លោក​ឧកញ៉ា សុខ ប៊ុន និង​អង្គរក្ស ប្រើ​ច​រិ​ក​ព្រៃ លាយឡំ​នឹង​សុរា វាយតប់ សា​សា គ្មាន​ប្រណី និង​សម្រាត​ខោអាវ​បង្ហាញ​កេរ​ខ្មាស (​វីដេអូ​)

, , Leave a comment

09-7-2015

​រាជធានី​ភ្នំពេញ : សំណុំរឿង​កក្រើក​មេឃរ​បស់​បុរស​ម្នាក់ ដែលជា​ប្រធាន​ក្រុមហ៊ុន TEHO Development និង​ជា​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា រួមទាំង​បក្ខពួក (​អង្គរក្ស​) ត្រូវបាន​កា​ម៉េ​រ៉ា​សុវត្ថិភាព​មួយ ចាប់​រូបភាព ពី​ការប្រើ​ទង្វើ​ហិង្សា លើ​អតីត​ពិធី​ការិនី​ទូរទស្សន៍ CTN កញ្ញា សា​សា កាលពី​យប់​រំលង​អា​ធ្រា​ត ឈានចូល​ថ្ងៃទី​២ ខែកក្កដា ឆ្នាំ​២០១៥ នៅក្នុង​ហាង​ផឹកស៊ី​មួយកន្លែង នៅក្នុង​ក្លឹប​ឡា​ហ្គេ​ន​បា ស្ថិតនៅ​សង្កាត់​ទន្លេ​សា​បាក់ ខណ្ឌចំការមន កំពុង​ត្រូវបាន​តុលាការ​ចាត់វិធានការ​ហើយ​។ ប្រតិកម្ម​របស់​សាលាដំបូង​មិនបាន​នៅ​ដ​ង្អ​ក់​ពេល​យូរ​ឡើយ ដោយនៅ​ល្ងាច​ថ្ងៃទី​៨ ខែកក្កដា ឆ្នាំ​២០១៥​ម្សិលមិញ​នេះ ព្រះរាជអាជ្ញារង លោក ហ៊ឹង ប៊ុនថន បានចេញ​ដីកា​បញ្ជា​ទៅ​សមត្ថកិច្ច​នាយកដ្ឋាន​នគរបាល​ព្រហ្មទណ្ឌ នៃ​ក្រសួងមហាផ្ទៃ ឲ្យ​នាំខ្លួន​លោក​ឧកញ៉ា សុខ ប៊ុន ដើម្បី​ចូល​ឆ្លើយបំភ្លឺ​ទាក់ទង​ករណី​ប្រើ​អំពើហិង្សា​លើ​។​

 

​ប្រភព​ច្បាស់​ការណ៍ បាន​បង្ហើប​ឲ្យ​ដឹងថា មូលហេតុ ដែល​ឧកញ៉ា សុខ ប៊ុន វាយ​សម្រាត​ខោ អាវ និង​ប្រើ​អំពើហិង្សា​យ៉ាង​សាហាវព្រៃផ្សៃ​លើក​ញ្ញា​សា​សា គឺ​ដោយសារតែ​កញ្ញា​សា​សា បាន​ជួយ​អន្តរាគមន៍ កុំ​ឲ្យ​ឧកញ៉ា​រូបនោះ នាំយក​មិត្ត​ភ័ក្តិ​របស់ខ្លួន ដែលជា​ជនជាតិ​ជប៉ុន និង​ជា​ម្ចាស់​ហាង យកទៅ​ខាងក្រៅ​។ ហេតុនេះហើយ បានធ្វើ​ឲ្យ​ឧកញ៉ា ខឹង​ជាមួយ​សា​សា ទើប​ផ្ទុះ​កំហឹង​ទាំង​កំរោល​តែម្តងទៅ​។​

 

​វីដេអូ​ឃ្លី​ប ដែលមាន​រយៈពេល​ជាង ១​នាទី បានបង្ហាញ​ពី​សកម្មភាព​របស់លោក​ឧកញ៉ា សុខ ប៊ុន និង​អង្គរក្ស បាន​ព្រួត​គ្នា​វាយ​ទៅលើ​កញ្ញា សាលា យ៉ាង​ព្រៃផ្សៃ និង​បាន​សម្រាត​ខោអាវ រួមទាំង​បាន​ប្រើ​កាំភ្លើង​ភ្ជង់​គំរាម​បាញ់សម្លាប់​ថែមទៀត​ផង​។​

