សេចក្តីជូនដំណឹង​ស្តីអំពី​មរណភាព​របស់​សម្តេច​អគ្គ​ធម្ម​ពោធិ​សាល ជា ស៊ីម​

, , Leave a comment

Photo-Samdech-Chea-Sim

​រាជធានី​ភ្នំពេញ : សម្តេច​អគ្គ​មហា​ធម្ម​ពោធិ​សាល ជា ស៊ីម ប្រធាន​ព្រឹទ្ធសភាជាតិ បានទទួល​មរណភាព​កាលពី​រសៀល​ម៉ោង​៣​និង​៤៥​នាទី ថ្ងៃទី​៨ ខែមិថុនា ឆ្នាំ​២០១៥ ស្ថិតនៅក្នុង​ភូមិគ្រឹះ​រប​ស់ស​ម្តេច ដោយ​រោគាពាធ ។ នេះ​បើតាម​ការបញ្ជាក់​ឲ្យ​ដឹង​ពី​លិខិតបញ្ជាក់​សេចក្តីជូនដំណឹង​ដែល​ចុះ​ថ្ងៃទី​៨ ខែមិថុនា ឆ្នាំ​២០១៥​។​

 

​ក្នុង​សារលិខិត​នោះបាន​បញ្ជាក់ថា ព្រឹទ្ធសភា រដ្ឋ​សភាព រាជរដ្ឋាភិបាល និង​គណបក្ស​ប្រជាជន​កម្ពុជា មាន​សេចក្តីសោកស្តាយ ក្តុកក្តួល ក្រៀមក្រំ​ជាទីបំផុត ហើយ​សូម​ជំរាបជូន​ដំណឹង​ដ៏​ក្រៀមក្រំ​នេះ​។ សព​របស់​សម្តេច​អគ្គ​ធម្ម​ពោធិ​សាល ជា ស៊ីម តម្កល់​ធ្វើបុណ្យ​តាម​ប្រពៃណីជាតិ នៅ​ភូមិគ្រឹះ​លេខ​២ ផ្លូវ​លេខ​៤៦២ ស​ង្លា​ត់​ទន្លេបាសាក់ ខណ្ឌចំការមន រាជធានី​ភ្នំពេញ​។​

Announcement

​ខាងក្រោម​ជា​ជីវប្រវត្តិ​សង្ខេប​របស់​សម្តេច​ធម្ម​ពោធិ​សាល​ជា ស៊ីម
​សម្តេច​អគ្គ​មហា​ធម្ម​ពោធិ​សាល ជា ស៊ីម ប្រធានព្រឹទ្ធសភា នៃ​ព្រះរាជាណាចក្រ​កម្ពុជា ចាប់តាំងពី​ឆ្នាំ​១៩៩៩ រហូតដល់ ពេលបច្ចុប្បន្ន​។​សម្តេច គឺជា​អ្នកនយោបាយ​ជាន់ខ្ពស់ និង​ជា​ប្រធាន​គណបក្ស​ប្រជាជន​កម្ពុជា ដែលជា​គណបក្សកាន់អំណាច​យូរ​បំផុត​នៅ​ប្រទេស​កម្ពុជា សម័យ​បច្ចុប្បន្ន​។​

 

១.​ជីវប្រវត្តិ​
–​ថ្ងៃខែ​ឆ្នាំ​កំណើត : ១៥ ខែវិច្ឆិកា ឆ្នាំ​១៩៣២​។​
–​ទីកន្លែង​កំណើត : នៅ​ស្រុក​រមាសហែក ខេត្តស្វាយរៀង​។​
–​អា​ស្រ​យ​ដ្ឋា​ន​បច្ចុប្បន្ន : ភូមិគ្រឹះ​លេខ​២ ផ្លូវ​លេខ​៤៦២ ស​ង្លា​ត់​ទន្លេបាសាក់ ខណ្ឌចំការមន រាជធានី​ភ្នំពេញ​។​
–​ជីវិត​ផ្ទាល់ខ្លួន : នៅក្នុង​ឆ្នាំ​១៩៥៥ លោក ជា ស៊ីម បាន​រៀប​អាពាហ៍ពិពាហ៍​ជាមួយ លោក ស្រី​ញ៉ែម សឿន មានកូន​ចំនួន ៧​នាក់​(​ស្លាប់​ម្នាក់​)​។​ក្នុងនោះ​កូនប្រុស​ចំនួន​៤​នាក់ និង​កូនស្រី​ចំនួន​៣​នាក់​។​

