អ្នកលេង​បណ្តាញ​សង្គម ជេរប្រមាថ សុខ​ជំនោ ថា ត្រូវបាន​ស្រី​ទាត់​ក្បាល​ចោល​ដូច​បាល់​

, , Leave a comment

​រាជធានី​ភ្នំពេញ : «​ផ្តាំ​ទៅ​អា​ជំនោ​ផង​ថា ខ្ញុំ​ថ្លៃ​ជាង​ឯង ព្រោះ​ពូជ​ខ្ញុំ​អត់​ដែល​ត្រូវបាន​ស្រី​ទាត់​ក្បាល​ចោល ព្រោះ​គ្មាន​សមត្ថភាព​ចិញ្ចឹម​គេ​នោះទេ​….​ពូជ​ខ្ញុំ​មិនដែល​មាន ប្រវត្តិ​និយាយ​មិន​ឈ្នះ​គេ ហើយ Block គេ​ចោល​នោះទេ​។ អា ជំនោ អើយ​បើ​ឯង​គ្រាន់បើ មិនមែន​ត្រូវ​ស្រី​ទាត់​ក្បាល​ហែង​(​ឯង​)​ចោល​ដូច បាល់​ទេ​….​ហែង​នេះ​ធ្វើ​ឲ្យ​ខូច​ឈ្មោះ ប្រុស​គេឯង អស់ហើយ​..»​។ អត្ថន័យ​ពាក្យពេចន៍​ជេរប្រមាថ​ធ្ងន់ៗ​ខាងលើនេះ ត្រូវបាន​អ្នកលេង​បណ្តាញ​សង្គម​មួយ​ឈ្មោះ “​គឹម​ឈី ញញឹម​” ដោយ​ធ្វើការ​រិះគន់​លោក សុខ ជំនោ ដែលជា​កវីនិពន្ធ​បទ​ចម្រៀង​ល្បីឈ្មោះ នៅក្នុង​ផលិតកម្ម​ហង្ស​មាស​។​

 

​ស្រដៀង​គ្នា​នេះដែរ​ក្នុង​ខ្លឹមសារ​ដដែល​នេះ បាន​សរសេរ​ទៀតថា «​បងស្រី​ម្នាក់​នោះ គិត​ត្រូវ​ហើយ ដែល​មិន​ដើរ​រួម​ផ្លូវ​ជាមួយ​មនុស្ស​ដូច​ហែង​នោះ​…​អា​អាច​ម៌​អា​សំរាម​…​ហែង​ស្អប់​យូ​ន​ណាស់ តែ​បទ​ចម្រៀង ហែង​លួច​ពី​យួន មក​កាឡៃ​ឲ្យ​អ្នកចម្រៀង​ខ្មែរ​ច្រៀង​ធ្វើ​អី​????? អា​ខួ​ក្បាល​អាច​ម៌ អា​ខ្យល់​..» ។​

 

​យ៉ាងណាមិញ បន្ទាប់ពី​រង​នូវ​ពាក្យសម្តី​រិះគន់ និង ជេរប្រមាថ ទៅលើ​អ្នកនិពន្ធ សុខ ជំនោ ដោយ​មិន​សំ ចៃ​មាត់​ពី​សំណាក់​ម្ចាស់ Acount ខាងលើនេះ​ភ្លាមៗ​នោះ គេ​ក៏​សង្កេតឃើញ​អ្នកនិពន្ធ រូបនេះ​ហាក់​មានការ​ក្តៅក្រហាយ​ខ្លាំង នៅក្នុង​ចិត្ត ព្រោះតែ​ទទួលយក​មិនបាន​នូវ​ពាក្យសម្តី អសុរោះ​ទាំងនេះ​រួច លោក​ក៏បាន​ចេញ មុខ​សរសេរ​សារ​តប​ទៅវិញ​យ៉ាងខ្លី​ថា «​ភាពថ្លៃថ្នូរ​ពិតប្រាកដ របស់​មនុស្ស លើ​ការពិត គឺ​គោរព ឪពុក គោរព​ម្តាយ​ដែលជា​អ្នកមានគុណ ដោយ​ប្រើ​ឈ្មោះ​ពិត​រូប​ពិត​..»​។​

 

​ទោះបីជា​យ៉ាងណាក៏ដោយ​គេ​ពុំ​បានដឹង​ទេ​ថា តើ​អ្នកនិពន្ធ សុខ ជំនោ ជាមួយនឹង​បុរស​ម្ចាស់ Acount ឈ្មោះ «​គឹម​ឈី ញញឹម​» ម្នាក់នេះ ធ្លាប់មាន​ជម្លោះ ឬ​បញ្ហា​អ្វី​នឹង​គ្នា​កាលពីមុន​នោះឡើយ ទើប​រហូត​ឈានដល់​មាន ការសរសេរ​សារ​រិះគន់ និង​ជេ​ប្រមាថ​ធ្ងន់ៗ លើ​បណ្តាញ​សង្គម​ហ្វេ​ស​ប៊ុ​ក ជា​សាធារណៈ​បែបនេះ​។​

 

​សូមបញ្ជាក់ថា លោក សុខ ជំនោ ធ្លាប់មាន​ប្រវត្តិ​ស្នេហា​ជូរចត់​ជាមួយនឹង​តារាចម្រៀង​ល្បីឈ្មោះ គឺ កញ្ញា សុគន្ធ នីសា រហូត​រស់នៅ​ក្រោម​ដំបូលផ្ទះ​តែមួយ​ទាំង​ទាន់​ចូល​រោងការ​។ ប៉ុន្តែ​ចំណង​ស្នេហ៍​មួយ​នេះ​ត្រូវ​ប្រះ​បែក​ដោយ​គ្មាន​ថ្ងៃ​អាច​ផ្សះផ្សារ​បាន​រហូត​ឈានដល់ សុគន្ធ នីសា សម្រេចចិត្ត​ដើរចេញ​ពី សុខ ជំនោ ក្រោម​ហេតុផល​ថា រួមរស់​មិន​ចុះសម្រុង​នឹង​គ្នា​។ ប៉ុន្តែ​គេ​មិនបាន​ដឹង​ហេតុ​នៃ​ជម្លោះ​ដ៏​ស៊ីជម្រៅ ក្នុង​រឿង​ស្នេហា​រវាង​លោក សុខ ជំនោ និង​កញ្ញា សុគន្ធ នី​តា ដល់​ថ្នាក់​បែក​ចាន បែកឆ្នាំង​គ្នា​នោះឡើយ​៕

03-6-2015 (2) 03-6-2015 03-6-2015 (1)

11227578_1062362723791924_1808893038978181910_n

 

Leave a Reply

(*) Required, Your email will not be published