កម្ពុជា និង​ថៃ ឯកភាពគ្នា​រៀបចំ​កិច្ចប្រជុំ​គណៈរដ្ឋមន្ត្រី​ច​ង្អ្រៀ​ត​ចម្រុះ​នៅ​ថៃ តាម​សំណើ​សម្ត​ចរ​បស់​តេ​ជោ ហ៊ុន សែន​

, , Leave a comment

13-7-2015 (1)

​រាជធានី​ភ្នំពេញ : រាជរដ្ឋាភិបាល​កម្ពុជា និង​រាជរដ្ឋាភិបាល​ថៃ​បាន​សន្យា​គ្នា​ថា​មិនត្រូវ​ធ្វើ​ឲ្យ​រាំងស្ទះ​ដល់​ការធ្វើ​ពាណិជ្ជកម្ម ឬ​ផលប្រយោជន៍​ប្រទេស​ទាំង​ពីរ​នៅ​តំបន់​ជាប់​ព្រំដែន​ឡើយ ខណៈ​ប្រទេសជិតខាង​គ្នា​នេះ​គ្រោង​ជួបពិភាក្សា ពី​ការកំណត់​ខ្សែបន្ទាត់​ព្រំ​ដែនដី​គោល និង​សមុទ្រ​នៅ​ចុងឆ្នាំ​២០១៥ នេះ​។ ការឯកភាព​គ្នា​នេះ​បាន​ធ្វើឡើង​នៅក្នុង​ឱកាស​នៃ​ជំនួប​ជួបពិភាក្សា​ការងារ​មួយ​រវាង​លោក​ឧបនាយករដ្ឋមន្ត្រី ហោ ណាំហុង រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា ជាមួយនឹង​លោក​ឧត្ដម សេនីយ៍ ប្រា​យុទ្ធ ច័ន្ទ​អូ​ចា នាយករដ្ឋមន្ត្រី​ថៃ​នៅ​វិមាន​រដ្ឋាភិបាល​របស់​ថៃ កាលពី​រសៀល​ថ្ងៃទី​១០ ខែកក្កដា ឆ្នាំ​២០១៥​។​

 

​តាម​ប្រភពពី​ទូរទស្សន៍​ក្នុងស្រុក​របស់​កម្ពុជា​ឲ្យ​ដឹងថា ក្នុងជំនួប​នោះ​ភាគី​ទាំង​ពីរបាន​ព្រមព្រៀងគ្នា​ថា នឹង​ជំរុញ​ឲ្យ​បង្កើត​តំបន់​សេដ្ឋកិច្ច​ពិសេស និង​បើក​ច្រកព្រំដែន​មួយចំនួនទៀត​នៅជាប់​ព្រំដែន​កម្ពុជា ថៃ ដើម្បី​ទាក់ទាញ​ចំណូល​សេដ្ឋកិច្ច​រវាង​ប្រទេស​ទាំងពីរ​។ កិច្ចពិភាក្សា​ដដែល​បាន​ឲ្យ​ដឹង​ទៀតថា ភាគី​ទាំងពីរ​ក៏បាន​ព្រមព្រៀងគ្នា​ឲ្យ​មាន​កិច្ចប្រជុំ​គណៈរដ្ឋមន្ត្រី​ចង្អៀត​ចម្រុះ​នៃ​ប្រទេស​ទាំងពីរ​ជួបពិភាក្សា​គ្នា​នៅ​ចុងឆ្នាំ ២០១៥ នេះ ឬ​ដើមឆ្នាំ​២០១៦ តាម​សំណើ​របស់​កម្ពុជា ដើម្បី​ពិភាក្សា​ពី​ការកំណត់​ព្រំប្រទល់​ដីគោក និង​សមុទ្រ​។​

 

