បុរស​តាំងខ្លួន​ជា ព្រះ​សិ​អារ្យ​មេត្រី ចេញមុខ​ជាថ្មី ក្រោយ​ប្រជាប្រិយភាព​ធ្លាក់ចុះ​

, , Leave a comment

18-6-2015 (1)

ខេត្តតាកែវ : បុរស​ដែល​តាំងខ្លួន​ជា​ព្រះ​សិ​អារ្យ​មេត្រី​នោះ​ឈ្មោះ ធាន វុទ្ធី បាននិងកំពុង​ចេញ​ធ្វើ​សកម្មភាព​ឡើងវិញ នៅក្បែរ​វត្ត​ចំប៉ា ក្នុងភូមិ​ចំប៉ា ឃុំ​ចំប៉ា ស្រុក​ព្រៃកប្បាស ខេត្តតាកែវ ។ អ្នកភូមិ​បាន​ឲ្យ​ដឹងថា លោក ធាន វុទ្ធី បាន​ទិញ​ដី​ពី​ប្រជាពលរដ្ឋ ដើម្បី​សង់​ព្រះពុទ្ធ​រូប​ធំ​នៅក្បែរ​វត្ត​ចំប៉ា ដូច​នៅ​វត្ត​ទួល​រាជា ក្នុងស្រុក​កោះធំ ខេត្តកណ្តាល ដែល​អាជ្ញាធរ​បញ្ជា​ឲ្យ​បញ្ឈប់​សកម្មភាព កាលពី​ចុងឆ្នាំ​២០១៤ កន្លងទៅ​។

 

​ប្រភពពី​ប្រជាពលរដ្ឋ​បាន​អះអាងថា បុរស​ម្នាក់​ដែល​តាំងខ្លួន​ឯង​ជា​ព្រះ​សិ​អារ្យ​មេត្រី​នោះ បានចេញ​ធ្វើ​សកម្មភាព​ឡើងវិញ នៅ​ខេត្តតាកែវ បើទោះជា​ក្រសួង​ធម្មការ និង​សាសនា បញ្ជា​ឲ្យ​បញ្ឈប់​សកម្មភាព​នេះ​នៅ​ខេត្តកណ្តាល កាលពី​ចុងឆ្នាំ​២០១៤​ក៏ដោយ​នោះ​។​

 

​លោក ធាន វុទ្ធី បាន​ទិញ​ដី​ពី​ប្រជាពលរដ្ឋ ដើម្បី​សង់​ព្រះពុទ្ធ​រូប​ធំ​នៅក្បែរ​វត្ត​ចំប៉ា ដូច​នៅ​វត្ត​ទួល​រាជា ក្នុងស្រុក​កោះធំ ខេត្តកណ្តាល ដែល​អាជ្ញាធរ​បញ្ជា​ឲ្យ​បញ្ឈប់​សកម្មភាព​នោះ​។ ប្រហាក់ប្រហែលគ្នា​នេះដែរ​គេ​សង្កេតឃើញ​លោក ធាន វុទ្ធី ចេញមុខ​មក​មើល​ការធ្វើសកម្មភាព​សង់​រូប​ព្រះធំ​មួយ​នៅក្បែរ​វត្ត​ចំប៉ា នោះ​ជា​ញឹកញាប់ ។​

 

​គួររំឭកថា ក្រសួង​ធម្មការ និង​សាសនា រួមជាមួយ​សាលាខេត្ត​កណ្ដាល និង​គណៈសង្ឃ​នាយក​បាន​ចេញ​សេចក្ដីថ្លែងការណ៍​រួម​ថា ទង្វើ​របស់លោក ធាន វុទ្ធី កន្លង​មកជា​កំហុស​ដែល​កើតឡើង​ដោយ​មិនមាន​ការពិចារណា​គ្រប់គ្រាន់ និង​មិន​យល់ច្បាស់​អំពី​ច្បាប់​រដ្ឋ និង​ធម៌​វិន័យ​នៃ​ព្រះពុទ្ធសាសនា​។​

 

​សេចក្ដី​ថ្លែ​ការណ៍​នេះ​ពុំបាន​បញ្ជាក់​ពី​ចំណាត់ការ​ផ្លូវច្បាប់ ឬ​ចំណាត់​ការណ៍​អ្វី​ត​ទៀត​លើ លោក ធាន វុទ្ធី ដោយ​គ្រាន់តែ​បន្ថែមថា ករណី​លោក ធាន វុទ្ធី មិន​គោរព​តាម​កិច្ចសន្យា​របស់ខ្លួន ដែល​បាន​ផ្ដិតមេដៃ​កាលពី​ថ្ងៃទី​៧ ខែសីហា ឆ្នាំ​២០១៣ នោះ​នឹងត្រូវ​ទទួលទោស​ចំពោះមុខ​ច្បាប់​។​

 

​ប្រសិនបើ​ខាងច្បាប់​សាសនា​មិនអាច​ពិន័យ​ចំពោះ​ទង្វើ​បុគ្គល​នោះបានទេ ក៏​ការទទួលខុសត្រូវ​តាម​ផ្នែក​ច្បាប់​រដ្ឋ​គួរតែ​ត្រូវបាន​ប្រើ​ចំពោះ​បុគ្គល​នេះ ដើម្បី​បញ្ចប់​វប្បធម៌​និ​ទណ្ឌ​ភាព​នៅ​កម្ពុជា​៕

 18-6-2015  18-6-2015 (2) 18-6-2015 (3) 1059579

105895

 

Leave a Reply

(*) Required, Your email will not be published