សម្តេច​តេ​ជោ ហ៊ុនសែន ប្រតិកម្ម​ទៅនឹង​អង្គការ​មូលនិធិ​អាស៊ីអាគ្នេយ៍ ដែល​រាយ​អន្ទាក់​បំណុល​ចាប់​ប្រជាជន​

, , Leave a comment

​រាជធានី​ភ្នំពេញ : កាលពី​ព្រឹក​ថ្ងៃទី​២ ខែមិថុនា​នេះ សម្តេច​តេ​ជោ ហ៊ុនសែន បាន​ប្រតិកម្ម​ទៅនឹង​អង្គការ​មូលនិធិ​អាស៊ីអាគ្នេយ៍​ដែល​បាន​ខ្ចីលុយ​ពី​ប្រជាពលរដ្ឋ ដោយ​ឲ្យ​ការប្រាក់ ១០​ភាគរយ​។ សម្តេច​តេ​ជោ ហ៊ុន សែន នាយករដ្ឋមន្ត្រី បាន​ប្រតិ​កម្មនេះ​ធ្វើឡើង ក្នុង​ពិធី​សម្ពោធ​ដាក់​ឲ្យ​ប្រើប្រាស់​ផ្លូវ​លេខ​៤១ នៅ​ស្រុក​សំរោង​ទង ខេត្តកំពង់ស្ពឺ​។​

 

​សម្តេច​ហ៊ុនសែន ក៏បាន​បញ្ជា​ឲ្យ​ក្រសួង​សេដ្ឋកិច្ច និង​ហិរញ្ញវត្ថុ ធនាគារជាតិ​នៃ​កម្ពុជា រួមទាំង​អាជ្ញាធរ ចាត់វិធានការ កុំ​ឲ្យ​ថ្នាក់ដឹកនាំ​អង្គការ​នោះ រួចខ្លួន​ឲ្យ​សោះ​។ សម្តេច​តេ​ជោ ក៏បាន​អំពាវនាវ​ដល់​ប្រជាពលរដ្ឋ​ថា "​សូម​ប្រជាពលរដ្ឋ​កុំ​ចាញ់បោក​គេ​ឲ្យ​សោះ មីក្រូហិរញ្ញវត្ថុ ដែល​ឲ្យ​លុយ​ប្រជាពលរដ្ឋ​ខ្ចី មិនមែនជា​របស់​រដ្ឋ​ទេ ជា​របស់​ឯកជន​។ រដ្ឋ​មានតែ​ធនាគារជាតិ​តែមួយ​ប៉ុណ្ណោះ​"​។​

 

​គួរ​រម្លឹក​ដែរ​ថា កាលពីពេល​ថ្មីៗ​នេះ អង្គការ​មូលនិធិ​អាស៊ីអាគ្នេយ៍ ដែល​ស្នាក់ការ​ធំ​នៅ​សង្កាត់​បឹង​សាឡាង ខណ្ឌទួលគោក រាជធានី​ភ្នំពេញ និង​មាន​សាខា​នៅ​ខេត្តកំពង់ឆ្នាំង បាត់ដំបង ត្រូវបាន​អាជ្ញាធរខេត្ត បញ្ជា​ឲ្យ​បញ្ឈប់​សកម្មភាព​ជាបន្ទាន់ ដោយសារតែ​គ្មាន​ច្បាប់​អនុញ្ញាត​ពី​ក្រសួង​សេដ្ឋកិច្ច និង​ហិរញ្ញវត្ថុ​។​

 

​កន្លងមក​មាន​ប្រជាពលរដ្ឋ​រស់នៅ​តាម​បណ្តា​ខេត្ត​មួយចំនួន ធ្លាប់បាន​លក់​គោ ក្របី ដីធ្លី ផ្ទះសម្បែង យកទៅដាក់​សន្សំ​ជាមួយ​ក្រុមហ៊ុន EBC តាម រយៈ​អង្គការ​AIF​និង​សមាគម ICA ព្រមទាំង​តាម​លក្ខណៈ​បណ្តាញ​តៗ​គ្នា​ដោយ សង្ឃឹម ថា នឹង ទទួលបាន​ការប្រាក់​ខ្ពស់ តាម​បច្ចេកទេស​ឃោសនា​បោកប្រាស់ របស់​បុគ្គលិក ក្រុមហ៊ុន EBC រួចហើយ​ពួកគេ​ទាំងនោះ​ក៏បាន​ក្លាយទៅជា​ជនរងគ្រោះ​យ៉ាង​អយុត្តិធម៌ ។​

 

​សាលាខេត្ត​កំពង់ឆ្នាំង បានចេញ​លិខិត​ជូនដំណឹង​មួយ​បន្ទាន់ នៅ​ថ្ងៃទី​២៦​ខែឧសភា ឆ្នាំ​២០១៥ ដោយ​ជម្រាប​ទៅ​នាយក​អង្ការ មូលនិធិ​អភិវឌ្ឍ​ន៏​អាស៊ី​អា​គ្នេ​យ៏​ហៅ​កាត់​ថា អង្គការ AIF នៅ ក្នង​ខេត្តកំពង់ឆ្នាំង ឲ្យ​ផ្អាក​បណ្តោះអាសន្ន​ជាបន្ទាន់​នូ​ង​រាល់​សកម្មភាព​របស់​អង្គការ AIF ។ ហើយ​ថ្ងៃទី​២៩​ខែឧសភា​ឆ្នាំ​២០១៥ នេះ​សាលាខេត្ត​បាត់ដំបង បានធ្វើ​របាយការណ៍​ជម្រាបជូន ក្រសួងមហាផ្ទៃ អំពី​អង្គការ​មូលនិធិ អភិវឌ្ឍន៍អាស៊ី អាគ្នេយ៍ AIF ក្រោយពី​ប្រជុំ​នៅ​សាលា ខេត្តបាត់ដំបង​នៅ​ថ្ងៃទី​២៧​ខែឧសភា​ឆ្នាំ​២០១៥​ឲ្យ​ផ្អាក​បណ្តោះអាសន្ន​នូវ​សកម្មភាព​ពាក់​ព​ន្ឋ័​និង មីក្រូ ហិរញ្ញវត្ថុ​៕

22104716492f948808daf551035891

 

Leave a Reply

(*) Required, Your email will not be published