កាំភ្លើង​របស់លោក ស្វាយ សា​វេត អធិការ​ង​ស្រុក​បារាយណ៍ ក្លាយជា​ចៅក្រម​កាត់ក្តី ដោយ​បាញ់​ឬះ​ប្រជាពលរដ្ឋ​យ៉ាង​ទំនើង ដោយ​គ្មាន​ហេតុផល​

, , Leave a comment

​ខេត្តកំពង់ធំ : មាន​ករណី​បង្ករ​ឲ្យ​មានការ​ភ្ញាក់ផ្អើល​ទូទាំង​ខេត្តកំពង់ធំ​បណ្តាលមកពី​លោក ស្វាយ សា​វេត អធិការ​ង​នៃ​អធិការដ្ឋាន​ស្រុក​បារាយណ៍​ដេញ​បាញ់​ប្រជាពលរដ្ឋ ដោយ​ចោទថា ចេះ​ធ្មប់​អាប​ធ្វើ​ឲ្យ​ជនរងគ្រោះ ភ័យ​ស្លន់ស្លោរ រត់​ស្ទើរ​ក្ស័យជីវិត ដោយសារតែ​គ្រាប់កាំភ្លើង​របស់លោក​អធិការរង​ទំនើង​រូបនេះ ខណៈដែល​កំពុង​ធ្វើបុណ្យ​។ ហេតុ​ការបាញ់បោះ​សេរី​អាង​ខ្លួន​ជា​អធិការ​ង ស្រុក​បារាយណ៍ យក​អាវុធ​មក​កាត់ក្តី​ប្រជាពលរដ្ឋ​ដោយ​គ្មាន​ការពិចារណា​ចោទ​ប្រជាពលរដ្ឋ​ថា ចេះ​ធ្មប់​អាប ដោយ​គ្មាន​មូលដ្ឋាន​ច្បាស់លាស់ នូវ​ជំនឿ​ហួសហេតុ សំណាងល្អ​ជនរងគ្រោះ​បាន​រត់​លាក់ខ្លួន​ពួន​អាត្មា ដោយសារតែ​លោក ស្វាយ សា​វេត​បាន​យក​កាំភ្លើងខ្លី ប្រភេទ​៥៤​បាញ់​តម្រង់ ជនរងគ្រោះ​ចំនួន​២​គ្រាប់ តែ​សំណាងល្អ​មិន​ត្រូវតែ​ជនរងគ្រោះ​បានគ្រោង​នឹង​ប្តឹង​មក តុល​ការ​ខេត្តកំពង់ធំ តែ​ត្រូវបាន​គេ​គំរាម​មិន​ឲ្យ​ប្តឹង​ទើប​សម្របសម្រួល​។​

 

​តាម​សាក្សី​ដែល​បានឃើញ​ហេតុការណ៍​បាន​ឲ្យ​ដឹងថា មុនពេល​កើតហេតុ គឺមាន​សាច់ញាតិ​លោក​អធិការរង ស្វាយ សា​វេត ឈឺ​ស្លាប់ បន្ទាប់ពី​ដឹក​សាកសព​មកពី​ពេទ្យ ខណៈដែល​រៀបនឹង​ធ្វើបុណ្យ​ស្រាប់តែ​លោក​អធិការ​ទំនើង​បាន​ខឹងច្រឡោត​ដោយ​គ្មាន​ការពិចារណា​យក​អាវុធ​ដេញ​ជនរងគ្រោះ​ឈ្មោះ នី ជា​ជនជាតិ​ខែ្មរ​អ៊ីស្លាម​មានមុខ​របរ កាប់​គោល​ក់ នៅ​ផ្សា​កំពង់ថ្ម រស់នៅ​ភូមិ​ត្រស់ ឃុំ​បា​ល្ល័​ង ស្រុក​បារាយណ៍ ខេត្តកំពង់ធំ ដោយ​ចោទថា ជនរងគ្រោះ​ចេះ​ធ្មប់​បានធ្វើ​ឲ្យ​សាច់ញាតិ​របស់ខ្លួន​ស្លាប់​កាលពី​ព្រលប់​ថ្ងៃទី​២១ ខែមិថុនា​ឆ្នាំ ២០១៥​។​

