ប៉ូលីស​ខ្មែរ តែ​ឈ្មោះ “​យួន​” អង្រួន​ស្មារតី​អ្នកលេង​បណ្តាញ​សង្គម ប្រជុំគ្នា​វែកញែក​

, , Leave a comment

10-6-2015 (1)

រាជធានី​ភ្នំពេញ : រូបភាព​មួយ​ដែល​អ្នកលេង​បណ្តាញ​សង្គម​បាន​ទម្លាក់​បានធ្វើ​ឲ្យ​ប្រិយមិត្ត​ក្នុង​បណ្តាញ​សង្គម​មានការ​ភ្ញាក់ផ្អើល​ទៅលើ​មន្ត្រី​នគរបាលជាតិ​កម្ពុ​ជា​ម្នាក់ អត្តលេខ​៣១៥៣៣ និង​មាន​ឋានន្តរស័ក្តិ​ថ្នាក់​អនុសេនីយ៍ទោ បម្រើ​ការងារ​នៅ​ការិយាល័យ​នគរបាល​បង្ការ ពន្លត់អគ្គីភ័យ នៃ​ស្នងការដ្ឋាន​នគរបាល​រាជធានី​ភ្នំពេញ ដោយ​លោក​ប៉ូលិស​ម្នាក់​នោះ​មាន​ឈ្មោះថា​៖ «​ស្រី យួន​» ដែល​ធ្វើ​ឲ្យ​ពួកគេ​សឹង​មិនគួរ​ឲ្យ​ជឿថា​មានឈ្មោះ​ដូចនេះ​។ វា​មិនមែនជា​រឿង​ចៃដន្យ​នោះទេ ដែល​អ្នកលេង Facebook មួយចំនួន​មិន​ចូលចិត្ត​ជនជាតិ​យួន ហើយ​ពាក្យ​ថា យួន​នេះ​ក៏​ត្រូវបាន​អ្នកខ្លះ​ចាត់ទុកថា​ជាការ​ហៅ​ឲ្យ​មានការ​រើសអើង​ជាតិ​សាសន៍​ផងដែរ​។​

 

​ស្រប​ពេលដែល​ជនជាតិ​យួន​ជាច្រើន មក​រស់​នៅលើ​ទឹកដី​ខ្មែរ​ទាំង​ស្របច្បាប់ និង​មិន​ស្របច្បាប់ ដែល​នៅ ក្នុងនោះ មាន​ជនជាតិ​យួន​មួយចំនួន បាន​ប្រឹង​ប្តូរ​ឈ្មោះ មកជា​ឈ្មោះ​ខ្មែរ នេះ​យើង​មិនទាន់​ទាំង​គិតដល់​ពួកគេ​ខំ សង្វាត​ធ្វើ​អត្តសញ្ញាណ​បណ្ណ​ខ្មែរ​ផង ។ ឈ្មោះ​ដែល​យួន​ប្រឹង​ប្តូរ មកជា​ខ្មែរ​នោះ មានដូចជា ប៊ិន មកជា ម៉ាលី​(​ស្រី​), ទី​ង៉ុ​ក មកជា ធីតា​(​ស្រី​), ភឿង មកជា ពៅ​(​ស្រី​), វ៉ង មកជា ប្រុស​(​ប្រុស​), យួន​ប្តូរ​ឈ្មោះ​មកជា​ខ្មែរ​ទាំងនេះ រស់នៅ ម្ដុំ​ផ្សារ​ចាស់ រាជធានី​ភ្នំពេញ ។ ចំណែក​ជនជាតិ​យួន​ដទៃទៀត ដែល​មក​រស់នៅ​លើទឹក​ដី​ខ្មែរ បាន​ប្តូរ​ឈ្មោះ​ឲ្យ​មាន​ជា សំឡេង​ជា​ភាសា​ខ្មែរ ដូចជា ស្រីមុំ​, បុប្ផា ជាដើម ដែល​រហូត​មាន​បុរស​យួន​ខ្លះ មិនទាន់​ស្គាល់​វប្បធម៌​ខ្មែរ​ច្បាស់លាស់ បាន​ប្តូរ​ឈ្មោះ​មកជា​ខ្មែរ ដោយ​ដាក់ឈ្មោះថា បុប្ផា​ក៏មានដែរ នៅក្នុង​សង្គម​ខ្មែរ ឈ្មោះ​នេះ​សម្រាប់​ដាក់​ឲ្យ​មនុស្ស​ស្រី ខ្មែរ ។ កាន់តែ​ជាក់ស្តែង​ទៀត គឺ​ឪពុក​-​ម្តាយ របស់លោក​ឧកញ៉ា ថោង សារ៉ាត់ (​ឃាតក​សម្លាប់​ឧកញ៉ា អ៊ឹង ម៉េង​ជឺ ) ដែលជា​ជនជាតិ​យួន​មក​រស់​នៅលើ​ទឹកដី​ខ្មែរ បាន​ប្តូរ​ឈ្មោះ​មកជា​ខ្មែរ​គឺ ថោង ចំរើន (​ប្តី​) មានឈ្មោះ​ដើម​ជា​ភាសា យួន​ថា «​មិន​» និង កែវ សារី (​ម្តាយ​)​មានឈ្មោះ​ដើម​ជា​ភាសា​យួន​ថា "​ហាយ​" ។ ចំណែក​កូនប្រុស​របស់​ពួកគេ ដាក់ ឈ្មោះ​ជា​ភាសា​ខ្មែរ គឺ «​ថោង សារ៉ាត់​» ។​

 

​ដោយឡែក លោក​ប៉ូលិស​ខ្មែរ​ម្នាក់​បែរជា​មាន​ឈ្មោះថា "​ស្រី យួន​" គឺ​ធ្វើ​ឲ្យ​មានការ​ចាប់អារម្មណ៍​ទាំង​មិន​នឹកស្មាន​ដល់​តែម្តងទៅ​។ ប៉ុន្តែ​មិនជា​អ្វី​ទេ ឲ្យ​តែ​លោក​ប៉ូលិស​រូបនោះ​មាន​ឧ​ត្ត​ម​គតិ និង​ទឹកចិត្ត​ស្រឡាញ់​ខ្មែរ ថែរក្សា​ខ្មែរ ការពារ​ខ្មែរ​ទៅបាន​ហើយ​៕

 10-6-2015

 

Leave a Reply

(*) Required, Your email will not be published