន្ទាប់មក​លាង​ចេញ​ជាមួយ​ទឹកស្អាត​។ អនុវត្ត​វិធី​នេះ​ជា​រៀងរាល់ថ្ងៃ ដើម្បី​បាន​លទ្ធផល​គួរ​ឲ្យ​កត់សម្គាល់​។​

 

​រមៀត​ទឹកឃ្មុំ និង​ទឹកដោះគោ : រមៀត ត្រូវបាន​គេ​ស្គាល់​យ៉ាងច្បាស់​ថា​ជា​ឱសថ​ព្យា​ល​បាល​ដ៏​មាន​ប្រសិទ្ធិភាព​។ ចំណែក​ទឹកឃ្មុំ ជួយផ្តល់​សំណើម​ដល់​ស្បែក​ស្ងួត រីឯ​ទឹកដោះគោ គឺមាន​តួនាទី​ជួយ​ធ្វើ​ឲ្យ​ស​។ លោកអ្នក​អាច​យក​ម្សៅ​រមៀត​មក​លាយ​បញ្ចូល​ជាមួយនឹង​ទឹកដោះគោ និង​ទឹកឃ្មុំ​ឲ្យ​សព្វ ហើយ​លាប​នៅលើ​ចំណុច​ក្រិន​ខ្មៅ ដោយ​ទុកចោល​ប្រមាណ​ពី​២០​ទៅ​២៥​នាទី បន្ទាប់មក​លាង​ចេញ​ជាមួយនឹង​ទឹកស្អាត​។ គ្រឿងផ្សំ​ពី​ធម្មជាតិ​ទាំងនេះ នឹង​ជួយ​កាត់បន្ថយ​ចំណុច​ក្រិន​ខ្មៅ​របស់លោក​អ្នក​បាន​។​

 

​ផ្លែ​អាល់​ម៉ុង : ផ្លែ​អាល់​ម៉ុង គឺជា​ធនធាន​សម្បូរ​ណ៍​បែប​នៃ​វីតាមីន E ដែល​អាចជួយ​កម្ចាត់​ចោល​នូវ​ចំណុច​ក្រិន​ខ្មៅ​លើ​ស្បែក​របស់​លោកអ្នក​។ កិន​ផ្លែ​អាល់​ម៉ុ​ន​ឲ្យ​ម៉ដ្ឋ ហើយ​យកមក​លាប​ត្រដុស​លើ​ជង្គង់ ឬ​កែងដៃ​ដែល​ក្រិន​ខ្មៅ នោះ​នឹង​អ្នកនឹង​ឃើញ​កោសិកា​ស្បែក​ងាប់​ត្រូវបាន​ជំ​រុះ​ចេញមក​៕

23-7-2015

 

Leave a Reply

(*) Required, Your email will not be published