តិច​និក​ជួយ​ឲ្យ​សុដន់​ស្អាត​មូល​ក្បំ

, , Leave a comment

19-6-2015 (1)

​ដើម្បី​ថែរក្សា​ដើមទ្រូង​ឲ្យ​នៅ​ស្រស់ស្អាត​បានយូរ​អង្វែង​នោះ មាន​មិត្ត​នារី​ជាច្រើន​បាន​ចំណាយ​ទាំង​កម្លាំងកាយ​ចិត្ត និង​ថវិកា ប្រើ​គ្រប់​វិធី ដូចជា​ការហាត់​ប្រាណ ធ្វើ​ម៉ាស្សា និង​កែ​សម្ផស្ស​ជាដើម ប៉ុន្តែ​ដំបូន្មាន​អ្នកឯកទេស​ផ្នែក​សម្ផស្ស តាម​វេជ្ជសាស្ត្រ​ទាំងនោះ​បាន​ឲ្យ​ដឹងថា ទម្លាប់​មិនល្អ​ខ្លះ នៃ​ការរស់នៅ​ប្រចាំថ្ងៃ​បាន​បណ្តាល​ឲ្យ​ដើមទ្រូង​បាត់បង់​ភាពស្រស់ស្អាត​បាន​។ ប្រសិនបើ​អ្នក​ចង់​ឲ្យ​ដើមទ្រូង​ខ្លួន​ឲ្យ​រក្សាបាន​នូវ​ភាពស្រស់ស្អាត​បានយូរ​អង្វែង​នោះ សូម​ពិនិត្យមើល​ខ្លឹមសារ​ដូចតទៅ​នេះ​៖

 

១.​ការប្រើប្រាស់​ឱសថ​មិន​ត្រឹមត្រូវ​
​ការប្រើ​ថ្នាំ​ការពារ​មិន​ឲ្យ​មានកូន ដើម្បី​កម្ចាត់​មុន ឬ​ការប្រើប្រាស់​ថ្នាំ​ការពារ​មិន​ឲ្យ​មានកូន​សម្រាប់ធ្វើ​ឲ្យ​សុដន់​ឡើង​ក្រពុំ​នោះ គឺ​ពុំ​ត្រឹមត្រូវ​ឡើយ ព្រោះ​សមាសធាតុ​ផ្សំ​ដ៏​សំខាន់​របស់​ថ្នាំ​ការពារ​មិន​ឲ្យ​មានកូន រួមមាន​ជាតិ​អ័រម៉ូន​ញី និង​អ័រម៉ូន​ទឹកដោះ​។ ដូច្នេះ បើ​ប្រើប្រាស់​ជា​យូរអង្វែង គឺ​ធ្វើ​ឲ្យ​រដូវ​មក​មិន​ទៀត​ទាត់ ហើយ​បានត្រឹមតែ​ឲ្យ​សុដន់​កាន់តែ​តូច​ទៅៗ​ប៉ុណ្ណោះ​។​

 

២.​ពុំ​ទទួលបាន​ជាតិ​ប្រូតេអ៊ីន​គ្រប់គ្រាន់​
​ការ​ពុំ​ទទួល​ខ្លាញ់ ឬ​សាច់​គឺជា​វិធី​សម្រាប់​សម្រក​ទម្ងន់ ដែល​ប្រហែលជា​អាចធ្វើ​ឲ្យ​ដើមទ្រូង​របស់​អ្នក​រួម​តូច​ផងដែរ​។ ការទទួល​ទាន​អាហារ​ដែល​សម្បូរ​ទៅដោយ​ជាតិ​ប្រូតេអ៊ីន និង​សារជាតិ​ខ្លាញ់ រួមមាន​ប្រភេទ​ស៊ុត ត្រី​សាច់ លាយ​ខ្លាញ់ តិចតួច សណ្តែកដី និង​ប្រភេទ​សណ្តែក​គ្រប់មុខ ទើប​ធ្វើ​ឲ្យ​សុដន់​របស់​អ្នក​ឡើង​ក្រពុំ​។​

 

