លោក​អធិការ​ស្រុក​កំពង់ត្រឡាច ហ៊ុល វាសនា (​ហៅ ជ្រុ​យ​) ជាប់ចោទ​ពី​ករណី​រំលោភ​សិស្ស​វិទ្យាល័យ​

, , Leave a comment

21-7-2015 (1)

​ខេត្តកំពង់ឆ្នាំង : យុវ​សិស្ស​ថ្នាក់​ទី​១២ នៃ​វិទ្យាល័យ ហ៊ុន សែន ស្រុក​កំពង់ត្រឡាច ខេត្តកំពង់ឆ្នាំង​ម្នាក់ បាន​ប្តឹង​លោក​អធិការ ស្រុក​កំពង់ត្រឡាច ឈ្មោះ ហ៊ុល វាសនា ហៅ ជ្រុ​យ ពាក់ព័ន្ធ​ករណី​ចាប់រំលោភ​សេពសន្ថវ​រហូត​បានសម្រេច​កាលពី​ថ្ងៃទី​១១ ខែកក្កដា ឆ្នាំ​២០១៥ នៅក្នុង​អធិការដ្ឋាន នគរបាល​ស្រុក​កំពង់ត្រឡាច​។​

 

​ប្រភពព័ត៌មាន​ពី​ក្រុមគ្រួសារ​នារី​រងគ្រោះ​បាន​បញ្ជាក់ថា ជនរងគ្រោះ អាយុ ១៩​ឆ្នាំ ជា​សិស្ស​រៀន​ថ្នាក់​ទី​១២ នៅ​វិទ្យាល័យ ហ៊ុន សែន កំពង់ត្រឡាច ស្នាក់នៅ​ផ្ទះជួល ម្តាយ​ឈ្មោះ ឌី ឡៃហេង និង​ឪពុក​ឈ្មោះ ពិន សុផាត មាន​ទីលំនៅ​ភូមិគ​ជ្រុំ ឃុំ​កោះ​ថ្កូវ ស្រុក​ជល​គី​រី ខេត្តកំពង់ឆ្នាំង​។​

 

​យោងតាម​បណ្តឹង​របស់​ក្មេងស្រី​រងគ្រោះ បាន​បញ្ជាក់ថា ដើមហេតុ​នៃ​ការទំនាក់ទំនង​នេះ កើតចេញ​តាមរយៈ​ទូរ​សព្ទ​នៅក្នុង​ពិធី​ដង្ហែ​ក្បួន ទិវា​ប្រឆាំង​គ្រឿងញៀន ហើយ​ដល់​ថ្ងៃទី​៣០ ខែមិថុនា ឆ្នាំ​២០១៥ លោក​អធិការ​បាន​ហៅ​នាង មក​ហូបបាយ​ថ្ងៃត្រង់ នៅពេលនោះ​។ ក្រោយមក​ក៏មាន​កា​រលូង​លោម ដោយ​ឲ្យ​ម៉ូតូ​មួយគ្រឿង ជិះ​សម្រាប់​ទៅ​រៀន រួម​និង​សម្ភារៈ​មួយចំនួន​ផងដែរ​ដោយមាន​បញ្ហា​នឹង​គ្នា ក្មេងស្រី​រងគ្រោះ បាន​ឲ្យ​ប្អូន​ជិះ​ម៉ូតូ​យកទៅ​ឲ្យ​លោក​អធិការ​ស្រុក​វិញ​។​

 

​លុះដល់​ថ្ងៃទី​១១ ខែ​ក្កដា ឆ្នាំ​២០១៥ ដែលជា​ថ្ងៃកើតហេតុ លោក​អធិការនគរបាល​ស្រុក បាន​ទូរស័ព្ទ​ឲ្យ​មក​យក​ម៉ូតូ​ជិះ​ម្តងទៀត វា​ចំ​ពេលដែល​ជីដូន​របស់​នាង​ឈឺ នៅឯ​ស្រុក​នាង​ក៏​ដាច់ចិត្ត ជិះ​ម៉ូតូឌុប​ទៅយក​ម្នាក់ឯង​។ ពេលទៅដល់​លោក​អធិការនគរបាល​ស្រុក បាន​ប្រើ​នាង​ឲ្យ​ចូល​យក​ទូរស័ព្ទ​នៅក្នុង​បន្ទប់ ភ្លាមនោះ​លោក​អធិការ បាន​ចូល​តាម​ក្រោយ រួច​ទាញ​ទ្វារ​បិទ ហើយ​ចាប់​ឱប​ពីក្រោយ យកដៃ​ខ្ទប់មាត់​រុញ​ទៅលើ​គ្រែ គាត់​ថា ស្រឡាញ់​នាង​តែ​នាង​បានប្រកែក​ថា លោកពូ​មាន​ប្រពន្ធ​ហើយ ភ្លាមនោះ​លោក​អធិការ​បាន​យក​អាវុធខ្លី ភ្ជង់ ហើយ​វាយ​នឹង​អាវុធ ចំ​លើ​ថ្ងាស និង​ទះកំផ្លៀង​នាង​២​ដៃ បើ​ហ៊ាន​ប្រាប់​គេ គាត់​នឹង​បាញ់​ទាំង​គ្រួសារ​។

 