 

២.​កំរិតវប្បធម៌​
–​ពុ​ទ្ឋិ​ក​មធ្យមសិក្សា និង​​សាស​នាយោបាយ​ជាន់ខ្ពស់ បណ្ឌិត​កិត្តិ​យស ផ្នែក​ទស្សនៈវិជ្ជា​។​

 

៣.​សញ្ញាប័ត្រ​
–២០/០៣/១៩៩៨ បណ្ឌិត​កិត្តិ​យស ផ្នែក​ទស្សនៈវិជ្ជា នៅសល​ក​វិទ្យាល័យ​កាលី​ហ្វ​ញ៉ា​រ សហរដ្ឋអាមេរិក​។​
–២៧/០៩/២០០៧ បណ្ឌិត​កិត្តិ​យស ផ្នែក​ទស្សនវិជ្ជា និង អភិ​វ​ឍ្ឍ​ន៏ នៅសល​ក​វិទ្យាល័យ​ប៊ុន​រ៉ាត់​ថា​នី ព្រះរាជា​ណា ចក្រ​ថៃ​។​
–១៥/០២/២០១០ បណ្ឌិត​កិត្តិ​យ​ស ផ្នែក​ទស្សនវិជ្ជា និង​ស្រាវជ្រាវ​កសិកម្ម នៅសល​ក​វិទ្យាល័យ​ស្រាវជ្រាវ វប្បធម៌ ពិ​ភ​លោក សាធារណរដ្ឋ​ប្រជា​មា​និត្យ​ចិន​។​
–១៣/០៩/២០១០ បណ្ឌិត​កិត្តិ​យស ផ្នែក​ទស្សនវិជ្ជា ផ្នែក​ជា​អ្នកដឹកនាំ​កិច្ចការ ព្រឹ​ទ្ឋ​សភា នៅសល​ក​វិទ្យាល័យ ឌី​អូ​ជិន សឺ​មី​ណឺ​រី សហរដ្ឋ អាមេរិក​។​

 

៤.​តំណែង​ក្នុង​ព្រឹ​ទ្ឋ​សភា​
–​នីតិកាល​ទី​១ ប្រធាន​ព្រឹ​ទ្ឋ​សភា​
–​នីតិកាល​ទី​២ ប្រធាន​ព្រឹ​ទ្ឋ​សភា​

 

៥.​អតិ​ត​ភាព​ការងារ​មុនពេល​ជាប់​ជាស​មា​ជិត​ព្រឹ​ទ្ឋ​សភា​
–១៩៤៧–១៩៥៤ ចូរ​រួម​ក្នុង​ចលនា​តស៊ូ​ខ្មែរឥស្សរៈ ដើម្បី​ឯករាជ្យ​មាតុភូមិ​។​
–១៩៧០–១៩៧៥ ចូរ​រួម​ក្នុង​ចលនា​តស៊ូ​ស្នេហា​ជាតិ និង ចា​បន្ត​ប​ន្ចា​ប់​ជា​ប្រធាន​ឃុំ ប្រធាន​ស្រុក​។​
–១៩៧៥–១៩៧៨ តស៊ូ​សម្ងាត់ និង​ចំហ​ប្រឆាំង​របរ​ប៉ុលពត​។​
–០២/១២/១៩៧៨ អនុប្រធានរ​ណ​សិ​រ្យ​សាមគ្គី​សង្គ្រោះ​ជាតិ​កម្ពុជា​។​
–០៧/០១/១៩៧៩–១៩៨១ ជា​សមាជិក​ក្រុម​ព្រឹក្សា ប្រជាជន​បក្ស​ដិ​វត្ត​កម្ពុជា និង​ជា​រដ្ឋមន្ត្រីក្រសួង​មហា​ផ្ចៃ​។​
–១៩៨១–១៩៩៣ ប្រធានរដ្ឋសភា និង​ជា​ប្រធានរ​ណ​សិ​រ្យ​កសាង​ការពារ​មាតុភូមិ​។​
–០៦/០៤/១៩៩២–១៤/០៦/១៩៩៣ ប្រធាន​ក្រុមប្រឹក្សារដ្ឋ មុនពេល​ប្រទេស​កម្ពុជា ប្រកាន់យក​របប​រាជា​ធិបតេយ្យ​។​
–១៧/១០/១៩៩១ ជា​ប្រជាន​គណបក្ស​ប្រជាជន​កម្ពុជា​។​
–០៥/១៩៩២ តំណាងរាស្ត្រ​មណ្ឌល​ភ្នំពេញ​។​
–២៥/១០/១៩៩៣–១៩៩៩ ប្រធានរដ្ឋសភា នៃ​ព្រះរាជាណាចក្រ​កម្ពុជា​។​
–០៩/១១/១៩៩៣ ព្រក​រុ​ណា​ព្រះបាទ​សម្ត​ច នរោត្តម សីហនុ ព្រះមហា​ក្ស​ត្យ​នៃ​ព្រះរាជាណាចក្រ​កម្ពុជា​ប្រោស​ប្រទាន​នូវ​គោ​រម្យ​ងារ ជា «​សម្តេច​»​។​
–២៦/០៧/១៩៩៨ ជា​តំណាងរាស្ត្រ​មណ្ឌល​ភ្នំពេញ​ទៀត​។​
–០១/១២/១៩៩៨ លាលែង​ចេញពី​សមា​េ​ជិ​ក​សភា មណ្ឌល​ភ្នំពេញ​។​
–១១/០៣/១៩៩៩ រហូតដល់​ពេលបច្ចុប្បន្ន លោក​បាន​ក្លាយជា​ប្រធាន​ព្រឹ​ត្ឋ​ភា នៃ​ព្រះរាជាណាចក្រ​កម្ពុជា​។​