 

​ឧកញ៉ារូបនោះ ក៏បាន​ចាប់ទាញ​បោចសក់​ក្បាល​កញ្ញា សាលា ពីលើ​សា​ឡុង ដោយ​ប្រើ​ដៃ និង​ជើង​វាយ​ទាត់​ធាក់​តាមចិត្ត​។ ចំណែក​អង្គរក្ស​របស់​ឧកញ៉ា សុខ ប៊ុន បាន​ដក​កាំភ្លើងខ្លី​ពី​ចង្កេះ​ភ្ជង់​គំរាម​បាញ់​បុគ្គលិក និង​ថៅកែ​ហាង មិន​ឲ្យ​ចូល​ជួយ​នោះទេ​។ បន្ទាប់ពី​បាន​ប្រើ​អំពើហិង្សា​វាយ​ទាត់ ធាក់​ទៅលើ​កញ្ញា​សា​សា រួច លោក​ឧកញ៉ា សុខ ប៊ុន និង​អង្គរក្ស បាននាំគ្នា​គេចចេញ​ពី​កន្លែងកើតហេតុ​។​

 

​វីដេអូ​ឃ្លី​ប ដែល​បានបង្ហាញ​ពី​ការប្រើ​អំពើហិង្សា​ទៅលើ​កញ្ញា សា​សា ពី​សំណាក់​លោក​ឧកញ៉ា សុខ ប៊ុន ត្រូវបាន​បង្ហោះ​នៅលើ​បណ្តាញ​សង្គម ដោយមាន​ការ​ស៊ែរ​ចែករំលែក​ត​គ្នា​ពីមួយ​ទៅមួយ ដោយមាន​ការរិះគន់ និង​ថ្កោល​យ៉ាងខ្លាំង​ទៅលើ​លោក​ឧកញ៉ា​រូបនោះ​។​

 

​ពាក់ព័ន្ធ​ការប្រើ អំពើហិង្សា​នេះ កញ្ញា សា​សា បាន​ប្រាប់ថា កញ្ញា​មិនបាន​ស្គាល់​បុរស ដែល​បាន​ប្រើ​អំពើហិង្សា​មកលើ​ខ្លួន​នោះទេ ហើយ​នៅមុន​ពេល​កើតហេតុ​កញ្ញា បាន​អង្គុយលេង​ធម្មតា ហើយ​មិត្ត​ភ័ក្តិ​របស់​កញ្ញា​ស្រវឹង (​ថៅកែ​ហាង ដែលជា​ជនជាតិ​ជប៉ុន​) បាន​អង្វរ​ឲ្យ​នៅ​អង្គុយ​កំដរ ពេលនោះ ភ្ញៀវ​ក៏បាន​ចេញពី​ក្នុង​ហាង​អស់ហើយ ប៉ុន្តែ​ស្រាប់តែ​បុរស​ពីរ​នាក់ ដែលជា​ភ្ញៀវ ក៏បាន​ត្រឡប់មក​ក្នុង​ហាង​វិញ ដោយបាន​ចាប់​អូស​មិត្ត​ភ័ក្តិ​របស់ខ្លួន​ទាំង​បង្ខំ ដើម្បី​យកចេញ​ទៅ​ក្រៅ រហូត​មិត្ត​ភ័ក្តិ​ខ្លួន​យំ និង​បាន​ស្រែក​ឲ្យ​ខ្លួន​ជួយ ហើយ​ខ្លួន ក៏បាន​ប្រាប់​ទៅ​បុរស​នោះ កុំ​ឲ្យ​ចាប់បង្ខំ​មិត្ត​ភ័ក្តិ​ខ្លួន ហើយ​ស្រាប់តែ​អង្គរក្ស​របស់​បុរស​ម្នាក់​នោះ បាន​ស្រែកជេរ​ម្រា​យ​ខ្លួន កុំ​ឲ្យ​ចេះដឹង (​កុំ​ចេះ ចង់​ងាប់​ហេះ​) ដោយមាន​កាំភ្លើង​កាន់​នៅ​ដៃ ហើយ​ខ្លួន ក៏បាន​ប្រាប់​កុំ​ឲ្យ​ជេរ​ម្តាយ​របស់ខ្លួន ហើយ​នៅពេលដែល​ខ្លួន​មាត់​ទៅវិញ ក៏​ស្រាប់តែ​បុរស​រូបនោះ (​ឧកញ៉ា សុខ ប៊ុន​) ស្ទុះ​មក​វាយ​ខ្លួន​។​