​យ៉ាងណាក៏ដោយ​នៅ​ព្រឹក​ថ្ងៃទី​២១ ខែកក្កដា ឆ្នាំ​២០១៥ វេលា​ម៉ោង ៩​និង​៣០ នាទី លោក ហ៊ុល វាសនា អធិការនគរបាល ស្រុក​កំពង់ត្រឡាច និង​ត្រូវ​ឪពុកមា លោក យូ ទិ​ត្យ​វឌ្ឍនៈ ព្រះរាជអាជ្ញា​អម​សាលាដំបូង​ខេត្តកំពង់ឆ្នាំង​បាន​ច្រានចោល ការចោទប្រកាន់ថា វា​មិនមាន​ករណី​ដូច​ការចោទប្រកាន់​រំលោភ​នាង​ឡើយ និង​មិនបាន​វាយ​លើ​រូបនាង និង​កាំភ្លើង​។ ក្នុងនោះ​លោក​អធិការនគរបាល ស្រុក​កំពង់ត្រឡាច បានបញ្ជាក់​បន្ថែមថា លោក​បាន​ស្គាល់គ្នា​តាមរយៈ​ហ្វេ​ស​ប៊ុ​ក ហើយ​ការទំនាក់ទំនង គឺមាន​រយៈពេល​ជាង​១​ខែ រហូត​នាង បាន​ចេញចូល​កន្លែងធ្វើកា​រ របស់លោក ហើយ​ថែមទាំង បានធ្វើការ​ស្បថស្បែ​និង​គ្នា ដោយ​លោក​អធិការ​បាន​បញ្ជាក់ថា ការរស់នៅ​ជាមួយគ្នា​សឹង​ដូចជា​ប្តី​ប្រពន្ធ​ទៅហើយ មិនគួរណា​កើតមាន​រឿង​អីចឹង​សោះ​។

 

​នៅ​រសៀល​ថ្ងៃទី​២០ ខែកក្កដា ឆ្នាំ​២០១៥ លោក ប្រាក់ វុ​ឌ្ឍី ស្នងការ​នគរបាល​ខេត្ត បាន​ប្រាប់​ឲ្យ​ដឹងថា លោក​ពិតជា​បាន ទទួល​ពាក្យបណ្តឹង របស់​ជនរងគ្រោះ​មែន និង​បាន​ឲ្យ​ជំនាញ​ពាក់ព័ន្ធ នៃ​ស្នងការ​ខេត្ត ធ្វើការ​សាកសួរ ទៅ​ជនរងគ្រោះ និង​បានធ្វើ​កំណត់ហេតុ​បន្ទាន់ ស្តីពី​បណ្តឹង​ខាងលើនេះ ហើយ​ក៏បាន​រាយការណ៍ ជូនទៅ​លោក អភិបាលខេត្ត និង​ក្រសួងមហាផ្ទៃ រួចហើយ ដើម្បី​ស្នើសុំ​បើក​ការស៊ើបអង្កេត លើ​ករណីនេះ ហើយ​លោក​បាន​បន្ថែមថា លោក​បាន​រាយការណ៍ ជូន​ថ្នាក់លើ​មួយ​ជំហាន​រួចហើយ លោកស្នងការ​ថា បុគ្គល​ណា​ប្រព្រឹត្ត គឺ​ត្រូវ​ទទួលទោស​តាមផ្លូវ​ច្បាប់ បើ​ការស៊ើបអង្កេត​ទៅ ពិតជា​ដូច​បណ្តឹង របស់​ជនរងគ្រោះ​មែន​។

 

​ចំណែក​មន្ត្រី​សម្របសម្រួល របស់​អង្គការ​អាដហុក ប្រចាំខេត្ត​កំពង់ឆ្នាំង លោក សំ ច័ន្ទ​គា បានបញ្ជាក់​ឲ្យ​ដឹងថា លោក​ក៏បាន​ទទួល នូវ​ពាក្យបណ្តឹង​ផ្ទាល់មាត់ របស់​ជនរងគ្រោះ ឈ្មោះ យស​ភ នៅ​ល្ងាច​ថ្ងៃទី​២០ ខែកក្កដា ឆ្នាំ​២០១៥ ហើយ​លោក​និង​រក​មេធាវី ឲ្យ​ជនរងគ្រោះ ដើម្បី​ការពារ​ក្តី​នេះ និង​ថែមទាំង​ជួយ​រៀបចំ ពាក្យបណ្តឹង​ទៅកាន់​លោក ព្រះរាជអាជ្ញា អម​សាលាដំបូង​ខេត្តកំពង់ឆ្នាំង និង​ក្រសួងមហាផ្ទៃ ផងដែរ​ដើម្បី សុំ​ឲ្យ​ផ្តល់ ភាពយុត្តិធម៌​ដល់​រូបនាង​។​បច្ចុប្បន្ននេះ ក្មេងស្រី​រងគ្រោះ ដែលជា​សិស្ស មានការ​ភ័យខ្លាច​យ៉ាងខ្លាំង ពី​សុវត្ថិភាព សន្តិសុខ​ផ្ទាល់ខ្លួន ក៏​ដូច​ក្រុមគ្រួសារ​របស់​នាង ពីព្រោះ​លោក​អធិការ ហ៊ុល វាសនា  ធ្លាប់បាន​គំរាម​ក្រោយពេល ធ្វើកា​រំលោភ​នាង​រួចហើយ​ថា បើ​ហ៊ាន​តែ​ធ្វើ​ឲ្យ បែកធ្លាយ​រឿងនេះ ឬក៏​ធ្វើ​ការប្តឹង​រូប​ខ្លួន និង​បាញ់​សម្លាប់ចោល ទាំង​ក្រុមគ្រួសារ រូ​ម​ទាំង​រូបនាង​ផងដែរ នេះ​បាន​ពិតជា​សាហាវ​មែន​៕

 21-7-2015

 

Leave a Reply

(*) Required, Your email will not be published