វិធីសាស្ត្រ​បញ្ចៀស និង​ការពារ​រន្ទះបាញ់​

, , Leave a comment

​រន្ទះ គឺជា​មច្ចុ​រាជ្យ​ដ៏​គ្រោះថ្នាក់​ធំ​បំផុត​មួយ​និង​កើតឡើង​ញឹកញាប់​បំផុត​។ រន្ទះបាញ់​ធ្វើចរាចរ​ណ៍​ក្នុង​ល្បឿន ១៦០-១.៦០០​គីឡូម៉ែត្រ​ក្នុង​១​វិនាទី និង​បង្កើត​ឲ្យ​មាន​សី​តុ​ភាព ខ្ពស់​ទៅដល់​៣០.០០០ អង្សា​សេ គឺ​ក្តៅ​ជាង​ផ្ទៃ​របស់​ព្រះអាទិត្យ​៦​ដង​។ តែ​អ្វីដែល​ធ្វើ​ឲ្យ​យើង​ភ្ញាក់ផ្អើល និង​ស្ញប់ស្ញែង​នោះ គឺមាន​មនុស្ស​ខ្លះ​ថ្វីបើ​ត្រូវ​វាយប្រហារ​ដោយ​ថាមពល​ដ៏​ខ្លាំង​មហាសាល​បែបនេះ​ក៏​នៅតែ​មិន​ស្លាប់​។​

19-6-2015 (1)

 

​រន្ទះបាញ់ គឺជា​ចំណាំង​ភ្លើង​ដែល​កើតឡើង​ដោយ​ខុសគ្នា​របស់​ថាមពល នៅ​ចន្លោះ​ដុំ​ពពក និង​លំហ​អាកាស ឬ​ផែនដី​វា​រមែង​ស្វែងរក ផ្លូវ​ដ៏​ខ្លី​បំផុត​ឆ្ពោះ​មករក​ផែនដី ហើយ​ចៃដន្យ​ផ្លូវ​នោះ​អាច​រត់​ចំ​គ្នា​ជាមួយ​ក្បាលមនុស្ស ដែល​កំពុងស្ថិត នៅ​កណ្តា​លវា​។​

 

​ផ្លូវ​ខ្លី​បំផុត​របស់​រន្ទះបាញ់​នេះ​អាច​នឹង​រត់​ឆ្លងកាត់​ស្មា ចុះមក​តាម​រាងកាយ​ផ្នែក​ខាង​ណាមួយ ឆ្លងកាត់​ជើង​ហើយ បុក​ចុះ​ទៅរក​ផែនដី​។ ការពិត​រន្ទះបាញ់ ពុំមែន​បាញ់ប្រហារ​រាងកាយ​មនុស្ស​ដោយផ្ទាល់​ទេ គ្រាន់តែ​វា​ខ្ចី​រាងកាយ​មនុស្ស​ធ្វើ​ខ្សែភ្លើង​ចម្លង​ចរន្ត​អគ្គីសនី​ដ៏​ខ្លាំង​ទៅកាន់​តែ​ផែនដី​ប៉ុណ្ណោះ​។ ពេល​វារ​ត់​ឆ្លងកាត់​រាងកាយ​មនុស្ស ថាមពល​អ​គី្គ​ស​នី​ដ៏​ច្រើន​លើសលប់​នេះ និង​បង្ក​ឲ្យ​មនុស្ស​ឈឺចាប់​រងរបួស​រលាក​ខ្លោច​ស្បែក  និង​ធ្វើ​ឲ្យ​ភ័យ​រហូតដល់​គាំងបេះដូង និង​គ្រោង​ឆ្អឹងខ្នង​ទេ វា​អាច​នឹងមិន​អាចធ្វើ​ឲ្យ​ជនរងគ្រោះ​មាន​គ្រោះថ្នាក់​ដល់​ជីវិត​ទេ​។ តែបើ​វារ​ត់​ឆ្លងកាត់​បេះដូង​ជនរងគ្រោះ​រមែង​បាត់បង់​ជីវិត​ជានិច្ច ព្រោះថា ថាមពល​ដ៏​មហាសាល​នេះ បាន​កម្ទេច​បេះដូង ឬ​ធ្វើ​ឲ្យ​បេះដូង​គាំង​ឈប់​ដើរ ហើយ​លទ្ធផល​ចុងក្រោយ​គឺ​ស្លាប់​។​
​ថ្វី​ត្បិត​មនុស្ស​ភាគច្រើន​ដែលមាន​ភ័ព្វ​រួចខ្លួន​ពី​រន្ទះ​ប្រហារ អាចមាន​របួស​នៅ​ដិត​ជាប់​ជានិច្ច​ដូចជា ការ​ខូច​ភ្នែក ឬក៏​ត្រចៀក ខ្វិន រលាក ឈឺក្បាល និង​បាត់​ការចងចាំ​ជាដើម​។

 

