ពាក្យ​មួយ​ដែល​អាច​បណ្តុះ​គំនិត​«​អាចធ្វើ​បាន​»​ដល់​កូន​អ្នក​

, , Leave a comment

20-6-2015 (1)

​មានរឿង​ជាច្រើន​ដែល​យើង​ធ្វើជា​រៀងរាល់ថ្ងៃ​ដើម្បី​អាច​បង្រៀន​ដល់​កូន​របស់​យើង​ដូចជា​កិច្ចការ​សាមញ្ញ​នៃ​ការរៀន​ប្រើ​គ្រឿង​ប្រដាប់​ប្រើប្រាស់​សម្រាប់​ញុំ​ា​បាយ​រឺក៏​រៀន​ចាក់​ទឹកដោះគោ​ចូលក្នុង​កែវ​ឬមួយ​ក៏​ចងខ្សែ​ស្បែកជើង​។ សម្រាប់​ក្មេង​ធំ​វា​អាចជា​ការរៀន​ជិះ​កង់​ជាដើម​។

 

កំឡុងពេល​នៃ​ការព្យាយាម​និង​ការបរាជ័យ​ដែល​នៅតែ​កំពុង​បន្ត​វា​មិនអាច​ជៀសផុត​ទេ​ដែល​នៅ​ចំណុច​ណាមួយ​ក្មេង​ប្រហែលជា​ចង់​បោះបង់ចោល​។ ហើយ​នៅ​ខណៈ​ពេលនោះ​ឪពុកម្តាយ​តែងតែ​ចូលមក​ហើយ​និយាយថា​«​ព្យាយាម​! ព្យាយាម​វា​ម្តងទៀត​» តែ​ទោះជា​យ៉ាងណាក៏ដោយ Kelly Rudolph បាន​និយាយថា​មាននូវ​វិធី​ដ៏​ប្រសើរ​មួយ​នៃ​ការនិយាយ​ពាក្យ​នេះ​គឺ​អ្នក​ត្រូវ​ប្រើពាក្យ​ថា «​អនុវត្ត​ន៏​» ជំនួស​អោយ​ពាក្យ​ថា «​ព្យាយាម​» វិញ​។ Rudolph បាន​និយាយទៀតថា​ពាក្យ​ព្យាយាម​វា​បញ្ជាក់​ពី​ការបរាជ័យ​រឺក៏​ផ្តល់នូវ​ភាពមិន​សូវ​សំខាន់​ដែល​ពោរពេញ​ដោយ​មន្ទិល​។ នាង​បាន​បន្ថែមទៀតថា​វា​បញ្ជាក់​ពី​ការសង្ស័យថា​តើ​អ្វី​នឹង​កើតឡើង​ជំនួស​អោយ​ការ​មាននូវ​គោលបំណង​ជាក់លាក់​នៃ​ភាពជោគជ័យ​។

 

រីឯ​ពាក្យ​អនុវត្ត​ន៏​បញ្ជាក់​អាកប្បកិរិយា​ដែល​អាចធ្វើ​បាន​ហើយ​វា​ជំរុញ​នូវ​ការរីកចំរើន​ជាជាង​គ្រាន់តែ​ឃើញ​នូវ​អ្វី​ធម្មតាៗ​ដែល​នឹង​កើតឡើង​បន្ទាប់​។ ពាក្យ​«​ព្យាយាម​» គឺជា​ពាក្យ​ដែល​យើង​ប្រើ​នៅពេល​យើង​មិន​រំពឹង​នូវ​ភាពជោគជ័យ​ឬ​មិន​ចង់​ធ្វើ​អ្វីមួយ នេះ​បើតាម​សម្តី​របស់ Rudolph​។ នាង​ថែមទាំង​ផ្តល់នូវ​ការណែនាំ​អោយ​ជំនួស​ពាក្យ​«​ព្យាយាម​» ដោយ​ពាក្យ​ដែល​បង្ហាញ​ពី​សកម្មភាព​ដូចជា​«​ធ្វើ​វា​ឡើង​» ឬក៏ «​ពិនិត្យ​វា​ឡើង​» ពីព្រោះ​ពាក្យ​ទាំងនេះ​មិនមាន​បង្កប់​នូវ​ចំនុច​អវិជ្ជមាន​ដូច​ពាក្យ​«​ព្យាយាម​»​ឡើយ​។ ហើយ​នៅពេលដែល​កូន​របស់​អ្នក​និយាយថា​គេ​មិន​អាចធ្វើ​អ្វីមួយ​បាន កុំ​និយាយថា «​ព្យាយាម​អោយ​ខ្លាំង​ជាង​នេះ​» តែ​ត្រូវ​និយាយថា «​អនុវត្ត​ន៏​ថែមទៀត​» ជំនួស​វិញ​៕

 20-6-2015

 

Leave a Reply

(*) Required, Your email will not be published