​កន្លងទៅ​ប្រទេស​ថៃ​ធ្លាប់​ដឹកនាំ​កម្លាំង​ទ័ព​វាយលុក​ចូល​ទឹកដី​កម្ពុជា ក្នុង​តំបន់​ប្រាសាទព្រះវិហារ​របស់​ក​ម្ពុ​ជា បន្ទាប់ពី​ប្រាសាទព្រះវិហារ​របស់​ខ្មែរ​ត្រូវ​បានដាក់ បញ្ចូល​ជា​សម្បត្តិ​បេតិកភណ្ឌ​ពិភពលោក​នៅ​ឆ្នាំ​២០០៨​។ រហូតមកដល់​ពេលនេះ ទៀត​សាលក្រម​របស់​តុលាការ​យុត្តិធម៌ អន្តរជាតិ​ទីក្រុង​ឡាអេ ប្រទេស​ថៃ ក៏​មិនទាន់បាន​អនុវត្តតាម​នៅឡើយ​ដែរ ហើយ​ប្រទេស​កម្ពុជា​ក៏​មិនទាន់​ឃើញ​មានការ ចាត់វិធានការ​ណាមួយ​ផងដែរ​។

 

​ប្រភព​បាន​ឲ្យ​ដឹង​ទៀតថា នៅក្នុង​ជំនួប​នោះ​លោក​ឧបនាយករដ្ឋមន្ត្រី ហោ ណាំហុង បាន​ថ្លែងអំណរគុណ​ចំពោះ​រាជរដ្ឋាភិបាល​ថៃ​ដែល​បាន​យល់ព្រម​ប្រគល់​វត្ថុ​បុរាណ​ខ្មែរ​ចំនួន​១៦​ដុំ ដែល​ឈ្មួញ​ទុច្ចរិត​លួច​ចេញពី​កម្ពុជា​កន្លងមក​ឲ្យ​កម្ពុជា​វិញ​។​

 

​ពាក់ព័ន្ធ​បញ្ហា​ពលករ​កម្ពុជា​ធ្វើការ​នៅ ក្នុងប្រទេស​ថៃ​ភាគី​ទាំង​ពីរបាន​ឯកភាពគ្នា​ថា​ក្រសួង​ការងារ​ប្រទេស​ទាំងពីរ​គួរ​ពិចារណា​ធ្វើយ៉ាងណា​ឲ្យ​មានការ​ធានារ៉ាប់រង សុខភាព​សម្រាប់ ពលករ​កម្ពុជា​សម្រួល​ឲ្យ​ពលករ​ធ្វើការ​ដោយ​ស្របច្បាប់​នៅ​ថៃ និង​ការ បណ្ដុះបណ្ដាល​ឲ្យ​ពលករ​មាន​ជំនាញ​វិជ្ជាជីវៈ ព្រមទាំង​ជួយ​សម្រួល​ដល់​ពលករ​តាម​ព្រំដែន​ដែល​ឆ្លង​ចូលមក​ធ្វើការ​តាម​រដូវ និង​ប្រចាំថ្ងៃ​ក្នុងប្រទេស​ថៃ​។​

 

​ភាគី​ទាំងពីរ​ក៏បាន​ពិភាក្សា​ផងដែរ​អំពី​ការអភិវឌ្ឍ​កន្លែង​ណា​ដែល​អាច​ធ្វើបាន​គួរ​ធ្វើ​មុន​ដើម្បី​ផលប្រយោជន៍​ប្រជាជន​ទាំងសងខាង​ដោយ​គ្រាន់តែ​បញ្ជាក់ថា​ការអភិវឌ្ឍ​នេះ​មិន​ប៉ះពាល់​ដល់​ការកំណត់​ព្រំដែន​នៃ​ប្រទេស​ទាំងពីរ​នាពេល​អនាគត​ឡើយ​។

 

ការបង្កើត​តំបន់​សេដ្ឋកិច្ច​ពិសេស : ​ជំរុញ​ក្រុមការងារ​ប្រទេស​ទាំងពីរ​ពិភាក្សា​លើ​ការបង្កើត​តំបន់​សេដ្ឋកិច្ច​ពិសេស​ឲ្យ​បាន​ឆាប់រហ័ស​ដើម្បី​បង្កើន​ពាណិជ្ជកម្ម​និង​ជីវភាព​រស់នៅ​របស់​ប្រជាជន​នៅតាម​ព្រំដែន​នៃ​ប្រទេស​ទាំងពីរ​។

