ហ្វី​ហ្វី ត្រូវបាន​ឧកញ៉ា​ជំនួញ​ឈើ​ប្រណីត​ទំនុកបម្រុង​

, , Leave a comment

23-6-2015 (2)23-6-2015

​រាជធានី​ភ្នំពេញ : តារា​សម្តែង ហ្វី​ហ្វី ដែល​ទើបតែ​មានឈ្មោះ បោះ​សំឡេង ក្នុងអំឡុង​ឆ្នាំ​២០១៤ ដោយសារតែ​នាង​ហ៊ាន​បង្ហាញ​នូវ​ភាព​សិច​ស៊ី​យ៉ាង​ចាស់ដៃ មិន​ខ្លាច​សំឡេង​រិះគន់​ពី​សំណាក់​មហាជន​។ ស្របពេល​ជាមួយនឹង​ភាពល្បីល្បាញ​ក្នុង​វិថី​សិល្បៈ​នេះ ហ្វី​ហ្វី ក៏បាន​បង្ហាញ​ពី​ភាព​ស៊ីវីល័យ​ក្នុង​ការរស់នៅ​ប្រចាំថ្ងៃ​ដោយ​នាង​បាន​សម្ញែង​នូវ​សម្ភារៈ​និយម​ថ្លៃៗ ល្អៗ បង្អួត​ក្រសែភ្នែក​ទស្សនិកជន​។ ចំណុច​នេះ​ត្រូវគេ​សង្ស័យថា តារា​ដែល​រះ​ថ្មី​មួយ​ដួង​នេះ​កំពុង​តែមាន​ទេវបុត្រ​ជិះ​សេះស មាន​ឋានៈ​ធំ​ណា​ម្នាក់ យក​ធ្វើជា​ម្ចាស់​ស្នេហ៍ និង​បាន​ជួយ​ទំនុកបម្រុង​ផ្គត់ផ្គង់ ផ្តល់​អ្វីៗ​គ្រប់យ៉ាង​ដែល ហ្វី​ហ្វី ត្រូវការ​។​

 

​ជាក់ស្តែង​នៅក្នុង​ថ្ងៃ​ខួបកំណើត​កាលពី​រាត្រី​ថ្ងៃ​១២ ខែធ្នូ ឆ្នាំ​២០១៤ កន្លងទៅ​ថ្មីៗ​នេះ ត្រូវបាន​ប្រភព​ដែល​ស្និទ្ធ​នឹង​កញ្ញា​បាន​បង្ហើប​ប្រាប់ថា គឺជា​ការ​ទំនុកបម្រុង​ពី​លោក​ឧកញ៉ា​ជំនួញ​ឈើ​ប្រណីត​ដ៏​ល្បីឈ្មោះ​ម្នាក់ ជា​អ្នក​ទំនុកបំរុង រាល់​ការចំណាយ​ទាំងអស់​ធ្វើយ៉ាងណា​ឲ្យ​ស្រី​ស្រស់​បណ្តូលចិត្ត​ម្នាក់នេះ ពេញ​ក្នុង​ហឫទ័យ​។​

 

​តារា​សម្តែង​វ័យក្មេង សាច់​សខ្ចី ពោរពេញ​ដោយ​សម្រស់​ទាក់ទាញ​ក្រសែភ្នែក​ក្រុម​កន្លង់ៗ ឲ្យ​លង់លក់​ក្នុង​ភ្លើងតណ្ហា​នៃ​ក្តី​ស្នេហ៍​កញ្ញា ហ្វី​ហ្វី បាន​ប្រារព្ធ​ពិធី​ខួបកំណើត​គម្រប់​វ័យ​២៥​ឆ្នាំ យ៉ាង​អធិកអធម​ដោយមាន​អ្នកសិល្បៈ​ជាច្រើន​ចូលរួម​។ ក្នុងនោះដែរ​គេ​សង្កេតឃើញ​មាន ឯកឧត្តម និង​លោក​ឧកញ៉ា​មួយចំនួន​ចូលរួម​ផងដែរ ខណៈ​ដែលមាន​ឧកញ៉ា​ល្បីឈ្មោះ​ខាង​ជំនួញ​ឈើ​ក្រញូង​ម្នាក់ រកស៊ី​ក្នុង​ដែនដី​នៃ​ខេត្តក្រចេះ ស្ទឹងត្រែង រតនគិរី និង​ក៏​ជា​ម្ចាស់​ចម្ការកៅស៊ូ​ក្នុង​ខេត្តត្បូងឃ្មុំ ព្រមទាំង​មានកា​រ៉ា​ស់​សាំង​ថែម​ទៀតផង​។​

 

​ប្រភព​ដែល​ច្បាស់​ការណ៍ ហើយ​ស្និទ្ធ​នឹង​កញ្ញា​បាន​លួចខ្សឹប​ទៀតថា លោក​ឧកញ៉ា​ជំនួញ​ឈើ​ប្រណីត​ដ៏​ល្បីឈ្មោះ​ម្នាក់​នោះ ត្រូវបាន​គេ​ស្គាល់​ឈ្មោះថា “​សុំមិនបញ្ចេញឈ្មោះសិន​” ជា​អ្នករកស៊ី​ឈើ ក្នុង​ខេត្តក្រចេះ ស្ទឹងត្រែង រតនគិរី និង​ខេត្ត​មួយចំនួនទៀត ព្រមទាំង​ជា​ម្ចាស់​ចម្ការកៅស៊ូ ក្នុង​ខេត្តកំពង់ចាម​ផងដែរ​។

 

​ជុំវិញ​ការធ្វើ​ខួបកំណើត​ជូន​ស្រី​កំណាន់ចិត្ត​នោះ គឺ​តារា​សម្តែង​សាច់​សខ្ចី ហ្វី​ហ្វី នៅពេលនេះ បាន​បដិសេធថា គ្មាន​អ្នកណា​ជួយ​ទំនុកបម្រុង ធ្វើ​ឲ្យ​នាង​ទេ គឺ​ប៉ា​របស់​នាង​ជា​អ្នកធ្វើ​ឲ្យ និង​ចេញ​លុយ​ខ្លួនឯង​ខ្លះ​ដែរ​។ ចំណែក​ឯកឧត្តម​ក៏មាន​ចូលរួម​ដែរ​តែ​អង្គុយ​ផ្សេងៗ​គ្នា ខ្លាច​អ្នកកាសែត​យល់ច្រឡំ ទើប​មិន​ហ៊ាន​ចូលរួម​ស្និទ្ធស្នាល​ខ្លាំង​៕

 23-6-2015 (1)

 

Leave a Reply

(*) Required, Your email will not be published