 

៦.​គ្រឿង​ឥស្សរិយយស និង​បណ្ដា​ស័ក្តិ​
​លោក ជា ស៊ីម បានទទួល​ងារ​ជា “​សម្ដេច​” ពី​ព្រះករុណា ព្រះបាទ​សម្ដេចព្រះ ន​រោ​ត្ដម សីហនុ កាលពី​ឆ្នាំ​១៩៩៣ និង​បានទទួល​ងារ​ជា “​សម្ដេច​អគ្គ​មហា​ធម្ម​ពោធិ​សាល​” ពីស​ម្ដេច​ព្រះបរមនាថ ន​រោ​ត្ដម សីហមុនី កាលពី​ខែតុលា ឆ្នាំ​២០០៧​។​
​ក្រៅពីនោះ​លោក ជា ស៊ីម ទទួលបាន​គ្រឿង​ឥស្សរិយយស​ជាច្រើន​ទៀត ពី​ព្រះមហាក្សត្រ មានដូចជា​៖
–២០០៧ ទទួល​គ្រឿង​ឥស្សរិយយស នៃ​ព្រះរាជាណាចក្រ​កម្ពុជា​ថ្នាក់​ជា​តូប​ការ​។​
–២៧/១១/២០០៩ ទទួលបាន​គ្រឿង​ឥស្សរិយយស “​មាស​” ខ្ពស់បំផុត​ពី​លោក ជុម មាលី​នៃ​ញ៉​សន អគ្គលេខាធិការ នៃ​គណៈកម្មាធិការ​ម​ជ្ឍឹ​ម​បក្ស​ប្រជា​ជា​ជន​បដិវត្ត​ន៏​ឡាវ និង​ប្រធានរដ្ឋសភា​ប្រជាធិបតេយ្យ ប្រជាមានិត​ឡាវ​។​
–៣០/០៣/២០១១ ទទួល​គោរមងារ​ជា «​កិត្តិ​ព្រឹទ្ធ​បណ្ឌិត​» នៃ​រាជបណ្ឌិត្យសភាកម្ពុជា ពី​ព្រះករុណា ព្រះបាទ​សម្ដេច​ព្រះបរមនាថ ន​រោ​ត្ដម សីហមុនី ព្រះមហា​ក្ស័​ត្រិ​យ៍​នៃ​ព្រះរាជាណាចក្រ​កម្ពុជា​។​
–២៨/១១/ ២០១៣ ទទួល​គ្រឿង​ឥស្សរិយយស​ថ្នាក់ខ្ពស់​បំផុត​នៃ​ប្រទេស​ជប៉ុន Grand Cordon of the Orders of the Rising Sun៕

 

 

Leave a Reply

(*) Required, Your email will not be published