ឃាត់ខ្លួន​អនុប្រធាន​អង្គការ CVDA ពីបទ​ឆបោក​លុយ​ប្រជាពលរដ្ឋ​នៅ​ស្រុក​រំដួល​ឲ្យ​ចងការ​ធនាគារ​

, , Leave a comment

​ខេត្តស្វាយរៀង : បុរស​ម្នាក់​ត្រូវបាន​សមត្ថកិច្ច​នគរ​បាល​ខេត្តស្វាយរៀង ឃាត់ខ្លួន​ចោទ​ពីបទ​ឆបោក​ប្រាក់ តាម​រូបភាព​ចងការ​ប្រាក់ នៅ​ស្រុក​រំដួល ខេត្តស្វាយរៀង​។ ករណី​ការឃាត់ខ្លួន​នេះ​ធ្វើឡើង​កាលពី​វេលា​ម៉ោង​៤​រសៀល​ថ្ងៃ​១៥ ខែមិថុនា ឆ្នាំ​២០១៥ នៅ​ទីស្នាក់ការ​ផ្ទះ​លេខ​៤៤ ផ្លូវលំ​លេខ​៤ ភូមិ​ទួល​រការ សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ តាម​ពាក្យបណ្តឹង​របស់​ប្រជាពលរដ្ឋ​ចំនួន ១៣ គ្រួសារ​ក្នុង​ឃុំ​ពងទឹក ស្រុក​រំដួល​។​

 

​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​ដឹងថា តាមរយៈ​ពាក្យបណ្តឹង ប្រជាពលរដ្ឋ​ទៅ​ចងការ​ប្រាក់​ពី​ធនាគារ​អេស៊ីលីដា (ACLEDA ) យកមក​ចងការ​បន្ត​ឲ្យ​ខ្លួន ដោយ​សន្យា​ផ្តល់ប្រាក់​ការ​ចំនួន​៤០​ភាគរយ ក្នុង​រយៈពេល​២៤ ខែ និង​បង់ប្រាក់​រំ​លោះ​ឲ្យ​ធនាគារ ACLEDA ជំនួស​ប្រជាពលរដ្ឋ រៀងរាល់ខែ រហូតដល់​សង​ចប់​បំណុល​។ អង្គការ​នេះ អនុវត្ត​កិច្ចសន្យា​ដោយបាន​បង់ប្រាក់​រំ​លោះ​ឲ្យ​ធនាគារ​ជំនួស​ប្រជាពលរដ្ឋ​ក្នុង​ម្នាក់ៗ ត្រឹមតែ​ពី ៣​ទៅ​៥ ខែ​ប៉ុណ្ណោះ​ក៏​ឈប់​បង់ប្រាក់​រំ​លោះ​នោះ ធ្វើ​ឲ្យ​ធនាគារ​បង្ខំ​ទារប្រាក់​ពី​ប្រជាពលរដ្ឋ​។

 

​ប្រភព​ដដែល​បាន​បន្តទៀតថា ឈ្មោះ ជេ​ត សារិន បាន​ឆ្លើយ​សារភាពថា ខ្លួនគេ​នឹង​បក្ខពួក​ពិតជា​បាន​ឆបោក​ប្រាក់​ពី​ប្រជាពលរដ្ឋ ដែលមាន​ចំនួន​ដូចខាងលើ​ពិតប្រាកដ​មែន ពេលនោះ​សមត្ថកិច្ច​ក៏បាន ឃាត់ខ្លួន​ជនសង្ស័យ​រូបនេះ​នៅ​ថ្ងៃ​១៦ ខែមិថុនា ឆ្នាំ​២០១៥ វេលា​ម៉ោង​៣​រសៀល ដើម្បី​កសាង​សំណុំរឿង បញ្ជូនទៅ​ព្រះរាជអាជ្ញា​អម​សាលាដំបូង​ខេត្ត ចាត់ការ​តាមច្បាប់​។ រីឯ​ឈ្មោះ ជេ​ត រ៉ែ​ន ភេទ​ប្រុស អាយុ​២៦​ឆ្នាំ ត្រូវជា​ប្អូនបង្កើត​របស់​ជេ​ត សារិន និង​ជា​ប្រធាន​អង្គការ សមត្ថកិច្ច​បានធ្វើ​សំណើ​ជូន​តុលាការ​ដើម្បី​សុំ​ដីកា​តាម​ចាប់ខ្លួន​៕

18-6-2015

 

Leave a Reply

(*) Required, Your email will not be published