ខ្វះ​ការពិចារណា ប្រើ​តណ្ហា​រំលោភ ស្ត្រី​សតិ​មិន​គ្រប់​

, , Leave a comment

17-6-2015

​ខេត្តកណ្តាល : ខណៈដែល​អំណាច​នៃ​ភ្លើងតណ្ហា​បាន​ឆេះ​រោលរាល បានធ្វើ​ឲ្យ​យុវជន​ម្នាក់​ត្រូវបាន​សមត្ថកិច្ច ស្រុក​ខ្សាច់កណ្តាល ធ្វើ​ការចាប់​ឃាត់ខ្លួន ក្រោយ​ទទួលបាន​ពាក្យបណ្តឹង​ពី​ក្រុមគ្រួសារ​នារី​រងគ្រោះ​។ ករណី​រំលោភ​សេពសន្ថវៈ​ទៅលើ​ស្ត្រី​មាន​សតិ​មិន​គ្រប់គ្រាន់​នេះ​បាន​កើតឡើង កាលពី​វេលា​ម៉ោង​១៧​និង​៣០​នាទី ថ្ងៃទី​១៥ ខែមិថុនា ឆ្នាំ​២០១៥ ចំណុច​វាលស្រែ​ខាងក្រោយ​ភូមិ​សន្លុង ឃុំ​សន្លុង ស្រុក​ខ្សាច់កណ្តាល ខេត្តកណ្តាល​។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​កំណើត​ថ្មី​ស​ដឹងថា ជនសង្ស័យ​ឈ្មោះ ប្រុស យ៉េត ភេទ​ប្រុស អាយុ​១៧​ឆ្នាំ ជនជាតិខ្មែរ មុខរបរ​មិន​ពិតប្រាកដ មាន​ទីលំនៅ​ក្នុងភូមិ​ឈូក ឃុំ​សន្លុង ស្រុក​ខ្សាច់កណ្តាល ត្រូវបាន​សមត្ថកិច្ច​នគ​របាល​មូលដ្ឋាន​ចាប់ខ្លួន​នៅវេលា​យប់​ថ្ងៃ​ដដែល គ្រា​ដែល​កំពុង​នៅផ្ទះ​។ ចំណែកឯ​ជនរងគ្រោះ​ឈ្មោះ ព បម អាយុ​៣៥​ឆ្នាំ ជា​មនុស្ស​មាន​សតិ​មិន​គ្រប់គ្រាន់​តាំងពី​កំណើត​។ មុនពេល​កើតហេតុ​ជនរងគ្រោះ​បាន​ទៅ​ឃ្វាល​គោល​ជាមួយ​ក្មួយ​ស្រី​ម្នាក់ទៀត​នៅ​វាលស្រែ​ខាងក្រោយ​ភូមិ​។ បន្ទាប់ពី​ក្មួយ​ស្រី​ឃ្វាល​គោល​នៅ​ឆ្ងាយ​ពី​កន្លង​នោះ​បន្តិច ជនរងគ្រោះ​បាន​ឈរ​ឃ្វាលគោ​ម្នាក់ឯង​នៅក្បែរ​កន្លែងកើតហេតុ​។ ពេលដែល​ជនរងគ្រោះ​កំពុង​ឈរ​មើល​គោ​នោះ​ម្នាក់ឯង ជនសង្ស័យ​បាន​ស្ទុះ​ចូលទៅ​ផ្តួល ជនរងគ្រោះ​ទៅលើ​ដី​ធ្វើ​សកម្មភាព​រំលោភ​រហូត​បានសម្រេច ខណៈ​មិនទាន់​ក្រោក​ពីលើ​ជនរងគ្រោះ​ផង​នោះ ស្រាប់តែ​ក្មួយ​ស្រី​មក​ទាន់ ក៏​ស្រែក​ឆោឡោឡើង​ធ្វើ​ឲ្យ​ជនសង្ស័យ​ភ័យ​រត់គេចខ្លួន​បាត់ស្រមោល​។ ក្រោយពី​ជនសង្ស័យ​រត់គេចខ្លួន​បាត់​ហើយ​នោះ​ក្មួយ​ស្រី​ក៏បាន​នាំ​ម្តាយ​មី​ដែលមាន​សតិ​មិន​គ្រប់គ្រាន់​ទៅកាន់​លំនៅឋាន​វិញ យក​រឿង​ប្រាប់​ក្រុមគ្រួសារ​សាច់ញាតិ​។​

 

​ក្រោយមក​ក្រុមគ្រួសារ​ជនរងគ្រោះ​បាន​ទៅ​ដាក់​ពាក់​បណ្តឹង​នៅ​សមត្ថកិច្ច​នគរបាល​មូលដ្ឋាន ឲ្យ​ជួយ​អន្តរាគមន៍​ឃាត់ខ្លួន​ជនសង្ស័យ​ចាត់ការ​តាមច្បាប់​៕

 

Leave a Reply

(*) Required, Your email will not be published