+​ការរៀបចំ​ប្រដាប់​ការពារ​រន្ទះ​ដាក់​តាម​គេហដ្ឋាន​៖
​ប្រដាប់​ការពារ​រន្ទះ​អាចជួយ​ឲ្យ​យើង​ទទួលបាន​នូវ​ភាពកក់ក្តៅ​ក្នុងការ​រស់នៅ និង​ជួយ​ជាសវាង នូវ​ការខូចខាត​សម្ភារៈ​អគ្គិ​សេនី​មួយចំនួន ដូចជា ទូរទស្សន៍ កុំព្យូទ័រ ទូរស័ព្ទ វិទ្យុ​…​ជាដើម​។ ប្រដាប់​ការពារ​ន្ទះ​អាច​ច្នៃ​ដោយ​ខ្លួនឯងបាន​គ្រាន់តែ​ប្រសិទ្ធភាព​វា​អាស្រ័យ​លើ​វត្ថុធាតុដើម​ដែល​យកមកប្រើ​ប្រាស់​ដូចជា​៖

 

-​ប្រដាប់​ស្រូប​រន្ទះ​ត្រូវធ្វើ​ពី​លោហធាតុ​ដែល​ងាយ​ចម្លង​អគ្គិ​សេនី ជាពិសេស​ធ្វើ​អំពី​ស្ពាន់ ហើយ​នៅ​ខាងចុង​គួរ​មាន​ខ្នែង​ច្រើន​។​

 

-​ខ្សែចម្លង​អគ្គិសនី គួ​រើសយក​ប្រភេទ​ខ្សែ​ដែលមាន​ស្ពាន់​ខាងក្នុង​ធំ​។ ខ្សែ​ប្រភេទ​នេះ​គេ​ច្រើន​ធ្វើ​វា​ជាពិសេស ខុសពី​ខ្សែភ្លើង​យើង​បន្តិច​។​

 

-​បង្គោល​សម្រាប់​ចម្លង​បន្ត​ពី​ខ្សែ​ចូលទៅក្នុង​ដី​។ ដើម្បី​ប្រសិទ្ធភាព​ខ្ពស់​គួរ​កប់​វា​៣​ដើម​រាង​ត្រីកោណ ដោយ​ដើមៗ មាន​ប្រវែង​យ៉ាងហោចណាស់​៣​ម៉ែត្រ​ទៅក្នុង​ដី​។ ជាទូទៅ​បង្គោល​ស្ពាន់​ដែលមាន​លក់​ប្រវែង​១​ម៉ែត្រ ហើយ​យើង​អាច​តវា​បាន​ដោយ​ប្រដាប់​ភ្ជាប់​។ យើង​អាច​កប់​តែមួយ​ដើម​ដូច​រូប​ខាងក្រោម​ក៏បាន​ដែរ តែ​គួរ​ប​ន្ធែ​ម​សារធាតុ​ងាយ​ចម្លង​ឲ្យ​បាន​ច្រើន​ដើម្បី​ងាយ​ផ្ទេរ​ចរន្តអគ្គិសនី​ពី​ខាងលើ​ទៅក្នុង​ដី​។​

 

+​វិធានការណ៍​ដើម្បី​បញ្ជៀ​ស​គ្រោះថ្នាក់​ដោយសារ​រន្ទះ ៖

 

-​ស្នាក់នៅ​ក្នុងផ្ទះ​ខណៈពេល​មាន​ព្យុះភ្លៀង  ។ បើ​នរណាម្នាក់​នៅ​ខាងក្រៅ​មុន​ឬក៏​អំឡុងពេល​ព្យុះ​រន្ទះ ត្រូវ​រក​កន្លែង​ជ្រក​ជាបន្ទាន់​តាម​ដែល​អាចធ្វើ​ទៅបាន ។ តែងតែ​ជ្រក​ក្នុង​អគារ​បំពាក់​ដោយ​ប្រព័ន្ធគ្រប់គ្រង​បណ្ដាញទឹក និង​មាន​ជញ្ជាំង ឬ​ដំបូល​ដែល​មិន​ចម្លង​អគ្គិសនី ។​

 

-​ពេល​នៅក្នុង​ផ្ទះ សូម​បិទ និង​ចេញ​ឲ្យ​ឆ្ងាយ​ពី​សម្ភារ​អគ្គិសនី ដូចជា​ទូរទស្សន៍ កុំព្យូទ័រ និង ឧបករណ៍​អេឡិចត្រូនិក​ជាដើម ។​

 

-​កុំ​នៅក្បែរ​ទឹក ដែល​ប្រើ​ដោយ​ប្រព័ន្ធ​អគ្គិសនី និង​កុំ​ប៉ះពាល់​វត្ថុ​នានា​ដែល​ធ្វើ​ពី​លោហធាតុ​ដែល​ចម្លង​អគ្គិសនី ។​

 

-​ប្រសិនបើ​ត្រូវការ​ប្រើ​ទូរស័ព្ទ​ចាំបាច់ គួរប្រើ​ទូរស័ព្ទដៃ និង​ទូរស័ព្ទ​គ្មាន​ខ្សែ ជាជាង​ប្រើ​ទូរស័ព្ទ​ភ្ជាប់​ខ្សែ​នៅលើ​តុ ។​

