គន្លឹះ​ធ្វើ​ឲ្យ​គូ​ស្វាមីភរិយា​ស្រឡាញ់គ្នា​បានយូរ​អង្វែង​

, , Leave a comment

15-7-2015 (1)

​នៅក្នុង​ជីវិត​អាពាហ៍ពិពាហ៍ គូ​ស្វាមីភរិយា​ទាំងឡាយ ត្រូវតែ​ចេះ​ស្វែងយល់​ចិត្ត​គ្នា ដើម្បី​ទទួលបាន​នូវ​សុភមង្គល​ក្នុង​គ្រួសារ​។ ថ្ងៃនេះ​សារព័ត៌​មានកំណើត​ថ្មី សូម​បង្ហាញ​នូវ​គន្លឹះ​ទាំង​៥ ដែល​ជួយ​ឲ្យ​គូ​ស្វាមីភរិយា​ទទួលបាន​នូវ​ជីវិត​សុខសាន្ត​យូរ​អ​ងែ្វ​ង​ត​ដរាប​រៀង​ទៅ​។​

 

១-​ស្មោះត្រង់​ជា​មូ​យ​ដៃគូ​របស់​អ្នក : តាម​គំនិត​បុគ្គល​ខ្លះ​បាន​និយាយថា គ្រាន់តែ​ធ្វើ​ឲ្យ​ភាគី​មួយទៀត​សប្បាយចិត្ត គឺ​វា​ចប់​ទៅហើយ​។ តែ​ការយល់​ឃើញបែបនេះ​វា​មិន​ត្រឹមត្រូវ​ទេ គឺត្រូវធ្វើ​ឲ្យ​គូ​ស្វាមីភរិយា​រីករាយ​ជា​មូ​យ​គ្នា គឺ​យើង​ត្រូវ​បង្ហាញ​សេចក្តី​ស្មោះត្រង់​រវាង​គ្នា និង​គ្នា មិនត្រូវ​ក្បត់ចិត្ត​លួច​មាន​ថ្មី​នោះទេ​។ ជាពិសេស គឺ​ការ​កុហក​រវាង​គ្នា វា​ជា​ទង្វើ ដ៏​អាក្រក់​មូ​យ​ដែល​អាច​ឲ្យ​យើង​ឈ្លោះប្រកែក​គ្នា​។ ការស្មោះត្រង់​នឹង​គ្នា​នាំ​ឲ្យ​គួ​ស្វាមីភរិយា ឆ្ពោះទៅកាន់​ជីវិត​ដ៏​ល្អ​មូ​យ​បាន​។​

 

២-​ត្រូវ​ប​ងា្ហ​ញ​នៃ​ការបារម្ភ និង​យកចិត្តទុកដាក់​ចំពោះ​គ្នា : ចំពោះ​ចំនុច​មូ​យ​នេះ​ពិតជា​សារៈសំខាន់​ណាស់ បើ​យើង​គ្មាន​ការចេះ​គិតពី​គ្នា អ្នក​មិនអាច​រស់នៅ​ជាមួយគ្នា​បានទេ​។​

 

៣-​កុំ​គិតថា យើង​ធំជាងគេ​ក្នុង​គ្រួសារ : ទង្វើ​នេះ​គឺ​ខុស​ស្រលះ​ដែល​ធ្វើ​ឲ្យ​យើង​ប្រើ​អំណាច​យ៉ាងខ្លាំង​ទៅលើ​ភរិយា ឬក៏​ស្វាមី​។ បើទោះជា​ភាគី​ខាង​ណា ធ្វើការ​ចិញ្ចឹម​ក៏ដោយ ក៏​មិនត្រូវ​ប្រើ​សិទ្ធ​ទៅលើ​ភាគី​ម្ខាង​ណា​នោះទេ​។ ការធ្វើ​បែបនេះ​ភរិយា ឬក៏​ស្វាមី នឹងមាន​អារម្មណ៍​ទទួល​សំពាធ​យ៉ាងធ្ងន់ធ្ងរ ដូច្នេះ​យើង​មិនគួរ​យកគំនិត​ដូច​ច្នេះ​ទេ​។​

 

៤-​ត្រូវ​ចេះ​អត់ឱន​ឲ្យ​គ្នា : គូ​ភរិយា​ស្វាមី​ល្អ​ត្រូវ​ចេះ​អធ្យាស្រ័យ​គ្នា​។ កំហុស​តូចតាច អាច​អត់អោន​ឲ្យ​គ្នា ពីព្រោះ​យើង​មិនមែន​រស់នៅ​មួយថ្ងៃ​នោះទេ គឺ​មួយជីវិត​។​

 

៥-​ឧស្សាហ៍​និយាយ​ពាក្យ​ថា “​ស្រឡាញ់​” ទៅរក​គ្នា : ពាក្យ​នេះ​អាចធ្វើ​ឲ្យ​យើង​មាន​អារម្មណ៍ល្អ​បាន ទោះបីជា​ហត់​ពី​ការងារ​យ៉ាងណាក៏ដោយ​៕

15-7-2015

 

Leave a Reply

(*) Required, Your email will not be published