តុលាការ​ខេត្តកណ្តាល​ផ្តន្ទាទោស​ដាក់ពន្ធនាគារ​អស់​មួយ​ជិវិត ករណី​រំលោភ​សម្លាប់​អតីត​គូ​ដណ្ដឹង​យ៉ាង​ព្រៃផ្សៃ​

, , Leave a comment

21-7-2015

21-7-2015 (2)

​ខេត្តកណ្តាល : យុវជន​ម្នាក់ បាន​ក្លាយជា​ជនល្មើស ត្រូវ​តុលាការ​ខេត្តកណ្តាល​ផ្តន្ទាទោស​ដាក់ពន្ធនាគារ​អស់​មួយជីវិត ពីបទ​ឃាតកម្ម​ដោយមាន​ទារុណកម្ម អំពើ​ឃោរឃៅ ឬ​រំលោភ​សេពសន្ថវៈ​តាម​មាត្រា​២០៥​នៃ​ក្រមព្រហ្មទណ្ឌ​។​

 

​នៅ​ព្រឹក​ថ្ងៃទី​២១ ខែកក្កដា ឆ្នាំ​២០១៥ លោកស្រី ចាន់ ម៉ា​ឌី​ណា ចៅក្រម​សាលាឧទ្ធរណ៍ បានសម្រេច​តម្កល់​សាលក្រម​តុលាការ​ថ្នាក់ក្រោម​ទុកជាបានការ​ដដែល​។ យុវជន​រូបនេះ​ឈ្មោះ ធឿន នី អាយុ​២៣​ឆ្នាំ ជា​កសិករ​។ ចំណែក​ជនរងគ្រោះ​ឈ្មោះ ផន ស្រី​នាង អាយុ​១៨​ឆ្នាំ ជា​កម្មការិនី​រោងចក្រ​។​

 

​គួររម្លឹកថា ហេតុការណ៍​ឃាតកម្ម​ដ៏​ព្រៃផ្សៃ​នេះ​បាន​កើតឡើង​កាលពី​យប់​ថ្ងៃទី​១៥ ខែកុម្ភៈ ឆ្នាំ​២០១៤ នៅ​ចំណុច​ខាងក្រោយ​ភូមិ​គោល ឃុំ​ឈ្វាំង ស្រុក​ពញាឮ​។ លុះ​ព្រឹក​ឡើង​ថ្ងៃទី​១៦ ខែកុម្ភៈ ឆ្នាំ​២០១៤ គេ​ប្រទះឃើញ​សព​នារី​រងគ្រោះ ដោយ​ឃាតក​កាច់​មែកឈើ និង​ស្លៀកខោ​ពីមុខ​ទៅក្រោយ ពីក្រោយ​មក​មុខ របៀប​ប្រញាប់ប្រញាល់​។ ការរកឃើញ​សព​នារី​រងគ្រោះ គឺ​ដំបូង​ប្រទះឃើញ​ខោ​ក្នុង​២​នៅលើ​មែកឈើ​ដែល​គេ​ស្គាល់ ទើប​មានការ​រុករក​ក៏​ប្រទះឃើញ​សព​។​

 

​តាម​ប្រភពព័ត៌មាន​បាន​ឲ្យ​ដឹងថា នារី​រងគ្រោះ និង​ជនល្មើស ពីមុន​ធ្លាប់​ស្រឡាញ់គ្នា និង​ឲ្យ​ចាស់ទុំ​ចូល​ស្ដីដណ្ដឹង​ភ្ជាប់ពាក្យ​នឹង​គ្នា តែ​បាន​ប្រមាណ​៣​ខែក្រោយ​មក ចាស់ទុំ​ខាង​ស្រី​ផ្ដាច់​ពាក្យ​វិញ ដែល​គ្មាន​ប្រភព​ណា​អះអាង​ពី​មូលហេតុ​បែបណា​ទេ​។ ទោះបីជា​បែបណា​ក្តី រវាង​នារី​រងគ្រោះ និង​ឃាតក នៅតែ​ទាក់ទង​គ្នា​ដដែល​តែ​មិន​ផ្អែមល្ហែម​ដូច​មុន​ទេ​។ ដោយសារ​ការផ្ដាច់​ពាក្យ​ពី​ចាស់ទុំ ទើប​ជនល្មើស​រក​ឱកាស​ល្បួង​នារី​រងគ្រោះ​នាំយកទៅ​រំលោភ​នៅ​យប់​ថ្ងៃទី​១៥ ខែកុម្ភៈ ឆ្នាំ​២០១៥ នៅ​ចំណុច​ខាងក្រោយ​ភូមិ ខណៈដែល​មាន​ពិធី​បុណ្យដារលាន​។​

 

​ប្រភពព័ត៌មាន​បាន​ឲ្យ​ដឹងថា ដោយសារតែ​ព្រឹក​ឡើង គេ​ប្រទះឃើញ​សព​នារី​រងគ្រោះ ហើយ​មាន​សមត្ថកិច្ច​ច្រើន​ទៅ​កន្លែងកើតហេតុ ដើម្បី​ស្រាវជ្រាវ​ទំនងជា ធឿន នី ភិតភ័យ​ពី​អំពើ​របស់ខ្លួន ខ្លាច​លាក់​មិន​ជិត​រហូតដល់​ល្ងាច​ថ្ងៃទី​១៦ ខែកុម្ភៈ ឆ្នាំ​២០១៤ ក៏​លេបថ្នាំ​ប៉ង​សម្លាប់ខ្លួន ប៉ុន្តែ​មិនបាន​សម្រេច​ក៏​បែកការណ៍ ហើយ​ត្រូវគេ​បញ្ជូនទៅ​សង្គ្រោះ​នៅ​មន្ទីរពេទ្យ​កាល់ម៉ែត រាជធានី​ភ្នំពេញ និង​រួច​ផុតពី​សេចក្ដីស្លាប់ តែ​គេច​មិន​ផុតពី​សំណាញ់​ច្បាប់​ឡើយ​៕

21-7-2015 (1) 

 

Leave a Reply

(*) Required, Your email will not be published