៥​ចំណុច​ដែល​បំ​ផ្លាស់​ប្រែ​ជីវិត​អ្នក​

, , Leave a comment

10-6-2015 (1)
​គ្រប់គ្នា​សុទ្ធតែ​ចង់​ទទួលបាន​នូវ​ភាពជោគជ័យ​នៅក្នុង​ជីវិត​។ ប៉ុន្តែ​មាន​មនុស្ស​មិនតិច​ទេ ដែល​រស់នៅក្នុង​ភាពស្រពេចស្រពិល​មិនដឹងថា​ត្រូវ​ដឹកនាំ​ជីវិត​ដើរទៅ​តាមផ្លូវ​ណា​។ ប៉ុន្តែ​បើតាម​ការលើកឡើង​រប​ស់​បុគ្គល​ជោគជ័យ​ជាច្រើន​តែង​ឲ្យ​ដឹងថា “​ការពិត​ជោគជ័យ ឬ​បរាជ័យ​” ខុសគ្នា​តែ​ម្យ៉ាង​គត់ គឺ​ការគិត​។ តើ​អ្នក​ចង់ដឹង​ទេ​ថា បុគ្គល​ជោគជ័យ​មួយចំនួន​ពួកគេ​បានគិត​ដូចម្តេចខ្លះ​? ប្រាំ​ចំណុច​ខាងក្រោម​នេះ យើងខ្ញុំ​ធានាថា នឹងធ្វើ​ឲ្យ​ជីវិត​របស់​អ្នកមាន​ការផ្លាស់ប្តូ​រប​ន្ទា​ប់​ពី​បាន​អាន​វាច​ប់​៖

 

១-​ត្រូវ​ប្តេជ្ញា​ធ្វើ​អ្វីដែល​ខ្លួន​ចង់​ធ្វើ​
​បើ​គេ​ធ្វើបាន ហេតុអ្វី​យើង​ធ្វើ​មិនបាន​? មនុស្ស​គ្រប់គ្នា​គ្មាន​នរណាម្នាក់​ចង់​ក្រ ចង់​ធ្វើ​ជនភៀសខ្លួន និង​ចង់​រស់នៅ​កន្លែង​មាន​សង្គ្រាម​ទេ យើង​មិន​ចង់តែ​យើង​មិនអាច​គ្រប់គ្រង​វា​បាន​។ អ្វីដែល​យើង​អាច​គ្រប់គ្រង​បាន គឺមាន​តែ ពេលវេលា ចំណង់ និង​ទង្វើ របស់​យើង​តែប៉ុណ្ណោះ ព្រោះ​មនុស្ស​គ្រប់រូប​តែងតែមាន​សំពាធ តែ​សំខាន់​យើង​មិន​ឲ្យ​សំពាធ​ទាំងនោះ​វា​មក​គ្របដណ្តប់​លើ​ជីវិត​យើង​បាន​។​

 

២-​ទម្លាប់​ប្រើការ​គិត​២ ឬ​៣​ក្នុងពេល​តែមួយ​
​ប្រើ​ខួរក្បាល​ឲ្យ​ទៅមុខ​រហូត ព្រោះ​ខួរក្បាល​របស់​យើង​ប្រៀបបាន​ទៅនឹង​ដីល្បាប់​អីចឹង បើ​យើង​ដាក់​ល្វា គឺ​វា​ដុះ​ផ្លែ​ល្វា បើ​យើង​ដាំ​អ្វី គឺ​វា​ដុះ​ហ្នឹង​។ ដី​វា​មិនដឹងថា អ្វី​គឺជា​គ្រាប់​ដូង គ្រាប់ត្នោត ឬ​គ្រាប់​ល្វា​ឡើយ រីឯ​ខួរក្បាល​ក៏​ដូចគ្នា​ដែរ បើ​យើង​ដាំ​អ្វី​ចូលទៅ នោះ​វា​នឹង​ទទួលបាន​របស់​នោះមក​វិញ​។ អ្នក​ដាក់​ភាពស្មុគស្មាញ វា​ចេញមក​ស្មុគស្មាញ​។ អ្នកខ្លះ​មានតែ​គំនិត​ទុទិដ្ឋិនិយម រហូតដល់​ខួរក្បាល​របស់គាត់​ជឿថា អ្វីៗ​លើ​លោក គឺ​ងងឹត​ទាំងអស់​។ អ្នកខ្លះ​គិតតែ​ពី​រក​ដំណោះស្រាយ រហូត​ខួរក្បាល​របស់គាត់​គិត​រកតែ​ដំណោះស្រាយ​។ ការធ្វើ​ពីរ ឬ​បី​ក្នុងពេល​តែមួយ ឧទាហរណ៍ ដូចជា​ពេល​ជិះឡាន​លោកអ្នក អាច​ស្តាប់​វិទ្យុ​បារាំង ឬ​វិទ្យុ BBC​បាន​។ ពេល​មើល​ទូរ​ទ​ស្សរន៍ លោកអ្នក​អាច​ហាត់ប្រាណ​បាន ព្រោះ​ខ្ញុំ​យល់ឃើញថា ពេល​ប្រើ​ខួរក្បាល​ដៃជើង​យើង​នៅ​ទំនេរ ចុះ​ហេតុអ្វី​បានជា​យើង​មិន​ធ្វើ​អ្វី​ឲ្យ​មាន​ប្រយោជន៍​បន្ថែម​។​

