តម្លៃ​មនុស្ស ទាប ខ្ពស់ ឋិត​លើ​ឥរិយាបថ​

, , Leave a comment

05-6-2015

​រាជធានី​ភ្នំពេញ : ជាទូទៅ​កំណក​ស្ទុះ​ចរាចរណ៍​ក្នុង​រាជធានី​ភ្នំពេញ សព្វថ្ងៃ​បាន​បង្ក​ភាពស្មុគស្មាញ គ្រប់​ដង​វិថី​សំខាន់ៗ​នៅក្នុង​ទីក្រុង​។ កត្តា​នៃ​ភាព​កក​ស្ទុះ​នេះ បណ្តាលមកពី​កំណើន​នៃ​យាន្ត និង​បើកបរ​មិន​គោរព​ភ្លើង​សញ្ញា និង​សញ្ញា​ចរាចរណ៍​តែម្ដង​។​

 

​បើទោះបីជា​មានការ​ចូល​រួម​ពី​ស្ថាប័ន​ជាតិ ឬក៏​ស្ថាប័នឯកជន​ចុះជួយ​ធ្វើ​សកម្មភាព​មនុស្សធម៌ ដើម្បី​អប់រំ និង​ផ្ដល់នូវ​ព័ត៌មាន​ស្ដីពី​ការគោរព​ច្បាប់​ចរាចរណ៍​យ៉ាង ណាក៏ដោយ ប៉ុន្តែ​ហាក់​ទទួលបាន​នូវ​ផល​វិជ្ជមាន​តិចតួច​នៅឡើយ ពី​ការ​ប្រជ្រៀត និង​ឈប់​លើ​គំនូស​សញ្ញា​បែបនេះ​បានក្លាយ​ទៅជា​ទម្លាប់​អាក្រក់​ទៅហើយ​។​

 

​ចំពោះ​ការមិន​គោរព​នូវ​សញ្ញា​ចរាចរណ៍ ត្រូវបាន​មជ្ឈដ្ឋាន​ទូទៅ​សង្កេតឃើញថា អ្នកបើក​មួយចំនួន​មិន​គោរព​ច្បាប់​នោះឡើយ ដោយ​ជាពិសេស​ការឈប់​លើ​គំនូស​សញ្ញា​សម្រាប់​អ្នក​ថ្មើរជើង​ឆ្លងកាត់ និង​មិនតែប៉ុណ្ណោះ​ក៏មាន​អ្នកបើកបរ​ខ្លះ​ឈប់​ហួស​គំនូស ធ្វើ​ឲ្យ​អ្នក​ថ្មើរជើង​ដែល​ត្រូវ​ឆ្លងកាត់​មានការ​លំបាក និង​មាន​បារម្ភ​នៅពេល​ឆ្លងផ្លូវ​ម្ដងៗ ព្រោះតែ​ភ័យខ្លាច​ពី​អ​សុវត្ថិភាព​និង​ខ្លាច​មាន​គ្រោះ​ដល់ អាយុជីវិត​ខ្លួនឯង​ផងដែរ​។​

 

​ដូច្នេះ មានតែ​ស្មារតី​ចេះ​ភ្ញាក់រឭក​និង​ការចេះ​ពិចារណា ដោយមាន​ការយោគយល់ របស់​អ្នកបើកបរ​ដោយ​ខ្លួនឯង​ប៉ុណ្ណោះ ដែល​អាច​ផ្លាស់ប្ដូរ​ស្ថានភាព​ចរាចរណ៍​ក្នុងប្រទេស​កម្ពុជា មាន​សុខ​សុវត្ថិភាព​និង​ព្រមទាំង​មាន​សណ្ដាប់ធ្នាប់​ល្អប្រសើរ​ឡើង​។ ចំពោះ​អ្នក​តើ​ធ្លាប់​ប្រព្រឹត្ត​ទង្វើ​បែបនេះ​ទេ​?

 

​ប្រសិន​ជាមាន សូម​កាត់បន្ថយ និង ចូលរួម​គោរព​ច្បាប់​ចរាចរណ៍ ហើយ​ត្រូវមាន​សុជីវធម៌​ល្អ​ក្នុងពេល​បើកបរ​ទាំងអស់​គ្នា​!(​បំណងល្អ​ពី​គេហទំព័រ​កំណើត​ថ្មី​)

 

Leave a Reply

(*) Required, Your email will not be published