 

​លោក សាយ ណូ​រ៉ា ព្រះរាជអាជ្ញារង បាន​ឲ្យ​ដោយ​ដឹងថា លោក​កំពុងតែ​ស្រាវជ្រាវ​ទៅ​លោក សួង ថេ​ន អធិការ​ស្រុក​បារាយណ៍ ពី​ករណី​ដេញ​បាញ់​ជនរងគ្រោះ ហើយ​លោក​បាន​បញ្ជាក់ថា លោក​អធិការ​ង​រូបនេះ​បាន​យក​អាវុធ​ដេញ​បាញ់ ប្រជាពលរដ្ឋ​នេះ តើ​មាន​មូលដ្ឋាន និង​ភស្តុតាង​អ្វី ដែល​ចោទថា គេ​ចេះ​ធ្មប់​។ មហាជន​បាន​រិះគន់​យ៉ាង​ចាស់ដៃ ទៅលើ​លោក​ប៉ូលិស​រូបនេះ ដែលមាន​ឋានៈ​ដល់​ទៅ​អធិការ​ង​ទទួលបន្ទុក​ផ្នែក​សន្តិសុខ តែ​បែរជា​គ្មាន គោរព​តាមច្បាប់ អាង​អំណាច អាង​អាវុធ មិន​ព្រម​ស្រាវជ្រាវ​តាម​និតិ​វិធី​បែរជា​ចោទថា​ចេះ​ធ្មប់ ហើយ​ឈានទៅដល់​ការដេញ​បាញ់​ចំនួន​២​គ្រាប់ នេះ​សំណាងល្អ បើសិនជា​ជនរងគ្រោះ​រត់​មិនទាន់​ច្បាស់​ជា​ក្លាយទៅជា​សាកសព​ម្នាក់​ទៀតហើយ​ដូច្នេះ​ពួកគាត់​មានការ​ព្រួយបារម្ភ​នូវ​ទង្វើ​របស់លោក​អធិការ​ង​រូបនេះ​ធ្វើ​ចំពោះ​ប្រជាពលរដ្ឋ​ដ៏ទៃទៀត និង​សូម​ឲ្យ​ឯកឧត្តម នេ​ត សាវឿន អគ្គស្នងការ​នគរបាល​ជាតិ និង​លោក ជូ សំអាន ស្នងការ​នគរបាល​ខេត្តកំពង់ធំ ជួយ​រក​ភាព​យុត្ត​ធម៌ ឲ្យ​ជនរងគ្រោះ​ផង​ទោះ​ជាមាន​ការហាម​មិន​ឲ្យ​ជនរងគ្រោះ​ប្តឹង​ក៏ដោយ ក៏​មិនត្រូវ​ទុកអោយ​អធិការ​ទំនើង​រូបនេះ​ធ្វើ​អ្វី​តាម​អំពើ​ចិត្ត​នោះឡើយ​។​

 

​ចំណែក​លោក ស្វាយ សា​វេត អធិការ​ង ដែលជា​ជន​ទំនើង បាន​ឲ្យ​ដឹងថា ក្រោយពី​សាច់ញាតិ​លោក​ស្លាប់​លោក​មានការ​សោកស្តាយ ហើយ​ខឹងច្រឡោត ដោយ​ពុំ​បានគិត​មែន ហើយ​សុំ​មិន​ឲ្យ​ជនរងគ្រោះ​ប្តឹង​ទៅលើ​ដោយ​សុំ​ឲ្យ​បញ្ចប់រឿង​ត្រឹមនេះ​ខ្លួន​សុខចិត្ត​សម្របសម្រួល​៕

24-6-2015

 

Leave a Reply

(*) Required, Your email will not be published