 

-​រង់ចាំ​យ៉ាងតិច​រយៈពេល​៣០​នាទី​សិន ក្រោយពី​ពន្លឺ​ផ្លេកបន្ទោរ​បញ្ចេញ​ពន្លឺ​ចុងក្រោយ​បំផុត មុនពេល​បន្ដធ្វើ​សកម្មភាព​ផ្សេងៗ ។​

 

-​បើទោះជា​មិនមាន​ពន្លឺ​ផ្លេកបន្ទោរ  ឬ​រន្ទះបាញ់​ក្ដី ប្រសិនបើ​មាន​ឮ​សំឡេង​ផ្គរ​តែឯង​នោះ វា​ជាស​ញ្ញា​ដែល​ត្រូវ​ប្រុងប្រយ័ត្ន​រក​កន្លែង​ជ្រកកោន ។​

 

-​អ្នក​ដែល​ត្រូវ​រន្ទះបាញ់  ត្រូវ​បញ្ជូនទៅ​មន្ទីរពេទ្យ​ជាបន្ទាន់ ។ ជនរងគ្រោះ​ដោយ​រន្ទះបាញ់ អាច​ត្រូវ​មនុស្ស​ដទៃទៀត​ប៉ះ​បាន​ដោយ​គ្មាន​គ្រោះថ្នាក់ ។ មនុស្ស​ជុំវិញខ្លួន​អាចជួយ​ជនរងគ្រោះ​ដោយ​ការ​សង្កត់​ដើមទ្រូង និង​បឺត​ខ្យល់​ដង្ហើម ។​

 

-​ប្រុង​ប្រ​យ័​ត្ត​នូវពេល​មាន​ភ្លៀង​ធ្លាក់​កុំ​ជ្រក់​ក្រោម​ដើមឈើ  ឫ នូវ​ទីកន្លែង​ដែល​ខ្ពស់ និង​មាន​ចរន្ដអគ្គិសនី ។ កុំ​និយាយ​ទូរស័ព្ទ​នូវពេល​មាន​ភ្លៀង​ធ្លាក់ ត្រូវ​បិត​ទូរស័ព្ទ នឹង​ទូរទស្សន៍ ជាស់វាង​មាន​គ្រោះថ្នាក់ ។​

 

-​នៅពេល​មាន​ភ្លៀង​ធ្លាក់​ផ្គរលាន់​ឬ​ពពក​ខ្មៅ​និង​មាន​ផ្គរ​រន្ទះ​ខ្លាំង​បើ សិន​ជា​នៅផ្ទះ​សូមកុំ​ចេញ​ទៅណា​អោយសោះ ត្រូវ​ចូលក្នុង​ផ្ទះ និង​បិទទ្វារ​បិទ​បង្អួច​អោយ​ជិត​ជាការ​ប្រសើរ​បំផុត ដើម្បី​ចៀសវាង​នូវ​គ្រោះថ្នាក់​នូវ​រន្ទះបាញ់ ។​

 

-​សូមកុំ​ជ្រក​ក្រោម​ដើមឈើរ​ឬ​នៅក្រោម​ទីកន្លែង​ដែលមាន​ចរន្ដ​ស្រូប​ដូចជា​៖ បង្គោល​ខ្សែភ្លើង ខ្សែកាប អង់​តែ​ន​ទូរស័ព្ទ​ជាដើម។

 

-​ត្រូវ​ដើរ​ពាក់​ស្បែកជើង​ជានិច្ច​ជៀសវាង​ការ​ស្រូប​ចរន្ដ​ពីរ​ន្ទះ។

 

-​កុំ​កា​ន់វ​ត្តុ​ណា​ដែលមាន​ជាតិ​ដែក​ព្រោះ​ថាវ​ត្តុ​ដែលមាន​ជាតិ​ដែក វា​ងាយ​នឹង អោយ​រន្ទះ​ស្រូប​ណាស់​។

 

-​បើសិនជា​នៅ​ទីវាល​ឬ​កំពុងតែ​ធ្វើស្រែ​ចំការ នៅពេល​មាន​ភ្លៀង​ផ្គរ​រន្ទះ​ត្រូវ​រក​ទី​សុ​វត្តិភាព​ដើម្បី​ជ្រក (​ចៀសវាង​នៅក្រោម​ដើមឈើ​)

 

-​ទីណា​ដែល​អាច​ផ្ដល់​សុ​វត្តិភាព​ដល់​យើង​ដូចដែល​រៀបរាប់​ខាងលើ​ជៀសវាង​នៅ​ទីវាល​ម្នាក់ឯង បើសិន​ជាមាន​ខ្ទម​ឬ​ផ្ទះ​នៅ​ជិត​នោះ​ជាការ​ប្រសើរ៕

19-6-2015

 

Leave a Reply

(*) Required, Your email will not be published