លិខិត​បំភ្លឺ និង​សំណង​១​សែន​ដុល្លារ ដើម្បី​បញ្ចប់​បញ្ហា ដែល​អតីត​ឧកញ៉ា សុខ ប៊ុន លើកដៃ វាយ​ទាត់​ធាក់​ស្ត្រីភេទ​(វីដេអូ)

, , Leave a comment

sss

​រាជធានី​ភ្នំពេញ : ភាព​ឆោតល្ងង់​មួយពេល​របស់​អតីត​ឧកញ៉ា សុខ ប៊ុន ប្រើ​អំពើហិង្សា​លើ​អតីត​ពិធី​ការិនី​ទូរទស្សន៍ កញ្ញា​សា​សា នេះ ទីបំផុត​លិខិត​សុំទោស​ជា​សាធារណៈ​ត្រូវ​បានចេញ​លិខិត​បំភ្លឺ ដោយ​សុំ​ការ​អធ្យាស្រ័យ​ពី​ក្រុមគ្រួសារ​កញ្ញា​សា​សា និង​បានប្រកាស​លាឈប់​ពី​តំណែង​ក្រុមហ៊ុន​ដែល​លោក​គ្រប់គ្រង ព្រមទាំង​ងារ​ឧកញ៉ា​ដែល​លោក​បានទទួល​។​

 

​ក្នុង​លិខិត​បំភ្លឺ​របស់​អតីត​ឧកញ៉ា សុខ ប៊ុន ចេញផ្សាយ​នៅ​ថ្ងៃ​អង្គារ​នេះ​ឲ្យ​ដឹងថា លោក​សោកស្តាយ​ចំពោះ​ជម្លោះ​រវាង រូបលោក និង​ញ្ញា​សា​សា​ដែល​បាន​កើតឡើង​កាលពី​ថ្ងៃទី​២ ខែកក្កដា និង​បាន​បង្ក​ឲ្យ​មាន​របួស​ទាំងសងខាង​។ លោក​បន្តថា​ជម្លោះ​នោះបាន​ធ្វើ​ឲ្យ​ប៉ះពាល់​ដល់​កិត្តិយស​របស់​កញ្ញា​សា​សា និង​រូបលោក​ផ្ទាល់​។ ក្នុង​លិខិត​នោះ លោក សុខ ប៊ុន បានប្រកាស​ជា​សាធារណៈ​ថា​លោក​សុំ​លាឈប់​ពី​ប្រធាន​សមាគម​វាយតម្លៃ អចលនវត្ថុ និង​ផ្ទេរសិទ្ធិ​ទាំង​ស្រុក​ទៅ​ឲ្យ​ក្រុមប្រឹក្សាភិបាល​វិញ​។ លោក សុខ ប៊ុន ក៏បាន​ប្រកាស​លាឈប់​ពី​នាយក​ក្រុមហ៊ុន​TEHO-SBG Development Co.,Ltd. ផងដែរ​។ លោក​ក៏បាន​ប្រកាស​សុំ​លាឈប់​ពី​ងារ​ឧកញ៉ា​ផងដែរ​។​

 

​យោងតាម​លិខិត​ដដែល លោក សុខ ប៊ុន បានស្នើ​សុំចូល​រួម​ជា​វិភាគទាន​ជួយ​ព្យាបាល​ដល់​កញ្ញា​សា​សា​ចំនួន ១​សែន​ដុល្លារ និង​បាន​ស្នើសុំ​ការយោគយល់​ឈប់​ប្រកាន់ និង​មិន​សងសឹក​ពី​ក្រុមគ្រួសារ​របស់​កញ្ញា​សា​សា​។ លោក​ក៏បាន​ប្រកាស​សុំ​អធ្យាស្រ័យ​ពី​ស្ថាប័ន​តុលាការ ដើម្បី​ទុកពេល​ឲ្យ​លោក​ព្យាបាល​ជំងឺស្ត្រេស ដែល​លោ​អះអាងថា​លោក​មាន​ជំងឺ​នេះ​ធ្ងន់ធ្ងរ និង​ទុក​រាល់​ការងារ​នីតិវិធី​ច្បាប់​ជូន​មេធាវី​របស់លោក​។​

 

​គួរបញ្ជាក់​ផងដែរ ឧកញ៉ា សុខ ប៊ុន គឺជា​ប្រធាន​ក្រុមហ៊ុន​TEHO Development  និង​ជា​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា ដែល​ត្រូវគេ​ស្គាល់​ថា​ជា​ម្ចាស់​សណ្ឋាគារ​មួយកន្លែង​ចំណាយ​ទុន​អស់ កន្លះ​លាន​ដុល្លារ និង​បាន​បណ្តាក់ទុន​៥០០​លាន​ដុល្លារ លើ​គម្រោង​សាងសង់​ក្រុង​រណប​នៅ​ជ្រោយចង្វា​។ លោក​ក៏​គេ​ស្គាល់​ថា​ជា​ដៃ​មុខ​ជំនួញ​ធំដុំ​ជាមួយ​ក្រុមហ៊ុន ធំៗ​នៅក្នុង​ប្រទេស​សិង្ហ​បុរី​ផងដែរ​៕

14-7-2015 (3)

14-7-2015 (1)

14-7-2015  14-7-2015 (2) 

 

ស្តាប់ហើយ អោយយោបល់ទាំអស់គ្នា !

Posted by Vannak Nara on Monday, 13 July 2015

 

Leave a Reply

(*) Required, Your email will not be published