៣.​ប្រើ​អាវទ្រនាប់​មិន​ត្រឹមត្រូវ​
​មាន​ស្ត្រី​ជាច្រើន ពេល​ទិញ​អាវទ្រនាប់​ម្តងៗ គឺ​ពុំ​ពាក់​សាកមើល​ឡើយ​។ តាមពិត​លេខ​អាវទ្រនាប់ ដែល​តូច​ជាង​សុដន់ គឺអាច​ជះឥទ្ធិពល​អាក្រក់​ដល់​ការរីក​ធំ​លូតលាស់​នៃ​សុដន់​។ ម្យ៉ាងទៀត​ការពារ​ពាក់អាវ​ទ្រនាប់​លេខ​ធំ​ជាង​សុដន់ យូរៗ​ទៅ​ក៏​អាច​បណ្តាល​ឲ្យ​សុដន់​យារ​ធ្លាក់​។ តាមរយៈ​នៃ​ការផ្លាស់ប្តូ​រវៃ និង​មុនពេល​រៀបការ ក្រោយពេល​រៀបការ ឬ​មុនពេល ឬ​ក្រោយពេល​មានគភ៌ គឺ​ទំហំ​សុដន់​របស់​ស្ត្រី​មានការ​ប្រែប្រួល​។ ដូច្នេះ មិន​នឹង​ទិញ​អាវទ្រនាប់ ត្រូវ​ជ្រើសរើស​រក​ទំហំ​ខ្នាត​ឲ្យ​បាន​ត្រឹមត្រូវ និង​ពាក្យ​សាកល្បង​មើល​សិន​ទើប​មិន​ខាតបង់​ប្រាក់​ឥតប្រយោជន៍​។​

 

​ម្យ៉ាងទៀត ក្នុងពេល​ពាក់អាវ​ទ្រនាប់ គឺ​ពុំមែន​ពាក្យ​ឲ្យ​រួច​តែ​ពី​ដៃ​នោះឡើយ​។ អ្នក​ត្រូវ​ទាញ​ខោអាវ​ទ្រនាប់​ឲ្យ​បាន​ត្រឹមត្រូវ និង​ញាត់​សុដន់​ទាំងមូល​ចូលក្នុង​អាវទ្រនាប់​ឲ្យ​បាន​ណែន​ល្អ ទើប​សុដន់​របស់​អ្នក​រីក​ធំធាត់​ល្អ​។​

 

៤.​ការធ្វើ​ចលនា​រាងកាយ​ផ្សេងៗ​
​ការហាត់​ប្រាណ ឬ​ការលេង​កីឡា ឲ្យ​សមស្រប គឺអាច​ជួយ​ឲ្យ​សុដន់​កាន់​តែមាន​សោភ័ណភាព​។ ប៉ុន្តែ​ការហាត់​ប្រាណ ឬ​ការលេង​កីឡា​ហួស​កម្រិត​ពេក ដែល​ពុំបាន​យកចិត្តទុកដាក់​ក្នុង​ការពារ​ពាក់អាវ​ទ្រនាប់ គឺអាច​បំផ្លាញ​សុដន់​ទៅវិញ​ទេ​។ មាន​អ្នកខ្លះ នៅពេល​ហាត់ប្រាណ ឬ​លេង​កីឡា​ម្តងៗ តែងមាន​អារម្មណ៍​ថា អាវទ្រនាប់​ជា​ឧបសគ្គ ដូច្នេះ​ពុំ​ពាក់អាវ​ទ្រនាប់​ឡើយ​នៅពេល​ហាត់ប្រាណ​។ ធ្វើបែបនេះ អាចធ្វើ​ឲ្យ​សុដន់​ខូច​ទ្រង់ទ្រាយ ជាពិសេស​ពេល​រត់ និង​ពេល​លោតអន្ទាក់ ដែល​ពុំបាន​ពាក់អាវ​ទ្រនាប់​អាចធ្វើ​ឲ្យ​សុដន់​ធ្លា​ក់យារ​។​

 

៥.​ម៉ាស្សា​ខុស​ក្បួនខ្នាត​
​ការធ្វើ​ម៉ាស្សា អាច​ជំរុញ​ឲ្យ​សុដន់​ពេញ​ក្រពុំ​ល្អ ប៉ុន្តែ​ប្រសិនបើ​ចេះតែ​ច្របាច់​តាម​ទំនើងចិត្ត ឬក៏​ច្របាច់ សម្រូត​ចុះក្រោម គឺ​មានតែ​ធ្វើ​ឲ្យ​សុដន់​កាន់តែ​តូច​ទៅៗ​ប៉ុណ្ណោះ​។ ដូច្នេះ ការធ្វើ​ម៉ាស្សា​សុដន់​ដ៏​ត្រឹមត្រូវ គឺ​ត្រូវ​លាបប្រេង​នៅលើ​សុដន់​ជាមុនសិន បន្ទាប់​ត្រូវ​ប្រើ​បាតដៃ​រុញច្រាន​ថ្នមៗ​ទៅ​ផ្នែក​ខាងលើ​ជុំវិញ​សុដន់​៕

 19-6-2015 (2)

 

Leave a Reply

(*) Required, Your email will not be published