លិខិត​ក្រាបបង្គំ​ទូលថ្វាយ ព្រះ​ពរ សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ក្នុងឱកាស​ព្រះ​រាជពិធី​បុណ្យចម្រើនព្រះជន្ម​៧៩ យាង​ចូល ៨០​ព្រះវស្សា​

, , Leave a comment

​លិខិត​ថ្វាយព្រះពរ​
​សូម​ព្រះរាជទាន​ក្រាបបង្គំ​ថ្វាយ​
​សម្តេចព្រះ​មហាក្សត្រី នរោត្តម មុនិនាថ សីហនុ​
​ព្រះវររាជ​មាតា​ជាតិខ្មែរ ក្នុង​សេរីភាព សេចក្តីថ្លៃថ្នូ និង​សុភមង្គល ជាទី​សក្ការៈ​ដ៏​ខ្ពង់ខ្ពស់​បំផុត !

 

​នា​ក្នុងឱកាស​ដ៏​មហា​ជ័យ​មង្គល បរ​វ​ថ្លៃថ្លា នៃ​ព្រះ​រាជពិធី​បុណ្យចម្រើនព្រះជន្ម សម្តេចព្រះ​មហាក្សត្រី នរោត្តម មុនិនាថ សីហនុ​ ​ព្រះវររាជ​មាតា​ជាតិខ្មែរ ក្នុង​សេរីភាព សេចក្តីថ្លៃថ្នូ និង​សុភមង្គល គម្រប់​ព្រះជន្ម​៧៩ យាង​ចូល​៨០​ព្រះវស្សា ដែល​ប្រព្រឹត្តទៅ​នៅ​ថ្ងៃទី​១៨ ខែមិថុនា ឆ្នាំ ២០១៥ នេះ តាម​នាម​ថ្នាក់ដឹកនាំ និង​ក្រុមគ្រួសារ ព្រមទាំង​បុគ្គល​ក្រោម​ឱវាទ របស់​អង្គភាព​សារព័ត៌​មានកំណើត​ថ្មី ទូលព្រះបង្គំ សូម​ព្រះ​រាជានុញ្ញាត​ដ៏​ខ្ពង់ខ្ពស់​សម្ដែង​នូវ​សេចក្ដី​អំណរ​សាទរ​យ៉ាង​ជ្រាលជ្រៅ​បំផុត ចូលរួម​ថ្វាយ​ព្រះ​សព្ទសាធុការ​ពរជ័យ បវរ​សួស្ដី សិរី​វ​ឌ្ឍ​នា មហាប្រសើរ ចំពោះ សម្តេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ និង​សូម​ព្រះអង្គ​ទ្រង់​ប្រកបដោយ​ព្រះកាយពល​រឹងមាំ ព្រះរាជ​សុខមាលភាព​ល្អ​បរិបូរណ៍ ព្រះ​បញ្ញាញាណ ភ្លឺ​ថ្លា​ឈ្លាសវៃ ព្រះ​ជន្មាយុ​យឺនយូរ​ជាង​រយ​ព្រះវស្សា ដើម្បី​គង់ប្រថាប់​នៅ​ជា​ម្លប់​ដ៏​ត្រជាក់​របស់​ប្រជារាស្ត្រ​ខ្មែរ យូរ​អ​ង្វែ​រត​រៀង​ទៅ​។​

 

​ឆ្លៀត​ក្នុងឱកាស​ដ៏​មហា​នក្ខត្តឫក្ស​ប្រពៃ​ថ្លៃថ្លា​នេះ​ផងដែរ ទូលព្រះបង្គំ​យើងខ្ញុំ​ទាំងអស់គ្នា សូម​លើក​ហត្ថ​បួងសួង​ដល់​ពួក​ទេព្តា​ថែរក្សា​ព្រះរាជាណាចក្រ​កម្ពុជា វត្ថុ​ស័ក្តិ​សិ​ទិ្ធ​ទាំងឡាយ​ក្នុង​លោក គុណបុណ្យ​ព្រះ​រតនត្រ័យ​កែវ​ទាំងបី បុណ្យ​បារមី​នៃ​ដួង​ព្រះ​វិញ្ញាណក្ខន្ធ​អតីតព្រះមហាក្សត្រ ព្រះមហាក្សត្រី​យា​នី​ខ្មែរ​គ្រប់​ព្រះអង្គ សូម​ព្រះអង្គ​តាម​ជួយ​ថែរក្សា​ប្រោស​ព្រំ ព្រះ​សព្ទសាធុការ​ពរជ័យ​គ្រប់យ៉ាង​ចំពោះ​ព្រះករុណា ព្រះមហាវីរក្សត្រ ព្រះវររាជបិតា​ជាតិខ្មែរ សូម​ព្រះអង្គ​ប្រកបដោយ​ព្រះ​ពុទ្ធពរ​ទាំង​បួន​ប្រការ គឺ អាយុ វណ្ណៈ សុ​ខៈ ពលៈ កុំបី​ឃ្លៀងឃ្លាត​ឡើយ ។​

 

សូម​សម្តេចព្រះ​មហាក្សត្រី អង្គ​សម្ដេចម៉ែ ទ្រង់​ព្រះមេត្តាប្រោស​ទទួល​នូវ​គារវកិច្ច​ដ៏​ខ្ពង់​ខ្ពស់បំផុត​អំពី ទូលព្រះបង្គំ​ខ្ញុំ​មា្ច​ស់​ទាំងអស់គ្នា​។​

 

​ក្រាបបង្គំ​ទូលថ្វាយ​, ថ្ងៃទី​១៨ ខែមិថុនា ឆ្នាំ ២០១៥

 

20150611_Congratulation_King_Mother1

 

Leave a Reply

(*) Required, Your email will not be published