កញ្ញា គង់ សូ​នី​តា អា​ថ៍កំ​បាំង​នៃ​ស្បែក​ដ៏​ស្រស់ស្អាត​របស់​នាង​

, , Leave a comment

kongsonita1

​កញ្ញា គង់ សូ​នី​តា មាន​អាយុ​២៥​ឆ្នាំ កំពុងតែ​មមាញឹក​យ៉ាងខ្លាំង​ជាមួយនឹង​អាជីព​របស់​នាង​។ នាង​កំពុង​បំពេញការងារ​នៅក្នុង​គម្រោង​ជាច្រើន មានការ​ងារ​ជាតា​រា​ម៉ូ​ដែល និង​ជា​តារា​សម្ដែង​នៅក្នុង​វីដេអូ​តន្ត្រី​ផងដែរ ក្នុង​គោលបំណង ដើម្បី​ផ្គត់ផ្គង់​ម្ដាយ​របស់​នាង​ព្រមទាំង​សម្រេច​ឲ្យ​បាន នូវ​សុបិន​ដែល​កញ្ញា​ចង់​ទទួលបាន​នូវ​កេរ្តិ៍ឈ្មោះ​ល្បី​រន្ទឺ​នៅក្នុង​វិស័យ​ចម្រៀង​និង​ពិភព​នៃ​ហ្វេ​ហ្សិ​ន​ផងដែរ​។​

 

​តើ​កញ្ញា​ចាប់ផ្ដើម​អាជីព​ជា​តារាចម្រៀង​ដោយ​របៀប​ណា​?
​អាជីព​ជា​តារាចម្រៀង​របស់​នាង​ខ្ញុំ​ចាប់ផ្ដើម​នៅពេលដែល​នាង​ខ្ញុំ​ត្រូវបាន​ណែនាំ​ឲ្យ​ចូលទៅក្នុង​ផលិតកម្ម​ព្រះ​ច័ន្ទ (​ឥឡូវ​ប្តូរ​មកជា​ផលិតកម្ម បុប្ផា​) ហើយ​នាង​ខ្ញុំ​ចាប់ផ្ដើម​ច្រៀង​នៅក្នុង​ផលិតកម្ម​មួយ​នេះ​ដោយ​គ្មាន​ការចុះកិច្ចសន្យា​អ្វី​ទេ ហើយ​បានចាប់ផ្ដើម​នៅក្នុង​ឆ្នាំ​២០១០​។​នាង​ខ្ញុំ​ជា​ម្ចាស់​បទ​ចម្រៀង​ពីរ បទ​នៅក្នុង​ផលិតកម្ម​នេះ​ប៉ុន្តែ​បន្ទាប់មក​ដោយសារតែ​នាង​ខ្ញុំ មមាញឹក​ជាមួយនឹង​ការងារ​ផ្សេងទៀត​នាង​ខ្ញុំ​ក៏បាន​បញ្ឈប់​ការ​ច្រៀង នៅក្នុង​ផលិតកម្ម​នេះ​។​

 

​តើ​អ្នកណា​ឬអ្វី​ដែល​បំផុសគំនិត​របស់​កញ្ញា​?
​នាង​ខ្ញុំ​ស្រលាញ់​វិស័យ​សិល្បៈ​ដូច្នេះ​នាង​ខ្ញុំ​ពិតជា​ចង់​ក្លាយជា ផ្នែក​មួយ​នៃ​វិស័យនេះ​។​ចំណែកឯ​ផ្នែក​ដែល​នាង​ខ្ញុំ​ស្រលាញ់​ពេញចិត្ត បំផុត​គឺ​ផ្នែក​បង្ហាញ​ម៉ូដ​។​

 

​តើ​កញ្ញា​ចូលចិត្ត​ធ្វើ​អ្វី​នៅពេល​ទំនេរ​?
​នាង​ខ្ញុំ​ចូលចិត្ត​ស្ដាប់​បទ​ចម្រៀង​ព្រោះ​នាង​ខ្ញុំ​ស្រលាញ់​ការ​ច្រៀង ហើយ​នាង​ខ្ញុំ​ក៏​ចូលចិត្ត​មើល​វីដេអូ​នៅក្នុង​គេហទំព័រ​YouTube​ថា​តើ ធ្វើខ្លួន​បែបណា​ដើម្បី​ក្លាយជា​តារា​បង្ហាញ​ម៉ូដ​ដ៏​ល្អ​មួយរូប​។​

 