 

​កញ្ញា សា​សា បាន​រៀងរាប់​ថា ការប្រើ​អំពើហិង្សា​មកលើ​កញ្ញា គឺ​ដូចជា​នៅក្នុង​វីដេអូ​ឃ្លី​ប អីចឹង ហើយ​ប្រដាប់​ដោយ​អាវុធ ដោយ​ភ្ជង់​ក្បាល និង​បាន​យក​ជើង​ជាន់​ក្បាល​ខ្ទប់​នៅ​នឹង​ឥដ្ឋ និង​មាន​អា​ម៉េ​បាញ់​ដែរ តែ​គ្រាប់​ស្អុយ ហើយ​អូស​ខ្ញុំ​រហូតដល់​៥ ទៅ ៦​ម៉ែត្រ​។ វាយ​ខ្ញុំ​មិនតិចជាង ៥​នាទី​ទេ​។ គាត់​វាយ​ម៉ា​ឆ្អែត​ម៉​ង វាយ​ហើយ​សម្រាត​ខោអាវ​ខ្ញុំ​ទៀត​។ និយាយ​រួម​វាយ​សម្រាត​ខោ អាវ ខ្ញុំ​ម៉​ង​។ វាយ​ខ្ញុំ​ដូច​សត្វ​ធាតុ​។ នេះ​បើ​អត់​មាន​អ្នករត់​តុ​ជួយ​។ ខ្ញុំ​ប្រហែលជា​អាច​ស្លាប់បាត់​ហើយ​។ អ្នករត់​តុ គាត់​ជួយ​ឃាត់​។ ខ្ញុំ​បានដាក់​ពាក្យបណ្តឹង​អស់ហើយ​”​។​

 

​កាលពី​ល្ងាច ថ្ងៃទី​៨ ខែកក្កដា ឆ្នាំ​២០១៥ លោក ហ៊ឹង ប៊ុនថន ព្រះរាជអាជ្ញារង​សាលាដំបូង​រាជធានី​ភ្នំពេញ បានចេញ​ដីកា​បញ្ជា​ឲ្យ​លោក​ឧកញ៉ា សុខ ប៊ុន ចូលខ្លួន​ឆ្លើយបំភ្លឺ​ទាក់ទង​ករណី​ប្រើ​អំពើហិង្សា​លើក​ញ្ញា សាលា​។ លោក​ឧកញ៉ា សុខ ប៊ុន ក៏​ត្រូវបាន​សមត្ថកិច្ច​នាយកដ្ឋាន​នគរបាល​ព្រហ្មទណ្ឌ​នៃ​ក្រសួងមហាផ្ទៃ ហៅ​ឲ្យ​ចូលខ្លួន​ឆ្លើយបំភ្លឺ​ផងដែរ​។ តែ​មិន​ព្រម​ចូលខ្លួន និង​រក​មិនឃើញ ទើប​សមត្ថកិច្ច​សុំ​ដីកា​ពី​តុលាការ ដើម្បី​ឲ្យ​ចូលខ្លួន​។​

 

​ចំណែក​លោក​ឧកញ៉ា សុខ ប៊ុន និង​អង្គរក្ស ដែលជា​អ្នកបង្ក​អំពើហិង្សា​លើក​ញ្ញា សា​សា មិនអាច​សុំ​ការអត្ថាធិប្បាយ​បានទេ ដោយ​លេខ​ទូរស័ព្ទ​ដែល​ធ្លាប់​ទំនាក់ទំនង មិនអាច​ទាក់ទង​បាន​(​បិទ​ចោល​)៕

 

 

Posted by Komneut Thmey News on Wednesday, 8 July 2015

 

Leave a Reply

(*) Required, Your email will not be published