សាលដីការ​សម្លាប់​រាស្ត្រ​ខ្មែរ ព្រោះតែ​មន្ត្រី​មានអំណាច​

, , Leave a comment

23-6-2015 (2)

​ខេត្ត​ព្រះសីហនុ : តំណក់ទឹកភ្នែក​ប្រជាពលរដ្ឋ​ក្រីក្រ​នៅតែ​ស្រក់​ជោគជាំ​លើ​ព្រះធរណី​មិនចេះចប់ មិនចេះ​អស់ ដោយសារតែ​ពួក​មន្ត្រី​មានអំណាច​ជាន់ឈ្លី​លើ​ក្បាល​រាស្ត្រ​ស្រេច​តែ​ចិត្ត​គ្មាន​អ្នក​រវីរវល់ អើពើ​ពី​សុខទុក្ខ​រាស្ត្រ​យ៉ាងណា​នោះឡើយ​។ ជាក់ស្តែង​ប្រជាពលរដ្ឋ​ដែលជា​ម្ចាស់​ដី​២៤​គ្រួសារ រស់នៅ​ម្តុំ​កំ​ពេញ​ចាស់ ស្ថិតនៅ​ភូមិ​១ សង្កាត់​លេខ​២ ខណ្ឌ​មិត្តភាព ក្រុងព្រះសីហនុ ខេត្ត​ព្រះសីហនុ ដែល​បានមក​រស់នៅ​លើដី​នេះ​ចាប់តាំងពី​ឆ្នាំ​១៩៧៩ បាន​ទួញ​យំ សោកសៅ ទាមទារ​រក​យុត្តិធម៌​រហូតដល់​សន្ល​ប់ ខណៈដែល​សាលដីកា​របស់​តុលាការខេត្ត បាន​ចុះ​អនុវត្ត​ច្បាប់ ដោយ​បានដាក់​បទចោទប្រកាន់​ថា​ពួកគាត់​២៤​គ្រួសារ​មក​រស់នៅ​លើដី​រដ្ឋ ហើយ​បាន​ប្រើ​កម្លាំង​សមត្ថកិច្ច​ចុះ​រុះរើ​កម្ទេច​ផ្ទះ​ប្រជាពលរដ្ឋ​យ៉ាង​សាហាវព្រៃផ្សៃ​បំផុត​។​

 

​ទង្វើ​ទាំងអស់នេះ​សឹងតែ​គ្រប់​ទីកន្លែង​ដែលជា​តំបន់​ដី​ត្រូវប៉ាន់​របស់​ពួក​មន្ត្រី​មានអំណាច​បានធ្វើ​ឲ្យ​សម្រែក​ទួញ​យំ​របស់​ប្រជាពលរដ្ឋ​ឮសូរ​កងរំពង​ដោយ​ពាក្យ “​អយុត្តិធម៌​ណាស់ អយុត្តិធម៌​ណាស់​” ពាសពេញ​ប្រទេស​ខ្មែរ​យ៉ាង​ឈឺចាប់​។ ចំណែកឯ​ពួក​អស់លោក​មន្ត្រី​មួយចំនួន​វិញ គិតតែ​ពីស​ប្បាយ ច្រៀង រាំ​ក្នុង​ក្លឹប ខារ៉ាអូខេ មាន​រថយន្ត​ទំនើប មានផ្ទះ​វីឡា​ស្កឹមស្កៃ ដេក​លើ​កម្រាលពូក សា​ឡុង មាន​ម៉ាស៊ីនត្រជាក់ ដេក​ឱប​ស្រីក្មេង យ៉ាង​សុខសាន្ត ម្នាក់ៗ​ប្រើ​អំណាច​រៀងៗ​ខ្លួន ដណ្តើមយក​ដី​រាស្ត្រ ដូច​ហែក​សាច់​ឈ្លូស ចែកគ្នា​ស៊ី​មិនចេះ​ឆ្អែតឆ្អន់ ចំណែក​អ្នក​ដែល​រងទុក្ខវេទនា​គឺជា​រាស្ត្រ​។ អស់លោក​ជា​អាណាព្យាបាល​របស់​រាស្ត្រ ពួកគាត់​ត្រូវការ​រស់នៅ​ដោយ​ពឹងផ្អែក ពំនាក់​អាស្រ័យ​លើ​ការយកចិត្ត​ទុក្ខ​ដាក់​របស់​អាណាព្យាបាល តែបើ​អាណាព្យាបាល​មិន​ផ្តល់​ភាពកក់ក្តៅ​ដល់​ប្រជារាស្ត្រ​ខ្លួនឯង​ហើយ​នោះ​តើ​ឲ្យ​ពួកគាត់​រស់នៅ​យ៉ាងណា​?

 

​សរុបសេចក្តី​មក​មន្ត្រី​មានអំណាច​ស្រុក​ខ្មែរ គឺជា​អ្នកមាន​សិទ្ធ​កាន់កាប់​ដីធ្លី​របស់​ប្រជាពលរដ្ឋ​ទន់ខ្សោយ​៕

23-6-2015 23-6-2015 (1)  23-6-2015 (3) 23-6-2015 (4) 

23-6-2015 (5)

 

Leave a Reply

(*) Required, Your email will not be published