ការបើក​ច្រក​អន្តរជាតិ​ស្ទឹង​បត់ : ​គួរ​ជំរុញ​ឲ្យ​បាន​ឆាប់​តែ​ក៏​គួរ​គិតគូរ​ការបើក​ច្រក​នៅ​អូរ​នាង​ដើម្បី​សម្រួល​ដល់​ការឆ្លងកាត់​ទំនិញ​ដោយ​បច្ចុប្បន្ន​ច្រក​អន្តរជាតិ​ប៉ោយប៉ែត​មានការ​មមាញឹក​ខ្លាំង​ព្រោះ​មាន​រថយន្ត​ដឹកទំនិញ​និង​ទេសចរណ៍​ធ្វើដំណើរ​ឆ្លងកាត់​ច្រើន​ព្រមទាំង​បានការ ឯកភាព​ពិចារណា​ចំពោះ​ការបើក​ច្រក អន្តរជាតិ​៤​ផ្សេងទៀត​។​

 

​ទំនាក់ទំនង​ពាណិជ្ជកម្ម​ទ្វេភាគី​រវាង​កម្ពុជា​និង​ថៃ​សម្រេចបាន​ចំនួន​ទឹកប្រាក់​ជាង ៤ ពាន់​លាន​ដុល្លារ​នៅក្នុង​ឆ្នាំ​២០១៤​។ តែ​ក្នុង​ទំហំ​ពាណិជ្ជ​កម្មនេះ​កម្ពុជា​ទទួលបាន​ផលប្រយោជន៍​តិចតួច​ប៉ុណ្ណោះ ដោយសារ​សមត្ថភាព​ផលិត​របស់​កម្ពុជា​នៅមានកម្រិត​ទាប​បំផុត​។ ទំហំ​ពាណិជ្ជកម្ម​រវាង​កម្ពុជា និង​ថៃ មិនមាន​តុល្យភាព​ឡើយ​ដោយ​ក្នុងនោះ​កម្ពុជា​នាំចេញ​ទំនិញ​ទៅ​ថៃ​តិចជាង​ថៃ​នាំចូល​មកវិញ​ប្រមាណ​១០​ដង​។ របាយការណ៍​របស់​ស្ថានទូត​ថៃ​ប្រចាំ​កម្ពុជា​បានបង្ហាញ​ថា​ទំហំ​ពាណិជ្ជកម្ម​កម្ពុជា​-​ថៃ ប្រមាណ​៤​ពាន់​លាន​ដុល្លារ​អាម៉េរិក​នៅក្នុង​ឆ្នាំ​២០១៤​តែ​ការនាំចេញ​របស់​កម្ពុជា​ទៅ​ប្រទេស​ថៃ​វិញ​មាន​ទំហំ​ប្រមាណ​ជាង ៣០០​លាន​ដុល្លារ​អាម៉េរិក​ប៉ុណ្ណោះ​ក្នុង​មួយឆ្នាំ​។​

 

​គួរបញ្ជាក់​ថា​តប​តាម​ការអញ្ជើញ​របស់លោក​ឧ​ត្ត​ម​សេនីយ៍ ថា​ណា​សក្តិ ប៉ា​ទិ​ម៉ា​ប្រា​កន ឧបនាយករដ្ឋមន្ដ្រី រដ្ឋមន្ដ្រីការបរទេស​នៃ​ព្រះរាជាណាចក្រ​ថៃ លោក​ឧបនាយករដ្ឋមន្ត្រី ហោ ណាំហុង រដ្ឋមន្ដ្រីក្រសួង​ការ បរទេស និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជា​បាន​ដឹកនាំ​គណៈប្រតិភូ​កម្ពុជា​រួមមានៈ​លោក​ទេសរដ្ឋមន្ត្រី វ៉ា គឹមហុង ប្រធាន​គណៈកម្មការ​ព្រំដែន​,​លោកស្រី ភឿង ស​កុ​ណា រដ្ឋមន្ត្រីក្រសួង​វប្បធម៌ និង វិចិត្រសិល្បៈ​,​លោក ឡុង វិ​សា​ឡូ រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ បានមក​បំពេញ​ទស្សនកិច្ច​ផ្លូវការ​នៅ​ព្រះរាជាណាចក្រ​ថៃ​ចាប់ពី​ថ្ងៃទី​១០ ដល់​ថ្ងៃទី​១២ ខែ កក្កដា ឆ្នាំ​២០១៥៕

13-7-2015

 

Leave a Reply

(*) Required, Your email will not be published