10-6-2015

៣-​ជីវិត គឺជា​ការរៀនសូត្រ​
​ជីវិត​យើង​ប្រៀបបាន​ដូចជា​ភ្លើងស្តុប​ឈប់​អីចឹង​ដែរ បើសិន​ភ្លើង​ខៀវ​ឡាន​គេ​ទៅមុខ តែ​ឡាន​យើង​មិន​ទៅមុខ គឺ​មានន័យថា​យើង​ថយក្រោយ​ហើយ ទោះបី​យើង​មិនបាន​បើក​ថយក្រោយ​ក៏ដោយ​។ ដូច្នេះ​ជីវិត គឺ​ត្រូវតែ​រៀន​រហូត​។ រៀន​មិនមែន​តែ​រូបភាព​ទៅ​សាលា​ទេ ក្នុង​ជីវិត​អ្វីៗ ក៏​ជា​ការរៀន​ដែរ មើល​ការ​សែត តាមដាន​ព័ត៌មាន ជជែក​គ្នា​ពី​ការងារ​សុទ្ធតែជា​ការរៀន​ទាំងអស់​។ ព្រោះ​ការរៀន​មិនមាន​ថ្ងៃ​ឈប់​ទេ បើ​ដល់​ថ្ងៃ​ដែល​យើង​ឈប់ គឺ​មានតែ​ថ្ងៃ​ដែល​យើង​ស្លាប់​។​

 

៤-​ធ្វើ​ឲ្យ​អស់ពី​សមត្ថភាព​ចាញ់ ឬ​ឈ្នះ​យើង​កុំ​ខ្វល់​
​នៅក្នុង​ជីវិត​កុំ​គិត​រឿង​ឈ្នះ ឬ​ចាញ់ ព្រោះ​យើង​ធ្វើ​អ្វីមួយ​មិនមែន​ត្រូវ​រហូត និង​ឈ្នះ​រហូត​បានទេ​។ ដូចគ្នា​ទៅនឹង​ការងារ​មេធាវី​ផងដែរ​គ្មាន​មេធាវី​ណាមួយ ដែល​ការពារ​កូនក្តី​ឲ្យ​ឈ្នះ​រហូត​បាន​នោះទេ​។ យើង​ត្រូវ​មានចិត្ត​មួយ​ថា "​ធ្វើ​អ្វី​ក៏ដោយ​ត្រូវ​ប្រឹង​ឲ្យ​អស់ពី​សមត្ថភាព បើ​បាន​ក៏បាន បើ​មិនបាន​យើង​ទៅមុខទៀត​។ យើង​ប្រឹង​ប្រកួតប្រជែង​មែន តែបើ​ចាញ់​មិនត្រូវ​តូចចិត្ត​ទេ គឺ​យើង​ត្រូវ​រៀនសូត្រ​ថា​ហេតុអ្វី​បានជា​យើង​ចាញ់ ដើម្បី​យកមក​ធ្វើជា​បទពិសោធន៍​នៅក្នុង​ជីវិត​វិញ​។​

 

៥-​ជោគជ័យ​មិនមែន​ជាការ​ប្រៀបផ្ទឹម​
​មិនមែន​អ្នកមាន​លុយ​ច្រើន ជា​អ្នក​ជោគជ័យ​នោះទេ ព្រោះ​ជីវិត​មិនមែនជា​ការប្រៀបធៀប​ឡើយ បើ​យើង​ប្រៀបធៀប គឺ​ប្រៀបធៀប​ខ្លួន​យើង​ថា តើ​ឆ្នាំមុន​យើង​ធ្វើបាន​ប៉ុនណា និង​ឆ្នាំនេះ​ធ្វើបាន​ប៉ុនណា ហើយ​ឆ្នាំក្រោយ​នឹងត្រូវ​ធ្វើបាន​ប៉ុនណា​។ នៅពេលដែល​យើង​គ្រប់គ្រង​ខ្លួនឯងបាន​ហើយ ជោគជ័យ​មួយទៀត គឺជា​អ្វីដែល​យើង​បានធ្វើ​ទៅកាន់​សង្គម តែបើ​យើង​មិនបាន​ចែករំលែក​អ្វីដែល​មាន​ទៅ​សង្គម​ទេ គឺ​មានន័យថា យើង​មិនទាន់បាន​ជោគជ័យ​ពិតប្រាកដ​ឡើយ​៕

 10-6-2015 (2)

 

Leave a Reply

(*) Required, Your email will not be published