​តើ​កញ្ញា​មានការ​ថែរក្សា​រូបសម្បត្តិ​យ៉ាងណាខ្លះ​?
​ទី​១​នាង​ខ្ញុំ​ទទួលទាន​អាហារ​និង​ផ្លែឈើ​ដែល​ប្រកបដោយ​សុខភាព​ល្អ​។​ទី ពីរ​នាង​ខ្ញុំ​តែងតែ​ទទួលទាន​ទឹកដោះ​គោមួយ​កែវ​មុនពេល​ចូល​គេង​។​

 

​តើ​កញ្ញា​ពិ​ព័ណ៌នា​ស្តា​យល៍​ផ្ទាល់ខ្លួន​របស់​កញ្ញា​បាន​ដោយ​របៀប​ណា​?
​នាង​ខ្ញុំ​ចូលចិត្ត​ស្លៀកពាក់​សម្លៀកបំពាក់​សិច​ស៊ី​ប៉ុន្តែ​អាស្រ័យ​ទៅ តាម​កម្មវិធី​ដែល​នាង​ខ្ញុំ​នឹងចូលរួម​ផងដែរ​។​នៅពេល នាង​ខ្ញុំ​ទៅ​កំសាន្ត​លំហែ​ជាមួយ​ក្រុមគ្រួសារ​នាង​ខ្ញុំ​ចូលចិត្ត ស្លៀកពាក់ ធម្មតា​។​

 

​តើ​កញ្ញា​នឹងធ្វើ​អ្វី​ប្រសិនបើ​មាន​នរណាម្នាក់​តាម​ចែចង់​កញ្ញា​?
​មាន​បុរស​ជាច្រើន​ព្យាយាម​តាម​ចែចង់​នាង​ខ្ញុំ​តាមរយៈ​គេហទំព័រ​ហ្វេ​ស​ប៊ុ​គ ហើយ​នាង​ខ្ញុំ​តែងតែ​ប្រកែក​ជាមួយ​ពួកគាត់​។​នាង​ខ្ញុំ​និយាយ​ដោយ ស្មោះត្រង់​ទៅ​ចុះ​នាង​ខ្ញុំ​មិនបាន​យកចិត្តទុកដាក់​ទៅលើ​បុរសៗ​ដែល ចូលចិត្ត​ធ្វើបែបនេះ​ព្រោះ​នាង​ខ្ញុំ​ដឹងថា​ពួកគេ​គ្រាន់តែ​ចង់​តាម​ចែចង់ នាង​ខ្ញុំ​តែប៉ុណ្ណោះ​គ្មានអ្វី​ច្រើនជាង​នេះ ទេ​។​

 

​តើ​កញ្ញា​ចូលចិត្ត​បុរស​ដែល​ស្លៀកពាក់ បែបណា​?
​នាង​ខ្ញុំ​ចូលចិត្ត​បុរស​ដែល​ស្លៀកពាក់​សម្លៀកបំពាក់​ឆ្លាត​វៃ​នាង​ខ្ញុំ មិន​ចូលចិត្ត​បុរស​ដែល​ស្លៀកពាក់​ដូចជា​ក្មេងប្រុស​អ្នកលេង​នោះទេ​។​ ​ប្រសិនបើ​កញ្ញា​អាច​ផ្ដល់​ជាការ​ផ្ដាំផ្ញើ​ទៅកាន់​សុភាពបុរស​ទាំងឡាយ​តើ​ការ​ផ្ដាំផ្ញើ​ទាំងនោះ​ជា​អ្វីខ្លះ​? ​នាង​ខ្ញុំ​ចង់​ឲ្យ​សុភាពបុរស​ទាំងឡាយ​ស្មោះត្រង់​ជាមួយនឹង​ដៃគូ​របស់​ពួកគេ ។​នាង​ខ្ញុំ​មើលឃើញថា​បុរស​ភាគច្រើន​តែងតែ​បោកប្រាស​ដៃគូ​ស្នេហា​របស់ ពួកគេ​។​ពួកគេ​ស្រលាញ់​និង​ថែរក្សា​ពួកនាង​តែ​នៅ​គ្រា​ដំបូង​តែប៉ុណ្ណោះ ប៉ុន្តែ​បន្ទាប់មក​ពួកគេ​នឹង​លែង​អើពើ​នឹង​ពួកនាង​រួច​ស្វែងរក​ដៃគូ​ថ្មី ផ្សេងទៀត​៕

 kongsonita2 kongsonita5 kongsonita4 kongsonita3

ប្រភព​ ៖ leshommes.biz

 

Leave a Reply

(*) Required, Your email will not be published